你有冇諗過，兩老走左就爆資產？
兩人家庭，190萬
我唔知非戶主，可唔可以拎舊錢買樓收租添
我媽都有幫手俾首期一半，而家自己同老婆供，果時剛好又好彩抽到新盤就上馬，細單位又唔會貴得過外面2手2房果d
供2手樓就留意多樣，因為例如30年樓齡，你未供完可能就已經要俾筆維修費之類
洗唔洗預備舊錢俾小朋友留學？
我老公係需要人推佢一把嘅人嚟(係移民推唔郁…)。
佢有諗過買，仲諗咗好多年，都係覺得仲有得跌果種，加上當時幫唔到啲咩首期，所以就冇下文。
而家嘅佢就諗緊留唔留守公屋。佢覺得唔要間公屋，生活質素會急速下降。但事實又冇佢諗嘅咁誇張。
爆唔爆資產，呢樣又冇諗喎
不過公屋嘅户主或成員都唔可以有物業，如果老公真係買嘅就要除名。除名就返唔到轉頭。
呢樣都聽過，老公之前有留意啲盤。都係廿至廿幾年樓齡。啲維修費係視乎屋苑大唔大而決定夾幾多錢?
多唔多住戶分擔，我唔知你有無心水搵邊區，你留意下，再唔係直接問地產舖，例如要求15年樓齡以下之類，睇下佢有無建議
如果有需要嘅，會問吓。thank you
我地本身有儲錢俾小朋友將來留學，如果買樓嘅會儲得慢咗。
就咁睇，假設兩老百年歸老嘅，個入息應該都唔會爆。
限額就唔確認了，主要唔知將來到我地手會淨幾多。
曾經有個上網問，父母不在，資產有120萬，講真獨子獨女，父母留返幾十萬，自己有幾十萬都好正常，但要自己租樓/買樓又重皮
up吓，希望有多少少意見。thank you
我就一定揀買樓了，有咩開心得過唔使同老爺奶奶住自成一家
講得灰d…
交租幫人供樓，其實都係「樓奴」嘅一部份
揀個適合自己嘅方案啦…
點諗都係買大於唔買
講到明唔移民長期留守香港更加要買
公屋始終唔係自己既 幾十年流流長
政府可以收緊政策踢走「富戶」，條線係佢畫既點玩都得
同埋私樓值錢一點係可以玩樓換樓、remortage一開二、放租
將來有物業收租養活你兩公婆唔洗個仔咁大經濟負擔養你地都係one of the best blessing
仲未計可以一家人終於有安樂窩
定係你真係好enjoy同老爺奶奶住呀
廿幾三十年
係廿幾三十年喎樓主
廿幾三十年後隨時小朋友都出埋身你抱孫喇喎
同老爺奶奶相處幾好都好
同住始終好多嘢都冇咁方便 教小朋友都係
自由無價呀 ～～～
1個讚
我地係同老爺奶奶一齊住緊公屋，所以暫時唔存在幫人供樓~~
呢點太長遠同太複雜。唔敢諗，暫時都係以自住為主。
同老爺奶奶住嘅好處係佢地照顧返我地轉頭，即係煮飯果啲，幫手湊吓小朋友咁。而住公屋又真係淨得多錢啲，生活質素好啲。供樓就先苦後甜，要供廿幾三十年先供斷。
最少都廿幾年，兩老唔算太老，身體又唔係超差，識養身。老公擔心供樓會生活質素下降，覺得要捱好多年。
住公屋唔使諗呢啲問題，唔係太貴嘅話，想買就買，想食就食。供樓就會有個憂慮，可能買前要諗吓先咁。