全文: https://www.facebook.com/NotYourUsualEdu/posts/244836183982473
假如話學英文好似學游水咁，大部分香港學校嘅玩法，係唔落水，日日喺操場練游水手勢，教晒所有轉身撥手嘅角度，然後一年有一兩次，落個浴缸度考試。就咁樣學十二年，然後叫你出海游水，跟住慨嘆啲學生出到海有8成人都浸死，點解咁唔掂。
港台報導嘅呢間小學好唔同，睇完我覺得佢係真係一年級落水游 BB 池，游到六年級個個都係標準泳池泳手。
其他學校唔 make sense 嘅時候，呢間學校揀咗做 make sense 嘅事，所以攞咗卓越教學獎。
Source: 《卓越教室：多讀多講》by RTHK
聽過有學校，話俾一年級學生知 this that these those 係 demonstrative pronouns. 你知佢會唔明又要講。動機係乜？
研究指出，連 native 講英文小朋友最快都要6歲先識 wake 嘅過去式唔係 waked 係 woke。小朋友記到 pattern, 但腦部發展根本理解唔到 grammar rules。
唔係話要完全唔教 grammar, 關鍵係點樣教, 同埋擺幾多時間落去。好多小學都係每個單元以「一個 grammar item」嚟劃分, 一個單元係咁解釋同操一個 grammar item, 搞到小朋友又悶又學唔到嘢。
假如小朋友只係不斷睇練習上面啲圖填答案，佢其實係佢係無學過，無試過用英文嚟表達自己意思。英文就咁就變咗唔關自己事嘅悶爆填字遊戲。
呢間學校同啲學生睇完本講「公園遊」，係咁重覆 “I can see a…” 講公園事物嘅書，就叫學生帶埋部 iPad，落個花圃度影低自己真係見到嘅 caterpillar, butterfly 同 bee, 最後整本自己嘅「公園遊」。科技就係咁用，英文就係要咁教。
哇呢個真係睇到我好激動。真係全部學校，都應該喺學校教晒學生做功課囉好無？？
屋企先做功課，咁小朋友喺屋企時先發現自己唔識點算？跟住教到嗰啲屋企人就教，afford 到補習嗰啲就解決到。咩資源都無嘅學生就繼續咩都唔知，然後返到學校又無啦啦俾老師鬧點解做錯晒。跟住就對學習再無興趣。你社會學角度可以話咁樣搞到有跨代貧窮；我就覺得係搞到小朋友無晒好奇心，係摧毀佢一生。
英文教育界名言：
「唔識 grammar，你都仲講到啲嘢；學唔夠 vocabulary (詞彙)，你乜都講唔到。」
“Without grammar, very little can be conveyed; without vocabulary, NOTHING can be conveyed.”
閱讀就係俾學生不斷吸詞彙。
1個讚
要長遠英文學得好, 關鍵係令到佢有能力, 有興趣自己喺課餘時間學英文。
個節目最後訪問咗個學生家長，個家長話驚學校一二年級唔教 grammar ，擔心學生唔識，買咗練習俾佢做。個學生依家睇英文小說睇上癮，話要學多啲生字大個做作家，書架成堆練習全部無掂過，空白。
1個讚
有乜特別，間間國際小學都唔會用教科書教英文，更加唔會操文法練習，主要以閱讀為主，六歳嘅小朋友已經自己睇Harry Potter小說。
3個讚
呢間係培僑書院？佢地本身英文有特別寫教材，福建、優才、DGJS、DBS、赤提 都係呢個方法。
此學校唔少小朋友出去外補 grammar，因為學校老師唔改 grammar，作文要求亦唔高。華人家庭唔習慣呢個做法，覺得咁樣難學得好/寫得靚。
因為呢個好大成本，寫一套六年嘅 ESL 教材，要啱香港學生程度差異大又課時少，一點都不容易。直私一早收生已經篩選曬，程度差異唔大而且好多都程度好高，用呢個方法學英文成效好好。
1個讚
國際學校，外國學校從來係咁。
官津永遠都唔會做到既野，又何止係呢樣。獨立思考/唔操練/重體驗/關心世界，好多好多都做唔到。
現在中共課程，可預見未來距離亦會越來越遠，無教科書，中央難控制教學內容嘛。係咪中國，甚至乎全國只有兩個出版社，咁官員只要審批兩個版本就得。
1個讚
所以學校學習範圍只有中英數。其他歷史道德……自己教，要求小朋友考試與真相分開處理。希望可以啦！
冇書唔代表學唔到嘢嘅，肯開口講，grammar錯多幾次就會學返好。
語言係用嚟溝通，如果因為錯grammar而令到小朋友唔敢講嘢，有違原意。
1個讚
國際學校根本不會刻意去教Grammar, 小朋友只要多看書就自自然然學會Grammar 的用法、新的詞語、用句、文章結構及寫法，更加不需要補習、grammar practice等等。
其實國際小學用在學英文的課堂不會比本地小學多，而一些本地英文小學也跟國際學校一様，除了上中文科外，其他一律都是用英文教學，但為何國際小學生的英文水平比同齡本地英文小學生高得多，原因就是本地學校根本不懂教英文。
