成年人，呢個月冇停過日日出風癩，有時係背，有時係腳，周身都有！但我發覺通常係屋企時先會周身痕，平時返工，或返娘家都冇咁情況。
自問屋企唔算一塵不染但未至於話十分之污糟，都有定期吸塵，呢個月不停咁痕冇晚可以訓得好，想問下大家有冇家居清潔推介？最好係同路人店
試過，大約讀高中開始幾乎每年一度，當時睇西醫食藥有較。
直到有一年又嚟，照睇西醫食藥，但停
藥一兩個星期又發。結果走去睇咗兩個中醫，第一個唔得，淨係話濕熱，食住藥都冇停過。睇第二個時，佢話叫做㜦嫲疹，係好長手尾，叫我有心理準備食好耐藥。因為佢係俾五日藥我返去煲，頭嗰三四日依然係咁出，不過過多幾日，原本好大片嘅開始細咗，之後越來越細，但去到最後唔見哂，都要四五個月。成個飲藥歷程真係超級痛苦，最初嗰個星期真係係咁排毒，係覺得有便意時已經衝緊出嚟咁，之後冇痾得咁勁，但又係咁放屁，D味好奇怪，完全忍唔到，搞到鬼咁尷尬。
不過好返之後，我廿幾年都冇再返發過。
真係塵？定係抵抗力問題？
唉，明，中醫嘅嘢，我成日覺得好似風水佬。我有試過戒口，可惜冇見效，冇效之後就失去堅持嘅決心
見到你有好轉我都鄧你開心！
抵抗力我都唔知點為止高定低，但我冇傷風感冒冇咳冇鼻水冇病，算唔算高
（但可能關帶左口罩事？)
係唔係介口會好D?
1個讚
我20幾歲時成日都出。又係拖好長時間。
身體過虛。食藥只係輔助。休息好重要
先西後中
係咪沖完熱水涼/出汗/皮膚磨擦會出? 如果係, 可能係蕁麻疹
而家興食 益生菌，會唔會得？
先留意下食物先，介一排，尤其奶類，過敏反應麻煩D。
樓主覺得咩情況先會敏感出風癩?
係抵抗力差或者天氣轉時先會?
其實中醫講同肝有關係真
同埋個人風重都好大關連
如果換密啲床單/用吸塵蟎機吸吓床 有冇幫助？
又會唔會係附近多咗地盤/裝修？ 唔知室內空氣淨化機又幫唔幫到手
多謝大家關心
話說剛開始出風癩，得一兩舊，好痕但冇理會。但出左差唔多一個月，一日比一日嚴重，尋晚條頸腫晒，仲要摸到風癩蔓延到頭皮髮線位⋯⋯
情況又未到話要入急症，於是搽左半枝白花油乸下佢，有好轉，但就立即喺啲冇搽白花油嘅位置發
生風癩多數在夜晚發生，日頭撘車，返工，假日去娘家食飯都冇事，到夜晚返自己屋企先狂出風癩，令到我覺得屋企應該有致敏源。屋企唔算好乾淨但唔係好污糟（我覺得啦)
我覺得都係先睇下醫生，西醫驗一驗血。之前有啲婦女病紀錄睇開郭家麒醫生，唉，點知都唔知仲有冇機會睇佢…
真係超嚴重就打針。
穩定左就中醫。
可能係濕熱，亦可能係壓力大，抵抗力差。
夜晚係一日energy level最低嘅時候，所以好易個時先出事。
我估每人情況不一樣，但(touchwood)出多幾次就可以知多d自己幾時會出事（起碼我係），然後減少左出事次數和嚴重程度。
出風癩前做過咩？點引起敏感？沐浴液？塵？食物？
我以前從來未出過風癩，睇中醫做天炙+食中藥+針炙+’‘崖’'炙+介口後，某日突然出風癩，食敏感藥就 stop，中醫就話發左d毒出黎係好事喎，仲話多毒要慢慢發出黎。到某日我出風癩食敏感藥都唔得，幾日後出到全身腫曬，d手指腫到合唔埋隻手，連拖鞋都幾乎著唔到，入急症即睇即打針，食類固醇一段時間，當時已停左睇中醫，之後就無事。西醫就話個中醫亂攪個免疫系統，攪到亂曬，會好危險。
但食類固醇又出現副作用，血糖超標，到停藥血糖正常返一段時間後又亂過，唉。
最重要我覺得先要止痕，一痕連瞓覺質素都有影響
我冇乜耐性，都係睇西醫一輪先再搵中醫調理
比你講一講…醒起前排沖過啲排毒嘅纖維粉，飲完狂屙，莫非因為咁樣
(只飲過一次，屙太勁，怕左佢即刻停左！）
不過食類固醇真係真係好大獲
而家好啲未？應該唔可以長期食？
1個讚