有乜特別？咪特別在響香港英文係第二語言，大部份學生都唔係讀國際學校，唔係用呢種方法學英文囉。
仲有國際學校學生點會六歲睇哈利波特呀？唔好咁離地啦！
2個讚
以前亡國有人話幼稚園睇，而且係讀本地學校添！
我唔覺得咁樣叫叻。要適合年紀同埋心智睇。HP 原意係俾 11 歲開始睇，一年一本慢慢去細味。11 歲前睇，只會覺得鄧不利多係好人好偉大，15 歲後睇，就知道佢根本算不上好人。
英文叻又點？中文呢？佢講咁耐只係捧自己小朋友英文好，中文完全冇提過，就走黎話本地學校唔好，但又唔記得，本地學校分薄左幾多時間去教中文，而且就算係英文小學，啲人都係英文為第二語言。講黎講去，佢只係諗英文為第一語言贏你地本地馬幾條街，根本冇得比！
1個讚
官津都要睇邊間，瑪利曼瑪利諾呢啲肯定英文高很多 
我再仔細啲比分
中文背景多啲嘅國際學校 (e.g. CIS、CAIS)
中文 4、英文 9
其他“鬼佬”校：
中文 2、英文 9 (我好肯定，裏面一定有人連 2 都冇，幼稚園圖書都讀唔掂)
頂級私立 (維記、CKY)
中文 5、英文 8
頂級直資 (E.g. DG, SPCC, 赤提)
中文 6、英文 8
傳統名官津
中文 7、英文 7
其他 Band 1 官津
中文 7、英文 6
論英文，係，你地國際學校贏曬，不容置疑。但一轉場去中文，班國際學校唔洗玩。呢個世代，尤其宜家局勢，識中文變得更加重要。兩種語文能力加埋一齊睇，讀本地學校唔輸蝕。
始終係兩個學制，兩條唔交疊嘅路，我都唔會走去話國際學校教中文教得差。沿用得呢套，自然就有佢嘅原因，不論係資源定係學習差異等等。
1個讚
呢個世界好少十全十美。對我來說如果學生中學畢業出來中文有6-7；英文7（如果總分是10），再到大學浸幾年已經好夠用。