其實哩度好多人幫緊你，比意見你，不過一路比你reject 又reject，所以大家都嬲嬲地。
睇情況你既首期唔多，選擇唔多，
人工亦唔多，分分鐘過唔到壓力測試，
過幾年，你出黎做野都未必追到樓價。
哩個post 其實係冇再討論既空間⋯⋯
呢啲唔係真 有錢人，之前都講過，新相識嘅人、搵學校、見工，一睇地址係公屋，就會當你係草根階層。
真正有錢嘅人，點會想一世住公屋，只係啲有少少錢，又短視嘅人，先會想一世呢喺公屋裡面。
其實如果今次真係撻嘅，都唔會買得返。
因為咁，家人都唔想撻。一嚟覺得肉赤，二嚟覺得都買咗就心口掛個勇字繼續衝。。。。。
可能我一直都住緊公屋，讀屋村學校大。所以冇乜嘢，成班柴娃娃一齊玩咁。
我正正係好安於現狀，繼續咁樣就一世嘅人。而家對我嚟講 衝擊太大了。
絕對係，我朋友教九龍塘名幼，佢話睇申請表時會抽出公屋。
我唔贊成樓主買私樓，因為當事人都冇意欲買，屋企人比埋首期都要考慮（如果係比錢去旅行應該就唔會瞻前顧後了
），咁不如唔好買咁煩心啦
但你千祈唔好比個仔大個知道，如果唔係我都幾肯定佢會怪你哋當年唔上車
但你第一個po 話供得唔算辛苦⋯⋯
又何來撻訂呢？
又何來話一杯珍珠奶茶都唔敢飲？
1個讚
你個年代同你個仔個年代都差30年⋯
以前天生天養，依家仲可以咁咩？
冇能力做，做唔到係一回事
有能力而唔去做就好大問題
樓主請繼續活自己嘅世界
亦都希望你仔仔第時可以闖出一片天空
1個讚
唔好講笑啦，儲到唔代表會儲，唔係話住公屋最正係有錢去旅行咩
你咁講得根本唔明有樓同冇樓嘅人資產上嘅分別，響量化寬鬆嘅年代，冇資產嘅人手上嘅銀紙只會不斷貶值，而資產價格（唔止香港，係全世界）反而會「被迫」上升。Any肥，人各有志，最緊要自己開心，保持心境正面都好緊要
1個讚
生活一直太安逸，加上sis都講得啱。我未試過真正持家，對我嚟講有啲恐懼。驚做得唔好，甩甩漏漏。阿仔係屋企搗亂嘅同時我可能做緊其他家務，兼顧唔到等等。
撻訂就唔使擔心。但自己就永遠長不大。
珍珠奶茶係誇大咗嘅
事實我唔飲的。因為三十幾蚊一杯覺得唔值，我去惠康買即沖好過啦。平勁多，又唔極難飲(個人口味，人人唔同)
有啲人住公屋都會做月月清，但有啲人真係會儲錢。就等於樓上有人share, 同屋企人住公屋都儲到首期結婚買樓一樣。只係我地儲嘅錢唔係買樓用。
人人都話香港玩完，啲香港人走哂。樓價會跌，而家買係接火棒，有錢唔移民係on_ (雖然老公話唔移)。又話2047年地契唔知點，總之就係好友有好友講，淡友有淡友講。唔買唔係仲好，唔使煩?
有錢既人係買完樓之後都仲可以吃喝玩樂揸靚車
而唔係唔靠納稅人資助就人生玩完。。
1個讚
樓主原來真係你本人，我記得你之前超好脾氣 
唔會個個香港人走晒，不過個環境只會愈來愈惡劣，移民都會惡劣，全球環境囉
我都係窮人家長大，好草根添，連公屋都住唔到住劏房。我細個見同學有自己書枱書櫃已經好羡慕，更加唔好講自己床
我讀普通學校之嘛，不過自強向上，入到大學，不斷進修。而家係窮中產，算專業人仕，有幾個學位。
我好自豪自己脫離到個階層，唔係因為我睇唔起我出身，係我自豪於自己擁有所有嘢都係父母窮但盡量比有限資源(只係三餐溫飽但都可以啦)同埋自己讀書&工作既成果。上一輩既現金好少會留到畀你哋，佢哋會用架嘛，醫療好甘架。
而家難得佢哋肯畀個機會你兩公婆set up一頭家，你要珍惜，你自己一家一戶點都好過同老爺奶奶同住公屋。公屋真心冇問題，但以為公屋=富戶/儲好多錢呢個心態唔係公屋既原意，一個人向上流動係最開心既事
我細個肯定比你窮好多，我都好自卑，但而家唔會了。
你信我，到你捱出頭來會享受到架
4個讚
係呀，唔買最好
呢個先係重點，和買樓無關，只係樓主唔想負責任而已。
樓主，做咗人阿媽，唔到你揀，負返啲阿媽要負嘅責任啦。
呢個都係好中point
我四十幾歲冇小朋友，我唔會係好媽媽，我阿媽都話我逃避責任長不大，不過唔生好過累個細路
但我做家務、煮食、服侍老人家都有做，都算係持家嘅，我好享受呢啲責任
我其實幾喜歡樓主，雖然我之前都起勢片你，但我覺得你細路女，又好EQ，所以我一直同你傾同講道理。你加油，呢度啲人唔會點你㗎，好人嚟
2個讚
你好好人，大家都半放棄狀態你都仲肯寫咁多鼓勵佢。
希望佢真係會明
3個讚
將來都冇得唔負責，希望我做得到。
多謝你一直都咁有耐性覆我。
我頭先仲發哂脾氣咁都覺得自己仲好細路。
恐懼感太大，又捉住睇得唔使得嘅呢個point去諗。
又驚市跌會點，又擔心呢樣果樣。
心情真係超差，訓得仲差。
公屋嘅好處太入腦。
1個讚
我之前有串過你㗎，我脾氣好臭
不過我好欣賞你又逐個逐個覆唔會發脾氣，我比你打敗 
因為我當呢度係同路人forum，同路人一定有良心，我想多寛容多分享多幫助，雖然我成日燥底做唔到
咁你都有一個優點：你做事謹慎，諗多一步
大把人樓價高都上車，個個都會驚負資產，但自住供得到唔怕
你好好享受兩口子一間房，小朋友一家房，成個廚房用晒，得閒上嚟傾下分享下你新居丫