大家好，小弟今日係初嚟報到，希望各位前輩多多指教。
我仔仔啱啱兩歲，佢身體機能上都幾好，都幾高大。每次同人哋講佢歲數，都會嚇親人，多數會以為佢超過三歲。
不過人無完人，我仔仔到而家，都唔肯學講嘢，甚至係教佢揮手拜拜果啲，佢都唔肯做。
尋日健康院醫生打嚟傾，話要轉介佢去兒童評估服務度檢查吓…其實都好擔心佢係咪真係智力或者其他方面有啲唔妥…
不過我都喺呢個討論區，見有家長話小朋友三四歲先識講嘢…而且呢兩年佢都唔係咩都唔識，至少佢有自己喜歡嘅事物(巴士/火車)，識得認路行去火車站，識得放波波/浴巾落籃球籃/浴盤度…
唔知有無啲咩辦法可以令佢快啲跟上進度呢…
你小朋友有無識得同人溝通？例如同人玩、對人笑或者想同人講野之類？
政府排期要幾耐？如果你唔放心同有能力，不如俾佢睇私家先啦（我淨係知協康會）
如果touch wood 有事，3-5歲係黃金治療時間
要盡快睇同接受治療
如果你想train小朋友，你可以上協康會網頁，佢有出好多書/ 教材教家長點樣訓練小朋友
我其實識得唔多，希望有其他jm 解答到你
我家有兩隻小學雞，好明白做人父母既徬徨
希望你家小朋友健康愉快成長！ 
自閉症？
仲有比手勢，手指指之類
我姪仔都係咁，只會跟人repeat d 字，最長兩三個字，好似無自己想講既野咁。
同佢唱吓歌仔得唔得呀? 做D搞笑動作配合
幾似自閉
平時邊個照顧, 佢地相處方式係點? 幼兒學習最初係模仿身邊嘅人
有無伴讀? 試下從佢興趣引導? 例如中意交通工具, 重覆講唔同車, 船, 飛機嘅名, 書本, 玩具, 模型… 出街又講, 試下感染佢
同我有自閉症既姨甥幾似 佢都係好鍾意車 3歲都唔肯/唔識講野
-同人講野有無眼神接觸
-對自己名有無反應
-會唔會成日自轉 / 好鐘意’車輪’ (狂轉d玩具,望住d係咁轉既玩具入晒神)
-唔同其他小朋友玩
-會唔會勁失控 (點樣都stop唔到佢)
如果無以上情況, 都唔駛太擔心住,
(當然穩陣睇下醫生, 求個安心都好)
好多男仔2歲都未講野, 上到幼稚園就狂講
因為我家人都有自閉小朋友(輕微)
係歲幾2歲已經留意到有跡象, 即刻帶佢見醫生/言語治療, 而家4歲情況改善好多
有疑惑盡早問下醫生, 唔好錯過黃金時間！
我個囝都係比較遲先肯講野，講都係叫下爸爸媽媽，但佢完全聽得明你講咩。打歲半針時健康院都要佢2歲專登返去做評估。
我地果陣冇咩點刻意去逼佢講野，係有時佢指住要玩具時，我地專登扮唔明佢要咩，嘗試俾佢去講多D。
另外，如果可以，試下俾佢去下Play Group/ 返下N班，同多D小朋友交流有D幫助，我囝返左N班幾個星期N班後，開始勁講野。
我姨甥仔3歲都係唔肯講嘢，佢會自己講BB話，但唔同其他人溝通 (淨係會叫媽咪)，手勢拜拜飛吻等都完全唔肯做。有個2歲妹妹，成日蝦妹妹唔接受佢咁。好似活喺自己世界。
後來帶佢去Check，佢係自閉。佢媽媽之後辭職專心湊佢同2歲妹妹，同去學點湊自閉bb。上星期佢媽媽話，依家同2個小朋友喺家玩遊戲(例如扮搭車)，3歲哥哥開始接受妹妹，同妹妹有互動。
我仔都係2歲, 性格好文靜, 又係唔太講嘢, 健康院評估踩界, 2歲半要再返去
我用零食引佢開口, 俾零食前要佢叫人, 慢慢佢就習慣咗要開口, 開始識得講多一兩個字, 而家識叫爸爸, 媽媽, 婆婆同自己個名
你仔仔同人有無eye contact? 有無同人玩? 如果有, 都唔駛太擔心係自閉
點先算eye contact呢，你叫佢，佢望下你，但眼神好浮，又似望緊又唔似望。。。。。。
同問
手指指係咪用成隻手有意識咁擺近某d野 或者移向某d野
都當手指指架？定一定要伸隻手指出黎？
（新手媽媽唔係好知）
我個女兩歲先識叫我 mi ! 
後來我比Elmos, Wiggles 之類嘅DVD佢睇，佢一路跳，一路學d主角講野，好快學識!
你叫佢, 佢有回望你, 或者你面對面同佢講嘢, 佢都肯望住你, 總之要有反應, 唔係十問九唔應, 沉醉自己世界咁
我仔識用手指指向某件物品, 但你小朋友幾大? 太細可能未識
都有同人玩既, 而且佢都好唔怕生保…有時去公園, 見人地玩波, 佢都會衝埋去表示要一齊玩 
尋日啱啱同健康院姑娘傾完, 佢又無話阿仔有好大問題, 而且我地最近呢排都覺得佢係進步咗既, 有啲嘢都好快學識自己做咁…政府果啲排期要約15個月, 視乎最後話要見咩專家咁。