樓主我就當你唔係膠啦，可以講下你兩夫婦幾多歲？
我四十幾，有人生經驗，你多考慮下諗下啦
咁生活質素下降咗嘛。。可能突然想出街食吓飯都要諗吓，買支平價酒又要諗吓。。
就嚟3字頭
你兩個如果煮飯，又平又美味又有營養，呢啲就係自己住既好處了
咁唔駛問啦，問嚟做乜
唔係好明點解攪到咁複雜
而家樓主覺得供樓會吃力左
生活質素下降
咁尼一刻如果小朋友仲頂到一齊一間房訓
咁咪唔買住囉
遲下真係唔夠住先買
住公屋如果鄰居正常嘅話真係好無敵
大把錢儲
(唔好話QE低息樓市gogogo, 2019到而家係橫行, 大單位向下, 仲有美國下年加息, 其實本身2019加緊息收緊水, 係covid攪到放多次水)
唔買樓=唔上進，我就唔同意啦
人生唔一定為咗層樓
住大屋唔代表成就高
買樓又唔係唯一既投資方法
唔應該將佢哋對等
2個讚
主要因為樓主一家三口，依家住公屋係要長老倒貼日常開支＋生活大小事務支援，長老又開到口想佢哋搬出去(貼埋錢)，所以大部分人覺得佢哋應該買樓搬。
7個讚
但佢唔係唔買樓咁簡單，係間公屋唔係佢，佢哋平時唔比家用(比好少)，兩老出埋錢比首期話供樓後唔使比家用，佢哋都唔願意，一心諗住自己fing啲錢，放落個仔度，然後兩老走就要埋間公屋
唔叫唔上進？係啊直情冇出色同冇責任心
仲想學人生兩個，間多間房喎
兩老慘到爆
1個讚
拿，我唔係撩交嗌嘅，呢個位邏輯我唔明白唧…
點解你兩公婆可以結婚生埋仔都繼續啃老，
而又口口聲聲話個仔夠年齡就唔養佢
身教何在？
如果你地對於家庭教育、道德教育係咁唔在意嘅，又何苦咁辛苦儲錢供佢出國讀書呢？
不如開開心心fing埋佢享受下
6個讚
主要睇下兩老動機係咩囉
如果兩老唔想同佢哋一家三口住, 覺得迫嘅, 咁梗係要搬啦
如果係投資角度嘅, 咁又另外一個topic
兩老養返佢地轉頭
咁又係另一個topic啦
其實一個願打一個願挨
又冇影響其他人
旁人真係冇咩好講
一房都要啦
樓主話大西北，應該可以呢
邏輯就係又要啃老但又唔俾自己個仔啃老，自己食曬win win
3個讚
我覺得越睇越膠，其實樓主思路文理清晰，同佢所講嘅行為唔相符，正常有啲咁嘅歪理思想嘅人，答問題唔會係咁。
1個讚
而且佢嘅文字表達能力極強，冇錯別字，用字精確，20幾歲，又成日問人自己係咪不適合往上流，正常人就算有咁嘅諗法，都好少會承認兼急於搵人認可。
可能係為寫文章而準備？
但我地都冇激烈討論，唔夠引起世代紛爭
定係又要
90後為財務自由，甘於婚後與父母同住
網民: xxxxx
1個讚
因為我覺得自己真係唔適合向上流。啃老係好差嘅做法，但人窮都沒法。我唔捨得洗錢供，諗起供30年就好驚。樓換樓，一開二，都要有本錢俾部份開支。
感覺供咗樓就甚麼都不是，買杯珍珠奶茶都要諗吓先。
我唔係寫文章的。如果係就好，賺吓錢。