2歲半男
近幾個月愈黎愈曳,愈黎愈難搞,又硬頸
日日同佢講道理/罰
佢知衰,話下次唔會
然後第2日又會再做
復課幾星期
比老師話佢唔聽指令
(之前返學都好好地,會聽指令)
而家每日送返學/打開手冊都好大壓力
好驚又收到投訴
用好多唔同方法去教
佢傷心完喊完,第日又黎過
好沮喪，真係忍唔住喊出黎…
2個讚
有冇試下扮可憐？
有時小朋友做左啲我唔想佢做既野，我會扮可憐/扮唔開心，引佢注意！（或者同佢講其他小朋友會唔想同你玩/老師會唔開心架）
再表達下「佢做既事情/佢咁樣做，令我唔開心」之後我會問佢「你想唔想媽咪開心啊？」一般都會話想/點頭，就食住上，話佢聽唔好咁做/點解唔好咁做！
其實佢之前都聽話，應該係少少想引人注意所以特登唔聽指令（其實佢覺得咁樣有趣）
老實2歲半既行為都合理，唔好比太多attention 佢，有啲事情唔係受傷唔好比反應（佢自然覺得冇引）
1個讚
我成日都用呢個方法
我扮唔開心佢又會say sorry錫啖我,話想我開心
但第2日又會做…無限loop
其實佢係屋企又無乜野
可能我知佢硬頸,硬對硬絕對治唔到佢
我會用軟功,起碼佢會做先eg肯去執玩具
但我唔知學校用咩方法
亦都唔可能要求老師慢慢tum/講道理
所以比學校投訴呢件事真係好困擾我…
學校都幾straight喎，2歲半有咁好投訴呢
係n定k?
n班
我都唔知叫投訴定反映
升唔升k?
N班就投訴，我覺得呢間學校冇乜愛心
2個讚
K會轉校
我都唔知佢係出於想家校合作定投訴
但佢既語氣令我唔係好舒服
咁忍忍，準備好k轉校！
唔好俾呢件事影響你同小朋友之間既感情！
怕有壞影響！
N班老師應該更有耐性先岩！
1個讚
Trouble 2係咁，講完又犯，講完又犯…又唱反調，好考媽媽耐性。 温柔地堅持立場，不要太在意他的說話，適當時候讚多啲，日子有功，到佢4歲又會好啲定性點。
呢個要求唔過分吧
我囡都係兩歲半(無讀N)，確實係EQ大挑戰，加油~
自己小朋友未到呢個階段阿，但之前睇過啲書話控制情緒同行為嘅prefrontal cortex 未成熟，所以不斷重複係正常（仲話要去到20歲先成熟 
）
我係又緊張又焦慮既媽媽
成日不斷諗住老師既說話
搞到自己情緒又差
對小朋友EQ又低左 
4歲…好灰
我本身都無乜耐性
已經好努力成日忍住自己既脾氣
但老師由今個星期一開始日日都講/投訴
搞到我愈黎愈急
老師一個人對成班
有時間慢慢黎ma?
我連叫佢每日係手冊寫返小朋友表現,等我可以即日作出獎/罰
佢都話無時間寫
我話…咁我每朝送返學先見到你(放學校車)
你朝早同我講佢琴日返學曳
唔通我今晚返到屋企先罰佢琴日返學曳咩
跟住佢先肯話每日畫笑樣/喊樣去REPORT比我聽
讀心理學嗰陣有教 “I-language”，即係同上面啲 JM 咁講，話「我今日唔開心，因為你…」、「我今日好失望」，同埋「我想你做 XXX」，一定要畀清晰指示你想佢做乜，而唔係「唔准XXX」，因為小朋友唔知「唔准」即係有乜係「准」，就會繼續試你底線。
小朋友先 2 歲半，雖然識講野但行為同語言都係啱啱起步，好多野想做想達到但做唔到，亦未有能力分析對錯。慢慢教，到小學收投訴你先驚都未遲。
1個讚
多謝你意見
我會用多D你既提議
希望慢慢會有成果
介唔介意具體少少講吓老師話佢「曳」係「曳」啲乜…？
仔仔有冇表達鍾唔鍾意學校、老師？
老師話叫佢收玩具唔肯收
大家排隊去廁所,佢就掛住玩玩具唔肯走
扮聽唔到咁
比人捉去又lur地
仔仔鍾意學校,亦都好鍾意個老師
知道老師嬲，會走去攬返老師
你可以係屋企同佢練習返學，學校應該有派時間表，你跟返學校模式同佢練，例如玩15分鐘要去廁所，係屋企同佢做，解釋因為小朋友太耐唔去廁所會賴wee wee, 慢慢俾佢知道要守規矩。
話說去廁所呢件事佢真係好難搞
佢好憎去廁所
由其係佢做緊第2樣野
係屋企工人姐姐係捉佢去
佢都係扭住咁比人捉去
玩大過天…
成日急都唔出聲
所以我係要定時帶佢去廁所
唔可以等佢出聲先去