我供緊兩層樓，娘家夫家夾硬嚟都算有地方住，不過我就算住劏房都唔會同佢哋住
我唔做嘢一個月都唔得，手頭現金儲蓄都係得幾十萬
冇細路，有既話日子都拮据
家務兩公婆分嚟做
買樓後你哋唔使比家用，都唔會點辛苦。仔女大少少可以做兼職甚至出嚟做嘢
問下你︰你老公工作穩定嗎﹖
穩定呀，佢上司幾睇得起佢。但收入唔係話好多，35k樓下。
拿樓主我真心勸你︰做人上進啲，立個榜樣畀小朋友，成家立室搬出去好重要，父母要維持一頭家好多嘢學，你做到自己都有自信
朋友嚟你屋企你一家人都會感到喜悅開心
有時我去人哋屋企少不免會羡慕人哋住大屋。不過自己腳踏實地一路樓換樓，就算只係普通屋企都係一頭家，都對得起自己
4個讚
其實你唔覺得係膠PO?
唔好費心機勸佢，樓主一係膠，一係矖。
公屋+6299幫手照顧+唔洗俾家用+FTM(唔洗做家務)+有免費首期買樓+將來會仔中學時送仔出去留學+有幾十萬現金+老公份工極其穩定
以上組合，人生大贏家!
呢啲係你兩公婆懶嘅藉口啫，唔使合理化咁說服自己。
長老都開到聲比錢“請”你哋離開，自立出去住，仲要講過唔止一次，你兩公婆又好嘢，唔知真聽唔明、定假聽唔明，點都唔肯自立。
樓主，面係人哋比嘅，難道真係要兩老大大聲用粗口趕你哋走，你哋先搬嗎？
做人要醒目啲，識睇眉頭眼額。
我見樓主幾好EQ幾好脾氣，全部都答得有板有眼咪勸下佢囉 
始終BD 都幾互助，我燥極都控制住自己架
4個讚
食屎了，我自己係一樣都冇，我去跳樓了，唔好勸我
1個讚
我係認真問㗎。絕對唔係膠po. 曾幾何時有諗過有自己地方，裝修買自己鐘意嘅傢俬佈置。
但一諗起要用自己嘅私己就好肉赤，供樓挷住又煩，冇得話辭職唔做就唔做，冇咗自由。
但屋企又唔係夠住，都好矛盾㗎!
哈哈，同路人。
其實買樓咁重要嘅決定，網上嘅意見係做參考嘅啫。
我見你唔止唔參考，仲每次都有大堆理由解釋，而且E Q極高，普通人通常都會多少有D晦氣說話，但你一D都冇。
既然已有既定嘅立場，咁就依自己心意而行。
你有能力供2層樓真係好本事。
我地投資唔叻。買樓唔係買棵菜，買咗就一世。
公屋除名就返唔到轉頭，幾多人夢寐以求嘅公屋單位，我地竟然唔要走去捱窮。。
就算樓換樓，都要供樓㗎? 出面個市爆升就話姐，萬一冧咁點呢? 咁咪變負資產囉?
