佢好明顯唔係同路人
其實純數字形來講，樓主真係可以上到會？
一球首期可以有乜嘢選擇…
35k收入點都要搵人擔保…
1個讚
嚟得呢度我當係 
樓主，有上進心，肯向上絕對係好事，一個人多磨練，苦盡甘來食乜都會好味道啲
例如你一家三口自己有個小天地，請朋友上嚟，或者你仔仔請個best friend上嚟開個細生日會，佢會好開心自己有個房仔/廳招呼朋友，呢啲係小事，但會提升你哋一家融洽度同生活質素
一頭家，錢就係咁樣使，唔係齋儲起佢然後困喺一個房仔就叫做好
我細個係喺床同食飯枱做功課，一本書都冇錢買，暑期作業都幾乎唔買同學校講就算。初中時聽到同學有電腦簡直天方夜譚，我好記得我中二有同學開生日會請我去，我連一件好樣嘅衫都冇，煩咗成個禮拜都唔知著乜好，因為同學住何文田靚屋，我唔可以失禮。我以前真係好自卑
到我大個，我買好多書同衫，當然好鬼大洗，但我鍾意嘅嘢我負擔到，屋企有位擺靚靚，例如啲褸我可以掛起晒佢跟色排，啲書我分好晒類排，得閒放假攞一本出嚟送咖啡睇，都係一種成就
你生活有空間，可以放擺設，心頭好，斷捨離又得，點會唔係一種成就呢？係你老公努力工作，你努力持家嘅幸福
希望你明白，姨姨冇呃你，我而家唔做嘢都唔得，我老公搵唔多，但兩口子一齊捱，供樓，有負擔，有壓力然後享受到生活，絕對係幸福 
3個讚
樓主其實有啲可愛
無上進心唔係咩大缺點，日後努力啦！要多啲學下料理家事（收納、烹飪），掌握得愈多，信心先會多！
呢度啲姊妹個個都好有愛，唔關心同路人根本都唔會打咁多字回覆
2個讚
買完d錢係換左個方式儲姐… 有人支持都唔買就真係笨啦
1個讚
我都覺得係，我估佢真人真係成個細路女咁，好好脾氣，hea hea 地，同老爺奶奶應該都相處到 
老人家比錢你買樓然後仲唔使你哋比家用，唔知去邊度搵
你諗真啲，啲錢直情係比咗你哋了
如果佢哋繼續keep，最後會去佢哋醫藥費度，未必會比到你哋㗎(雖然咁諗有少少衰)
BD插人但依然會分析會講道理，我最憎BK啲女人善妒小器，為插而插，唔應該
1個讚
點解你突然變得咁溫柔
唔似你風格
2個讚
佢係奶到盡唔放手
所有好野係自己手
因為今晚好得閒
演唱會睇左，飯又食好、野又執好⋯⋯
我平時係火爆type，不過對住小妹妹我留一手
如果係Nancy佢死咗好耐
我頭先打打下都有啲感懷身世
終於見到你既「鐵漢柔情」
兩老咁講明唔使俾家用…唔明點解仲唔去馬…樓呢D野又唔一定供一世架嘛，有需要又可以換樓，衰D講句真係有咩突發事冇錢都可以拎去按拎返D緊急錢出黎用，你地生活咁清淡既人其實買樓真係冇咩問題，住得大D唔好咩?
撞鬼你哋咩一個二個，乜我平時好倀雞㗎咩？(係)
其實有老爺奶奶比舊錢你好幸福了，不過老公月入3萬供一萬，我建議你都出返嚟做嘢，除咗供樓，水電煤管理費差餉都要錢，小朋友讀書學嘢又一筆，加油，同埋而家樓價唔似會大跌，香港人工又追唔到水平，愈遲買只會愈貴
我就係覺得要供一世
同埋如果拎返啲錢出嚟，咁係咪即係再供過?
樓換樓，我覺得好難。因為要再供過。。
我地生活係清淡嘅，但個心都係覺得有cash揸手安心啲。
其實如果冇買，會疊埋心水住一世公屋㗎啦。。
之前仲話想生多個，而家買咗就唔使旨意了。
會愈供愈少愈供愈輕鬆，唔係成世供一萬架
樓換樓係按你需要，過幾年你就明
問清楚寫邊個名先