up
1個讚
住自己樓有二人世界都唔算提升生活質素？
全屋都自己話事
2個讚
佢意思係想買就買，想去旅行就旅行，唔使慳住使。
其實係咪得公屋得天下?
我聽奶奶講，有鄰居用10幾萬裝修間公屋自住 (唔係買斷)。每月都係千幾2千蚊租，有啲咩維修一個電話就得(雖然要等吓)。私樓好多雜費，一闊三大。
其實兩老係我地廿幾歲時已經有叫我地買，但當時人工低，供唔起而拒絕咗(果時400萬有大嘅2房單位)。而家再問，如果再拒絕應該唔會再問了。
可能你老爺奶奶易相處所以你接受到同住
考慮工作穩定性、生唔生、對生活要求等等
其實你兩公婆根本唔想買，因為唔想供樓吧？
正常一定會建議你哋買，自己物業先係自己資產，但人各有志，你哋又唔介意和兩老住一世，其實無問題。
驚供樓唔想買咪唔買, 但唔買D錢都唔好齋放喺度貶值, 如果睇好香港樓市可以買REITS 對沖你唔買樓呢個決定
你老公係獨子都好，唔洗煩佢兩老百年歸老時點算。
你有無工作? 淨係寫老公名我覺得唔係咁安心。
令我諗起我娘親有次要幫我打算將來，佢認為我同老公應該要自己買樓，佢話俾首期(一成首期，叫我買居屋)，我兩公婆供，但寫娘親同我既名 
當時已經reject左佢，因為個計法對我老公唔公平。
娘親話點會唔公平? 我話4百萬既屋你俾左40萬出黎但已經有一半，但我同老公供360萬都係得一半，大吉利是你兩腳一伸阿哥就無情情有25%。
佢叉晒腰話我幫晒個老公，嘈完一輪無結論。
過左幾日，我挑佢機，我話99都話俾一成首期俾我地買樓，寫老公兩母子個名，我問佢好唔好，佢就話我ON居俾人呃喇，如果同老公離婚就乜都無，白供左俾人地。
我話咁你明點解我要你出首期依個好意啦 
1個讚
相處正常啦，係政見完全相反。1個藍1個紅到黑，唔講政治冇乜嘢。
我老公份工好穩定，亦已經有1個小朋友。我地平時使費唔多，經常都係留喺屋企間房到(私人空間)，唔好名牌，食嘢冇所謂，放假都係行山，商場真係只window shopping。我諗唯一生活要求係每年去一次旅行咁。
供樓係老公嘅人工3份1(應該仲有上升空間)，兩老講明搬出去就唔使俾家用。其實真係睇肯唔肯捱。因為買樓唔係供樓舊錢就算，仲有水電煤管理差餉地租。。
我冇買過私樓，其實差餉地租幾錢到? 點計出嚟?
我睇你情況係好適合買樓喎，你老爺奶奶對你哋都好好，搬出去就唔使比家用
我就一定揀供樓，有自己地方，兩房一廳個仔就有自己一間房，有返啲家庭生活，好享受
你哋一結婚就和長老住，從來無自己兩公婆搬過出嚟？
咁和長老相處到係好事，但可能因為你哋無試過自己住，無得比較有咩分別。自己住嘅私人空間，和一間房嘅私人空間，係兩回事，但當然要做嘅家務和責任都唔同。
冇呀。雖然好鐘意行傢俬鋪諗將來自己嘅屋點裝修，但一直得個諗字。
同時都有親戚話唔應該買，覺得樓價貴，覺得住公屋仲好。話人人都恨有公屋，點解要反其道而行。(老公而家入息冇可能排公屋，當年佢18歲即排另計，但果時唔會識咁諗…居屋抽唔到…
)
而家我係全職湊小朋友，不過遲吓會出返嚟做嘢，到時生活應該會好啲。
不過我對自己handle一頭家唔係有好大嘅信心。。因為生活上一直受兩老照顧。。
唔好意思，我對投資唔係好識。呢樣係?
我而家冇工作，全職湊小朋友。等小朋友大啲會出返嚟做嘢，希望有人請。。
如果你哋連樓都無睇過，咁真係兩個人都完全無 買樓 嘅動力和想法，買樓除咗錢，仲要有鼓衝勁，我感覺唔到你哋有。
如果連 “諗”買樓都令你兩公婆有壓力，就安於現狀算了，反正依家有地方住，唔使瞓街。
「樓價太貴，買不起！」除了香港人，還有很多大城市的居民都會把這句說話掛在口邊。但如果告訴你，不用花7位數字的金額買樓做業主，都可以有樓收租，你信不信？是可以的！因為世界有一樣投資產品叫 REITs ──房地產投資信託基金 ( 房託基金、Real Estate Investment Trust)！
甚麼是 REITs ?
REITs，中文為產業信託，基本上是投資於證券交易所上市信託基金旗下擁有和管理的收租物業，物業可以是住宅、商業物業、商場、舖位、寫字樓、工廠物業、酒店，甚至是泊車位、街市、貨倉、醫院。在美國，就連私營監獄都有上市產業信託！
產業信託以收租作為收入，收回來的租金減去營運管理支出後，就要把最少9成作為股息分發給投資者，所以股息利益率都頗高，而且相對穩定。最少9成股息分派比率這個數字，是由香港證監會制訂，在其他地區上市的REITs，其股息分派比率都是差不多。至於最後派多少息，就視乎產業信託持有的物業和營運開支高低而定。
REITs香港代表：領展(HKG:0823)
香港最「有名」的產業信託，當然是舊稱「領匯」的領展房地產投資信託基金 (HKG:0823) 。當年房委會財困，要把旗下物業出售私有化，才組成了領匯，持有的物業包括商場、街市、停車場和寫字樓，應該不少讀者都曾「交租」給領展。而第一個由私人機構組成的產業信託，就是長實旗下主要持有商業和工貿物業的泓富產業信託 (HKG:0808) 。
你將來小朋友大過左，就會想有自己一間房，到時你地公屋夠唔夠地方住？其實買自住樓都幫你儲緊錢，只不過要套現就transaction cost好大。除非你覺得將來樓價會大跌，否則諗唔到你地唔買樓既原因。
管理費、差餉地租，搵到心水物業，問下agent就知㗎喇。如果你想有人湊小朋友，就搵老人家屋企附近d樓啦。可以去睇下樓先，睇樓基本上零成本。
將來唔夠，小朋友要跟我地一間房。除非兩老走咗，就可以改佢間房變小朋友房。
咁點得呀，你小朋友最遲中學已經好需要有自己房啦，為左個仔，買啦。
係，其實呢啲資料，好易搵，睇多幾次樓就知，但樓主兩公婆好似零概念，所以先覺得佢哋根本唔想買樓。