我唔肯定得唔得。不如你試下印收玩具或去廁所既公仔既提示紙。係5分鐘前俾定佢睇?咁佢知有呢樣野就係去廁所時間。等佢有心理準備。如果真係得就放返去學校用?我覺得佢地咁細。冇理由學校老師自己諗唔到方法鼓勵佢。
或者買啲收拾既繪本?新雅好似有類似既野。
個時我聽到都呆一呆
因為一直以黎佢都係勁nice既老師
對仔仔都好好
係超愛心型
我一直對學校有讚無彈
個日無啦啦黑面咁講野我都好驚訝
仲要係係我仔面前咁講
今日又好nice,好難捉摸…
你個方法聽落舒服好多
我仔都係,未必肯一叫就郁
但比d時間佢係ok
其實呢幾晚我同佢係屋企訓前要佢tidy up佢都ok
佢既性格係,你命令佢執野佢唔會理你
但如果你鼓勵佢:嘩,xx執玩具好叻ga wor,不如我地一齊執好d玩具呀
咁又work
去廁所方面我打算加強報時+獎勵
希望令佢無咁抗拒啦
其實好多小朋友都係鐘意人讚，最緊要多鼓勵同獎罰分明，媽媽你加油呀
琴日罰左一日無玩具
又不斷洗腦話返學要點點點
如果你點點點媽媽會唔開心
老師琴日都單獨同佢傾過
今日老師係手冊終於話佢今日乖乖
好感動 
2個讚
調返轉頭嚟講有trouble two 係好事，我仔從來冇trouble 過，因佢對世界冇興趣，活在自己世界
老老豆豆如果返N要返到迫到個BB咁，我寧願唔比佢返，或者返一間開心D。我比佢返就係想比佢開心玩。
3個讚
wowww
其實我小朋友個間已經係happy school 
你仔同我仔一樣！
完全明白果種沮喪
我都冇佢乎，唯有等佢ready囉，佢突然有日話好急又冇屙濕之後，成功左1次就醒覺哂咁，依家夜晚訓覺急vv會起身去，雖然都會大喊幾下唔願起身去
加油媽媽！俾小朋友多d時間同耐心，佢地其實都好叻嘅！
1個讚
我都等緊佢醒覺個一日
反而佢好耐無試過夜晚會濕片
朝早一起身就帶佢去weewee
近幾個月朝早起身都keep到乾
如果家長處理適宜 trouble two係過渡期嚟嫁咋
我仔啱啱三歲 由兩歲開始親性情大變 咩都作對
明明好痴媽咪 晚晚要一齊瞓 突然之間唔要我 又成日鬧情緒
我都傷心咗段時間 之後睇咗好多書 其實嚟嚟去去都係幾個方針去處理
開頭係覺得冇咩用嫁 大概過咗4、5個月 佢啲認知能力又強咗之後 開始可以講道理 慢慢道好啲 愈嚟愈好
其實我覺得呢段時間係佢要由bb轉變成為一個小孩 唔係壞事嚟嘅 好似我仔 經過完之後好似大個咗好多咁
而且我都覺得唔需要太擔心佢學校表現 都係N班啫 老師都係話你知佢係學校嘅情況 有時外人教同自已教唔一樣 佢有得返學已經好好 我仔嗰時冇得返仲要啱啱生咗個細 日日困獸鬥
加油呀！
1個讚
其實佢ready就會自然識冇得迫
到佢大啲知道瀨咗係唔應該出現嘅行為就會明白要去痾尿
我仔都會有一段時間 成日都痾咗啲出嚟先衝去廁所
慢慢就冇咗呢個問題 當然有時玩起試嚟都會有意外
1個讚
咁就好叻啦 我仔日頭戒清哂 夜晚都未得
我小朋友4歲，自小就極唔鐘意俾人打斷做緊既，不過我覺得佢咁諗都好正常。
其實我諗教科書方法多數係1. 提前提醒 2. 定好routine 等佢適應。
但呢兩樣我做左 1 唔係好work.
反而有個我覺得幾work 不過更老土既方法。基本上呢年佢間中會有一次特別情緒唔好/難教，我開頭都可能會嬲/焦急，想用方法修正佢既行為。但最後我發覺完來反而我放鬆、俾佢多d 自由/空間，個問題又自然慢慢無左 (大概係一星期時間). 所以我會講好老土，答案「係愛呀哈利」。 
我自己會提醒自己，其實好多所謂行為問題，只係階段性發展，幾歲人仔未控制到自己正常過唔正常。其實仲有漫漫長路慢慢教。
不過仲有一樣，當佢有行為問題，我習慣上都會review 佢既環境係咪有野trigger 到佢。就好似如果學校既老師真係咁樣「看待」佢既「問題」，佢會有壓力、焦慮而轉化行為問題，都係有可能。
如果咁細既小朋友，我自己唔建議太強調/太常用「你咁做媽媽會好辛苦/唔開心」。因為有機會令小朋友誤解左「behave 係為左他人」，而佢又未必能夠link up 為何行為會令其他人唔開心既原因。
其實咁樣講會同呀老師同你講到你個囝囝係全班最唔守規矩一樣，都會令你覺得shameful, 我覺得咁細既小朋友唔會懂得好好處理shame , 其實有機會引起其他問題。
不過我覺得媽媽都係人，有時舒發情緒都無可口非
有時令佢知道這些關係都可以，只係注意年紀接受能力及頻密程度會好些。
多謝你既鼓勵呀
希望我都快d可以守得雲開見月明
我仔都係
一玩得興奮就咩都唔記得
濕左都唔理
多謝你既提點
我都要好好諗下表達方法
同時訓練下自己EQ