更加要係屋企練定，因為學校有時間表，好難就一個小朋友
想請教點樣可以令小朋友玩緊既時候乖乖去廁所?
我由歲半戒片到而家,成一年
佢玩緊時叫佢去廁所都好扭
就算set timer/比定心理準備都唔得 
我就係set 左時間，講定去完廁所可以再玩，之後強硬執行，不斷重覆。
如果佢太抗拒，就15分鐘轉另一樣佢鐘意做嘅野，等佢有轉換呢樣概念，之後再加插廁所時間
呢個提議幾好, thank you so much 
有冇試下鼓勵佢飲水？好多時候唔肯去，因為意識唔到膀胱急或者根本冇乜飲水，所以冇需要去，但如果飲得多，佢就一定急一定要去，唔洗你提，除非佢覺得瀨尿濕褲冇問題。
試過俾多啲液體佢補充返，唔一定係水，生果、湯、果汁都得，佢肯飲同定時去廁所就各俾一個貼紙佢，儲夠就換禮物之類，鼓勵佢去做。如果瀨濕左褲冇定時去廁所就冇貼紙。
人要習慣，佢屋企冇建立習慣當然唔會去廁所。跟返學時間表嘅作息編廁所同午飯時間。同埋千其唔好佢唔合作嗰陣搶走沒收玩具，咁樣佢更加癲同失控，下次更加攬得實唔上繳，你要同佢鬥耐性，直到佢肯自己放棄玩具。一來你唔係動氣只需要等佢放棄，二來你係訓練緊雙方 EQ。
試過明明佢係急
問佢佢都話唔去
我照逼佢去,係有好多weewee痾出黎
就係因為要玩,所以急都話唔洗去…頭都大埋
平時佢主動講要wee wee
一係就已經濕左
一係就2秒後就痾出黎
極少數係講完會趕得切去廁所
你儲貼紙呢個提議唔錯
我會試下
Thank you so much 
之前聽D 講座教，最緊要要俾小朋友知道做錯事會有乜後果，例如唔去廁所會整濕褲仔，如果每次你幫佢換完褲鬧下佢就完，佢根本唔明白後果係乜。你可以罰佢自己洗褲仔5分鐘，俾個刷佢刷下褲，當每次佢知道痾濕褲就要洗褲，佢應該會慢慢改善。另外，收拾玩具都一樣，如果佢自己唔執玩具就收起個件玩具一星期，佢問你拎玩具，你要好清楚俾佢知道前因後果，「因為你冇做乜乜乜，所以今日就唔可以乜乜乜咁」，講完一次又一次，總有明白嘅一日。加油
2個讚
多謝你既方法
我會試下!
但始終唔係今日教聽日就會乖乖聽老師話
老師又係咁push我
好大壓力
你唔好諗到老師push緊你，老師只係將小朋友係學校嘅情況話你知，咁先可以家校合作嘛，等你係屋企都會用同一方法教小朋友。啱啱復課而且又係N班，俾D時間小朋友同你自己適應下家校合作先。加油
多謝你鼓勵
呢幾日真係好沮喪 
講到收拾玩具，我2歲半仔完全係free rider
，見家姐有收拾就自己隔離扮忙但唔係執野，我地當然收起佢玩具唔比佢玩啦，佢完全唔care, 仲拎佢d玩具比你收埋
好幸運未需要玩「返學」呢個遊戲，但真係要對一個兩歲半係咪「跟大隊」、「跟程序」、「跟指令」咁執著嗎？
喺公共空間要守相應嘅規矩我明，我都會好執著。但幼稚園，對於唔同性格、節奏嘅小朋友可以多啲耐性同包容吧？
「趕程序」可能係老師工作一部分，就算老師真係用個「曳」字或者用個喊面去形容你仔仔，希望樓主你唔好咁就認定咗仔仔係「曳」…專注做一件事，好享受，唔想停，咁唔係好事咩…？專注緊被人打斷係會有情緒都好正常吧…？
利申：學習中，唔知咁諗係咪太天真
1個讚
咁證明佢唔係咁鐘意D玩具，可能要考慮其他懲罰方法，等佢知結果係乜。
我今日都有咁諗過
如果我好專注做緊一樣野
比人捉走我去做另一樣野
我都會嬲啦
但係小朋友既校園入面
跟指令係第一課
好似好矛盾
但小朋友既準則同大人就係唔同
我都係學習中
專注當然係好事，我估學校應該有提前通知小朋友幾時要執玩具，唔會突然就話執玩具唔俾玩。
俾小朋友返學校都係想佢學習下自理，守下規矩，咁N班都係返咗陣，小朋友唔適應都正常。我仔N班返咗2-3個月先叫適應到，而且我都好鍾意老師話我知我小朋友係學校嘅表現，不論係好或唔好都想知，知得越多我先知我小朋友上學嘅情況係點，老師只係係善意提醒下家長
請問你小朋友n班未適應時會點？
老師講到全班都好乖，除左我仔
佢個語氣係”全班咁多個同學個個都聽話，除左佢，我處理佢真係好攰，講極都唔聽”
仲黑黑地面
好hurt 
可能我太玻璃心啦
我覺得呢個老師真係好唔適合做老師。
咁既野都講得出。我係屋企教好晒佢先比你教好唔好？
就算係家校合作都係兩邊一齊教啦。
就算個小朋友真係唔聽或者家長方面真係無教（唔係話你），佢都唔應該咁樣講野。
咩叫我處理佢真係好攰？呢句說話似係發洩緊佢自己既情緒係個家長度喎。
希望個小朋友聽唔到個老師咁講啦。
有佢心愛既玩具，晚晚陪訓既狗仔都收左啦，佢仍然不痛不癢
如果我聽到老師對我講呢句，我諗我會處理左老師情緒先lor, 又會好奇怪點解家長要處理老師情緒
我囡間幼稚園都講disapline, 而我囡又動作慢係會拖住成班進度，老師同我反映都唔會咁樣blame 法，會講呀囡點慢，observe 佢點解咁慢，最後因為唔想個impact 影響呀囡突然焦慮有壓力所以想小朋友manage 好自己時間。成件事聽落make sense, 由小朋友角度出發，結果都一樣就係家長會發功叫個囡做好d. 但表達方式唔同聽落去就唔一樣。
樓主老師可能太累了。
1個讚
Exactly呀！！