我孩子以前讀的國際學校，高小學生的英文水平（包括聽講讀寫）都已超出本地大學畢業生的平均水平。我與太太都是很早年的大學畢業生，屬精英學生，但工作上若遇到任何英文疑難，都會向當年仍然讀高小的兒子請教。
因為國際學校係以英文為第一語言，小朋友慣用語言都係英文，就好似我地普通人讀中文第一語言咁，唔會大量操文法。
雖然學英文嘅課堂唔會多，但用英文嘅時間多很多，中文小學一個禮拜先得 6-8 堂係英文堂，一個禮拜 35-40 堂，1/3 都冇嘅時間去接觸英文，加上小朋友自己未必自願額外接觸英文（即係我諗唔會好多國際學生好主動去睇中文小說一樣）。另外官津學生英語水平差異太大，同樣三年級，一個可以有六年級水平，一個可能得幼稚園水平，要佢哋讀同一份校本教材同故事書都有啲難度。當然國際學校都有差異，但起碼最差嗰個都識講流利英文，要追上都唔太難，而且國際學校又分組學校多老師多資源，要抽離個同學或者搵個影子老師跟尾都容易過官津。
都係嗰句，要用呢個方法教，首先要整套教材出黎，香港老師都已經擺大半時間去處理行政工作，另外嗰半都擺落去教書，冇咁多時間整套咁全面嘅教材係適合第二語言使用者。
至於英文小學比不起國際學生，都要啲邊間，DGJS DBS 嗰啲我覺得英文水平都好高，唔會同國際學生有非常大差距，而且中文水平一定高班過國際學生。咁其實都平衡，國際學生中文低返啲，本地學生英文低返啲，打和。
4個讚
我女學校都係冇教科書，係學校自己編教材，每次環繞一個主題去學生字同運用文法。小朋友初初寫作文會錯grammar, 但內容係好豐富，而就算錯文法都會明佢哋寫乜。唔止咁，睇佢班上google meeting, 個個小朋友都好肯講嘢，好願意用英文表達自己。
呢種教法初期有冇效率就唔知，但我好肯定小朋友一定好肯學，因為佢哋唔洗背文法，唔洗記住見到today一定係現在進行式。我睇到阿女咁學英文有咁好成果，先覺得自己讀咗廿幾年英文嘅方法係錯嘅…
2個讚
許多英文小學除了上中文科之外，其他所有科目都是用英文教的，因此，學生接觸英文的課時基本上同國際小學差唔多，但水平就差很多，這正是教學方法不同造成的。
就算是DGS同埋DBS學生的英文水平也難以跟國際學校相比。當年我兒子Year 5 時（即本地小學四年級），他參與了美國Stanford 大學舉辦的網上英文寫作課程 EPGY (Educational Program for Gifted Youth) writing courses, 需要寫作評核及現場即場寫作合格才能參加，那時他的網上同學大多數來本地頂級神校，例如 DGS, DBS, SPCE, SPC等, 除了我兒子是GSIS 小學生，其他最年輕的都已是中一，年級高我兒子最少3年，但英文水平高下立見，我兒子每週的英文寫作功課幾乎全是滿分，比其他同學仔明顯高得多，連續三年多上了共九個Level的英文寫作課程，我兒子每個課程全部最終成績全是Grade A。我間中也偷聽他們網上上堂及討論，所以很清楚其他本地學生的水平如何。
1個讚
你嘅回應同亡國以前某位網民很相似。
不過咁，當數值黎計算，當 1-10 代表語文能力：
國際學校：中文 4、英文 10
本地學校：中文 7、英文 7
綜合兩個語文能力，打和～
都係嗰句，教學方法唔同，因為所有野都唔同，學費、資源都差好遠，冇得比較亦很難模仿。就算係英文小學，裏面學校都係英文為第二語言，中文第一語言，英文差一截係正常，所以國際學校中文水平差一截都很正常。冇得比較，完～
不過如果令公子中文水平係可以達到本地頂級神校中六水平甚至超越中文系大學生，咁就真係相當佩服！
4個讚
我小朋友讀過本地津校和國際學校，我覺得不單是本地津校的教學方法問題。
- 國際學校老師不懂廣東話，所以連課堂外既關心對話遊戲，對孩子既責罵，孩子在操場上玩耍既語言，都全是英文。老師也要求孩子在家也要用英文溝通。我仔幼稚園時英文對答已比我流利，雖然學校根本無點教過英文呢一科。
津校總不可能全部請曬英文native teachers 。
-
因為英文是母語，所以可以不用教grammar 。我仔根本未聽過咩係過去式，但自然就會係合適既時候用到時，正如我們不用學中文grammar 。但如果英文是第二語言，就學grammar 會易明D。
-
國際學校學好少中文，空左好多時間去學英文。中文字係好需要時間練習認字寫字既語言，佔用大量時間。英文只要學左拼音，對native speaker黎講，就自然學埋reading和spelling。我和學校都無教過小朋友認英文字，佢地已經自己識睇書，一見到個英文字就自然識讀。但中文書學極都唔識睇。
-
教學法方面，的確都係有影響。國際學校有d無考試，但上堂會係咁同小朋友閒話家常，小朋友幼稚園已經英文講唔斷口，係咁同老師吹水
3個讚
Quinn
20
國際學校嘅中文比4分都多，分分鐘2分都無…
我就會甘樣比 (10分滿分)：
國際：中文 3、英文 9
直資：中文 5、英文 7
官津：中文 7、英文 6 (僅限一線官津)
