我地都有諗過, 不過佢又唔怕生保, 又幾鍾意出街, 自閉係咪唔會咁樣?
佢而加一歲
做左評估先，唔好太擔心住
我個囡今個月岩岩2歲，情況都你仔仔一模一樣！佢都係唔肯講嘢（爸爸，媽媽都係之前講過一，兩次，之後無再講），我哋同佢講嘢或者叫佢個名都無反應！佢好多時我哋叫佢，佢都唔望我地，但唔係次次都係咁！佢係因為知我地叫佢係要佢做嘢/講嘢！所以佢唔同我哋交流！佢又係好鐘意出街，落球場或公園都會主動同其他小朋友玩，佢亦都係對車輪好有興趣！我依家等緊健康院醫生打黎，但要等成個月（11月尾），好想知下你仔仔進展成點？有無咩方法教佢？因為我個囡係你一教佢野就會走咗去！佢好鐘意食嘢，我試過搵食物引佢講都無用，最後爆喊或唔食，都唔肯講嘢！
後來帶咗仔仔去協康會做評估, 結果係懷疑有自閉傾向… 
於是六月尾開始帶佢去上ABA同言語治療, 而家差唔多上咗四個月, 雖然仲係唔講嘢, 不過叫做多咗啲聲氣。ABA都幫到佢好多, 幾個月前佢幾乎乜都唔識, 而家可以話係突飛猛進咗, 例如:
- 玩配對板、釣魚、聰明蛋、砌Lego(當然只係講砌, 唔係砌到meaningful既嘢)
- 聽得明簡單指令 (企, 坐, 過嚟之類)
- 可以坐定一段時間
- 識得指嘢, 問佢想要邊樣佢會指
佢嚟緊下星期要開始幼稚園面試了, 希望呢啲幫到佢搵到學校啦 
3個讚
支持，加油！
爸媽記得陪伴去治療，更重要是學了治療師的方法，在家繼續協助小朋友。父母的關係對小朋友來說，是進步的動機。
有呀, ABA老師有俾功課, 要我地喺屋企同仔仔做的 
遲啲會俾佢上吓密集班, 等佢返學前學吓群體生活, 接觸多啲人
我見好多小朋友都被診斷為懷疑自閉，其實有時係度諗可以係佢地真係未ready, 依家我仲等緊醫生打緊傾，睇下情況！多謝你的回覆，有時見到佢地一個字都講唔到，結果只好喊，都登佢地辛苦！不過我信要比啲信心同時間去同佢地一齊努力學就可以，唔好太大壓力！大家一齊加油啊！
係5係工人湊?
因為有D工人當小朋友係死物咁，只係按指示完成任務，有空就自己玩電話，5會有互動。
我有朋友仔仔都係咁，媽咪做ftm, 小一再評估已經冇問題。
我個女就嚟兩歲都係唔識講嘢，唔識聽指令，醫生話佢語言、社交發展遲緩，有自閉症傾向，而家都等緊做評估
而家咁細只會係懷疑有自閉症，因為要確診起碼到5-6歲先可以，但懷疑就已經可以開始做訓練，唔好錯過咗而家呢段學習嘅黃金時間
希望快啲有位可以做下訓練，聽講有啲要等好耐，超過一年！我都擔心過左黃金時間！
我哋六月頭sent email去協康會排密集班, 結果等到早兩星期先打嚟話有位, 即係都等咗四個半月… 
所以如果經濟許可, 就出去搵啲私營既班, 盡快改善吧…
你囡囡係2023年先讀K1？如果係都好啲, 仲有充裕時間去改善
想問下見你話仔仔都鐘意同人玩，點解評估會係懷疑自閉症？我個囡出年讀K1…
後來諗真, 佢只係唔怕生保, 但話同人哋玩, 其實只係想玩人地想玩緊既嘢(籃球/吹泡泡之類), 但實際上佢無同人地交流…
去到做評估, 主要係話佢能力好差, 叫佢做乜都做唔到/唔識做, 所以就評估可能係有自閉傾向…
你囡囡出年讀K1, 咁嚟緊呢個月咪要面試?
可以既話都係盡快做評估好啲, 因為如果真係有咩問題既話, 一來可以快啲跟進改善, 二來要份報告去社署度排同幼稚園有關既適切幫助 (E/S/I位)
1個讚
有自閉症小朋友都會鍾意同人玩,
但係玩既過程,你會見到佢對某d行為非常固執
: 比如 某樣玩具一定要擺固定位置 / 玩法好儀式化 / 一改變左,佢會好抗拒 等等等
但亦因為咁,所以令佢社交變得困難
除左言語之外,其實都好睇佢非言語既交流,
眼神/手勢/表情都好重要,
一件小事教平常小朋友可能10次就識, 但教自閉症小朋友可能要1000次先識, 家人真係要好大耐性/心機
同埋有懷疑就盡早介入, 自閉症其實好常見, 但盡早治療對佢幫助係好好好好大
可能到最尾評估結果都係一樣, 但其間你會見到佢既轉變係好多
加油加油
3個讚
及早發現，可以令對生活影響減到最低
在家中跟姑娘指示多做訓練，日子有功會有成效
不要同其他小朋友比較，今日既佢另過尋日既佢就夠了
可能初時難d接受，什至有點媽媽/爸爸感到自責。
但每個小朋友都係特別，只要家長消化消息後，其實無大不了。
依家SEN學童好普遍，小學一班都有幾個。共勉之
1個讚
有無邊間評估可以分享下？我個囡就都會同大人或小朋友玩，但就好睇心情！唔係次次肯同人玩！佢都係咩都唔識，因為我成日教佢野，佢都無心機學或者講，似係專注力不足！我都唔知可以點入手好
我地叫佢，佢多數都唔應，但我餵親細佬飲奶，就會特登行過嚟，痴住我哋，勁呷醋！
我仔喺沙田石門嘅協康會做評估, 果時都排咗兩個月先做到評估
18-30個月小朋友可以做下m chart test計下分先：
呀仔剛好18個月都係未識得講野，
理解聽指令算無問題，有意識講（好多bb話/聲音發出）但係又無興趣學習，你教佢果時都唔會話跟住講
平時又係教佢野/玩新玩具都無乜耐性同興趣，試左可能一陣就會走左去，最鐘意同人互動同真實既野
見朋友個女歲半都已經識講野，砌木puzzle，手抓板 etc
但自己個仔好似咩都唔識咁，雖然話男仔發展係慢d, 但係好似爭好遠咁
頭先做左m chart , 應該係中風險
仲矛盾⋯ 似係又唔係咁⋯⋯