真的，有些朋友屋企環境唔好，有時候都會對婚姻無咩信心，成日都會話就算結咗婚都可以分開，好無安全感…
你識得反思已經好好架啦，加油呀
1個讚
好多女士就係怕一個人，怕寂寞.
好老實，我脫離咗個賤男，生活仲多姿多彩，想做乜都唔駛怕佢鬧、精神虐待，想去邊度玩都得，做自己鍾意做嘅嘢.
人生唔一定係結婚，生小朋友先叫完滿.
做人唔同打機，做咗呢啲就過關，
享受自己人生過程緊要啲，
真係遇到一個情投意合，大家都愛對方，真心對對方好，咪一齊行落去.
呢啲都係我同前夫分開後先識諗.
5個讚
呢個topics 好好，原生家庭好影響我，到以家都係放唔低到，去到自己有家庭有小朋友，知道要做同原生家庭相反嘅事，但內心其實好痛苦好委屈覺得好無自由，自己無自己人生甘，身邊無咩人可以放心去講自己感受，永遠得自己一個，人越大越收埋自己，知道講左無幫到同埋都仲介意人地聽到點睇，雖然自己個原生家庭係完整但係好唔開心，父母唔識去好好經營個家，佢地之間好多問題存在又唔識唔去好好解決，只用專制去經營，到以家諗返自己童年係無咩回憶同快樂，無愛係度，甘多年同無咩特別親情感覺，近年覺得佢地真係開始老了，內心多左份要多關心佢地嘅感覺而已。人地可能會覺得我好冷漠，但我會形容自己無感覺同無感情，同父母之間講唔到親密呢兩個字。
4個讚
呢個post我一直都唔敢睇 
我細個仆街老竇唔去做嘢又日日精神虐待我哋，仲好記得我同細佬每次返屋企之前，企喺條街望上去屋企嘅單位，如果有着燈，即係個仆街喺入邊，我哋好驚，驚到喺條街專登行好多個鐘先會返去
到我媽離婚帶埋我哋搬走，係我同細佬人生中最開心嘅一日
所以各位如果你身邊係有個咁樣嘅仆街，唔好以為小朋友唔知，小朋友係知仲會記一世
10個讚
我明白呀
有時真係唔太想講自己原生家庭係點
因為每講一次就要再回憶一次D唔開心既經歷
我都試過唔想番屋企, 因為番去又會見到父母
o係街坐公園, 坐M記, 坐圖書館等等…
有時覺得父母冇得揀
但係細個你點對我
將來我點對你
所以同阿爸阿媽斷晒聯絡, 亦唔會再理佢地死活
4個讚
我好羨慕朋友屋企同父母咁親密
自己由細到大都冇呢樣野
記得我結婚時, 阿媽冇喊, 我亦冇多謝佢
因為o個時禮金佢仲要嫌少
比多左圍酒席佢
搞結婚o個時所有錢都係自己同老公出
但我阿媽係冇養我, 20歲就趕我走, 我書都唔讀自己搵錢租屋
禮金o個D我當還番晒俾佢 
其實咁多年都釋懷唔到
如果佢冇趕我走
我絕對可以大學畢業…
7個讚
原來呢到咁多JM 都係咁…好多經歷都好類似。我爸嗰時嫁女，好大聲咁喺婚禮同親戚講佢賺左幾多禮金。同埋當時我中學升大學，要留位費，我問佢借2000, (我一早都有打工儲錢但都唔夠…)佢竟然叫做雞。
有時見到人地父母好好，真係會好羨慕。到而家雖然老公好錫我，但個心都係少左一塊。希望會變好…
6個讚
以前女人可憐冇讀書唔識字乜都要靠男人，離婚再婚艱難。你媽媽好堅強勇敢！
宜家啲女仔個個都有啲學識，最多辛苦啲打多兩份工，大家挨下面包，都唔會同呢啲人渣一齊，害自己害下一代。
3個讚
我個case係阿媽無離婚，老豆會無故打我，到我大個啲就偷我啲嘢攞返鄉下，好彩到我再大個啲佢直頭消失埋，係有時過節前會返來問阿媽攞錢，唔明阿媽咁憎佢又會比錢佢，每逢過年都覺得好醜屋企無老豆，仲有太多太多我覺得醜嘅事已經唔想講，總之宜家佢人都死咗我又嫁得好，我覺得自己已經重生
1個讚
好多長輩都係咁
自己信whatsapp d 19msg 就得
但明明之前叫仔女唔好上網信人，well 我地唔係幾歲啦，隨時見識多過佢地好多啦
做雞呢個真係好過份，以前我媽咪都係咁講我
讀女校，平時一返教會，就話我發姣想識男仔，問我係咪返去做雞
佢有冇諗過我就係無家庭溫暖先去教會取暖
其實我媽咪而家已經變咗好多
我做咗媽咪後都無再咁介懷細個嘅事
但要我做到兩母女如膠似漆咁我真係做唔到
1個讚
相反，我阿媽係一個有份好工嘅女強人，佢係搵錢嗰個，就係一個人供樓供書教學返到屋企都要受個軟飯王氣先至wtf，到我哋大個咗佢先講返，佢以為離婚=破壞咗一個完整嘅家庭，直到我哋兩個細路都頂唔順，開口叫佢離婚佢先真正有勇氣同我哋走
但係其實完整家庭= 一個有愛有關懷既家庭，係唔在乎人數或者係咪符合社會嘅角色標準囉
5個讚
痴x線，做
呢個字點會講出口話自己個女㗎
我阿媽都講過…佢話我冇錢咪去做雞搵錢囉
難聽到痴線…
唔明點解有D阿媽可以咁對自己個女, 咁都講得出
可以唔愛, 但唔好講D咁傷人既說話丫
真係記成世
3個讚
咁我係咪好d? 我老豆搵我同隻狗比，細個賴尿驚鬧唔敢出聲，佢發現後話狗都叻過我識去第二度訓
自細屋企就成日對我打打鬧鬧 依家都冇咩自信
原來咁多人都比人咁鬧過
我果陣會考之後、可以原校升中六
同屋企講、比人話「讀咩丫、讀完出嚟咪又係做雞、嘥米飯。你仲想洗屋企錢到幾時。」
咁啱我同班有好朋友、要去原校升唔到、後尾喺另一間學校揾到位讀中六、佢父母開心到book左酒樓兩台請人食飯。果種感覺好唏噓…
1個讚
樓主。我都有原生家庭問題。。請問我可以私人同你傾下計嗎？
最緊要而家話得好，公喜你呀
其實鬧個女做雞係乜嘢玩法？
佢係媽媽生呀？
嘩,我今日先見到,你個CASE同我9成相似~