本身一家三口同老爺奶奶住公屋，相處唔係有好大嘅問題。而兩老一直認為買磚頭保值，願意出較多嘅首期幫我地置業(二手上車盤)，而老公嘅收入係供得起。
究竟拒絕佢嘅好意，一直同兩老住，等佢地百年歸老，間公屋會轉老公做户主(應該可以?)，我地就可以一直住落去定真係開展供樓嘅獨立新生活好?
等廿幾三十年後有公屋但唔要，走去做最少2x年樓奴係咪好on居?
有人幫手俾首期，供得唔算好辛苦，但寧願要公屋都唔要將來嘅資產係咪好on居?
利申:
1)老公講明唔會移民
2)兩老唔會用綠表抽居屋
Thank you
相信你已有答案。
已經是答案了~ 既然唔走, 有自己既屋當然好啦~
既然供得起, 點解要幫人供樓~
供得辛苦，無左生活先叫樓奴，供得舒服，無影響生活點會係奴？
乜唔使入息審查？
正常應該要，但好似係跟返住緊嘅入息要求?
其實我唔confirm
又唔會話供到零壓力。
同住公屋時嘅生活質素一定有差距，始終公屋係好平租，支出少，淨嘅錢自然多。而供樓會多咗雜費(管理費，差餉，地租)，雖然唔會月月清，但居住環境係會好咗嘅。
而家1516中
當富戶租金計算？
有呢個可能，可能2倍，3倍租咁。
但要等2，30年，兩老百年歸老後，户主名先有機會轉做我老公。
有人俾埋錢你買自由仲要諗on唔on居？
有小朋友的話，居住環境就好緊要。
同埋廿三十年後嘅野講唔埋，之前公屋行雙軌先要走，而家都變左單軌，如果到時你發現要入息審查，你就臨老要煩住屋。
好現實嘅問題:
如果唔走, 就一定係要有自己嘅瓦遮頭…
屋企人肯幫手喎，仲等咩呀？如果老公唔諗住走，咁你都係要留喺度生活架
最近都升得幾快，你睇定先好啲呀
係咪唔駛還？獨子？
我一直都有同老公講移民嘅諗法，佢係咪零能力移民呢又唔係，但佢堅持留港都冇辦法。
而家就係1516留守公屋，舒服生活定供自己屋，不過要慳啲使。
唔使，獨子。
去馬！
咁坦白講, 除非你老公係好聽話, 好錫你, 有咩企你果邊, 呢種情況我建議樓主你唔好比太多意見
因為首期唔係你比, 又唔係你供, 又唔係你名… 一切以你老公馬首是瞻好了 (衰D講我見過大把唔想益新抱而喺背後搞小動作嘅CASE)
總之佢自己想買同覺得負擔到, 先買
免得樓價跌左/失業供唔起比人怨, 到時會有千百個藉口, 你急住要上車…你想搬出嚟…