我都身有同感，一齊加油
我原生屋企都唔係一個正常嘅屋企，同樓主一樣成長以來都好無自信好自卑，而且我媽咪係控制狂同埋唔成熟，只係顧自己面子，並唔識點樣同仔女相處，我好似一直都失去咗自己咁。
但係到自己大個咗，同唔同嘅人相處多咗，慢慢開始搵返自我，見到人地屋企係點樣相處，識得諗同自己屋企係有咩唔同，而邊一樣先係我想要嘅生活，做一個點樣嘅人我先係最舒服最自在。
雖然而加依然會受到原生家庭嘅問題困擾，但係起碼再遇到問題，會相信自己我可以做得更好，唔再受制於呢個原生家庭帶比我嘅缺陷所影響
2個讚
好同意呢句
我都係，阿媽惡，有閙冇讚，我屋企排行最細，媽媽罰亞哥家姐招數好辣，殺雞警猴，我細個所以好乖勁驚俾人罰，幾個兄弟姊妹長大後家姐性格似亞媽，其餘的都性格都有不同問題。到我兄弟姊妹生小朋友，又係交俾亞媽湊，又另一個循環。
我到生了小朋友看了好多親子教育書籍才覺醒。
上年機緣巧合下，我覺得天父憐憫我，在書店見到本「媽媽的公主病」，是一個同大家一樣受到母親不同形式對待而受傷害的女兒，她成了心理醫生，寫書去治療同樣遭遇的女性，本書好幫到我，我唔再強求自己尋找童年已失去的母愛（我一直唔知的事），看完書好像做了一個好好的治療，我已放開了，誠意推薦大家看。
7個讚
中式教法係咁，最終咪又係因為大人發脾氣
2個讚
我唔想小朋友有少少唔如意就發脾氣轉移情緒落我身上，有樣學樣，所以時時刻刻都要提醒自己：我要冷靜！冷靜！冷靜！
3個讚
當年返學，老師都係咁
3個讚
其實我好怕聽阿媽重重復復咁呻、幫唔到佢又有啲内疚、唔聽又唔得、無力感好重
3個讚
聽父母呻唔係你既責任呀
凡事都有兩面睇嘅，加油
我都唔想做河東獅
但個女太唔聽話，我真係日鬧夜鬧
鬧到連我自己都討厭自己
佢地會係開左錄音帶咁…講
由30年前講起
2個讚
有些人就話仔女有些是來報恩，有些是來報仇，我都信
介紹你睇李儀婷的「薩提爾的親子情緒課」一書，你會充滿力量，講得非常具體，我睇咁多親子教育書呢本最好
樓主，抱抱。真係好明白你，最近見到虐兒單嘢，我個心d 回憶都返晒黎，我媽細個成日打我，搞到我大左咩都驚，好細膽。同埋我父母都只係俾晒所有資源我細佬，自細我就開始做野，好彩自己讀到書，賺到錢…
我係同你嘅另一個極端，唔算好多，月入大概7萬…但我係好慳好慳，每日逼只係用$20，係規定自己用最少錢，因為只係好窮，父母好爛賭…我內心好怕無錢。好在乎錢。
不過我地好幸福，另一半好好。老爺奶奶都係。所以，上天都叫對我地好？
當然，真係，無論點好，父母家庭一塊，永遠係我內心一個痛處…真係好明白。
5個讚
你好叻叻豬呀siukit…
1個讚
多謝你，我去睇睇
$20? 返工坐車都唔OK WO
得, 同區返工，當然$20係約數，每日有上落啦。講出黎係分享原生家庭影響我好深而已。
1個讚
呢樣真係超級超級難！
其實有時我都唔明，小朋友做錯都唔鬧得？
父母唔教邊個教？