omg
成個post樓主講得最多既
仲有「得公屋得天下」
窮人思維
自己咁諗好喇
唔好咁教個仔
樓主，我見你嘅回覆，就諗起以下潮文；以你嘅思維模式，係唔會買到樓的，總之唔好生第二個，繼續一家五口住公屋算，反正你老爺奶奶心地好，唔會趕你哋瞓街。
2020年版 你一直不買樓的理由
你一直不買樓的理由
2003: 沙士，明天都唔知會唔會死，唔買住
2004: 有自由行，但好驚沙士再來，唔買住
2005: 美國加息，供樓負擔大咗，好快跌番沙士價，又唔買住
2006: 150萬樓仔又細又舊又冇會所，再升阻力好大，一定會跌番落去，唔買住
2007: 今年睇樓市大跌，抄下股票先，大手入了中資股，中壽、中交建，樓唔買住，租住等跌
2008: 美國金融海潚，好快跌回沙士價，美國雖然減息，但啲股票做晒蟹貨，睇定啲，銀行又唔借錢，唔買住，總之本多終勝
2009: 美國QE1，公司生意好差隨時失業，特首仲叫人去大西北買4000一呎樓，無能政府，等跌唔買住
2010: 美國QE2，政府打擊樓市炒家推行SSD﹗樓價就升到97價，根據經驗樓市好快爆煲，陳德霖、曾俊華話息口只會上升，零息係冇得再減，信佢哋唔買住
2011: 樓價又升唔再追，政府一定再打爆樓市，陳德霖、曾俊華話美國好快加番息，一定無QE3，政府起置安心，很多人賣自住轉租等大跌，一齊唔買住
2012: 支持梁振英做特首，1%土地住100萬人，美國QE3、QE4月月印850億都冇用，最少跌3成，都係唔買住
2013: 政府再加辣打擊樓市，陳德霖、曾俊華話香港可自行加息，收緊咗按揭，日本歐洲無限QE都冇用，樓價就快大跌，唔買住
2014: 美國月月減債退市，而加息期就快到，伊波拉殺到來，佔中業主一定大劈價3成4成，香港玩完，業主雖然暑假大幅加租2成，忍住先，反正就大跌，年尾又有2000間居屋平售，歐日QE都冇用，唔買住
2015: 專家話細價樓就快爆煲，等緊政府加辣，美國就快加息，潛在新供應7萬3千個，跌5成不是夢，唔買住
2016: 終於加息四分一厘了，供樓負擔太重，又加3厘壓測，都係等跌7成8成，唔買住
2017: 供應開始多了，美國又加息四分一厘，樓價必然下跌，等跌9成，要買都買日本樓，香港樓不了
2018: 年紀開始大就到4張嘢，銀行借唔到還款期三十年咁長，個市又乾升，要跌多啲先得，又唔買住
2019: 香港無希望，好驚2047年無50年不變，不如兩公婆齊齊唔做嘢，排公屋等上樓，派到新公屋就發達，唔想做樓奴，又唔買住
2020: 新冠肺炎樓市有排跌，隨時返去沙士價，加上國安法殺到，美國準備取消香港獨立關稅區地位，唔洗講，香港世界末日，啲樓跌到阿媽都唔認得，千萬不要接火棒
2021: …
2022: …
2023: …
2024: …
2025: …
2032: 「明日大嶼」第一批入伙，市場太多供應，都係繼續租
2047: 周身病痛，行都行唔到，人都就死，下一世先諗買樓，都係唔買住。
5個讚
唔係本事呀，係屋企人層樓要幫手供，不過講咗第時係我有份分既
供樓唔會令自己捱窮，因為你點都會有返咁上下生活空間同質素，你問我就一定比公屋優勝
我供兩層樓連保險，全部當儲錢，淨返自己每月使幾千就儲起佢，當然都唔儲得多，冇仔女交稅極甘，真係冇一忽肉咁濟
所以從來唔會一年去幾次日本。
但我情況係後生大洗，而家唔需要買咁多嘢，冇晒興趣，叫做唔會太辛苦囉
到時守唔到間祖公屋就…
唔比到時房屋政策變架
自己買樓用自己私己肉赤？乜層樓唔係自己咩？用人地錢供就合理？
1個讚
供樓=捱窮，長知識
樓主兩公婆慣咗長老倒貼，日常生活開支使長老錢，自己錢係享樂為主，所以要使自己錢做日常開支=肉赤。
簡單嚟講，成個財務思維錯晒。長老們真係唔可以太照顧啲仔女，否則令佢哋一世長唔大。
6個讚
啱呀！
大左唔供養父母仲要父母倒貼，離譜
他日佢個仔大左都係咁對佢哋