類固醇只係食一個療程時間，抑制個免疫系統等佢cool down到正常，期間有驗過一次血check個發炎指數。
停藥後一年內都無出過風癩。
而上年就因為食左隻補骨產品，食完15分鐘個咀已經紅腫，即刻食抗敏藥，點知幾個鐘後仲誇張好多，全身出風癩，紅腫到一舊舊，再去睇醫生，醫生話好嚴重敏感，問有無影響呼吸？有就即去醫院，佢開類固醇看門口 (我自已觀察完再決定食唔食)，打針，加大個抗敏藥劑量，咁果次無食類固醇都ok，好彩。
唔通影響腸內細菌？食下益生菌又得唔得？
我自已就有食益生菌，因為之前睇中醫天炙想醫鼻敏感，結果多埋腸敏感 
我個人覺得食錯中藥大劑過用一兩次類固醇
1個讚
我對呢樣有保留，
試過出風癩，中醫又係開發出嚟嘅藥，
食完發到
頭，pat pat la，耳仔全出，
出左兩三星期，除左風癩仲勁瀉，完全瞓唔到，消化力越瀉越弱，到後期食乜原粒/條出番嚟，同埋都會嘔一兩次（我係極少會嘔嘅人），情況係完全不受控。
後來真係食瞓or 都唔掂，決定自行停藥，反而有好轉。
1個讚
我之前每日放工回家都起幾粒，我驚惡化，每日都食敏感藥，過一排就無出了。
不過感敏感體質，久不久就會再有。
成日返到公司就出風癩, 公司好污糟我明
返到屋企夜晚10點左右又出, 但屋企keep得幾乾淨
天氣變又出
心情燥又出
日日都要食抗組織胺頂住 + 中藥調理
所以個個人情況唔同 
尋日睇醫生，佢都係開左類固醇比我。食左一粒好啲，藥力過後又發過，所以再食左粒。
我都有叫醫生比我驗血，但佢立即reject左，話: 驗血80%冇嘢睇，浪費金錢時間嘅嘢做黎做乜！
睇嚟要食完佢啲藥睇下點先再有得跟進。
唔知係唔係個心形住食類固醇唔好，訓醒一覺塊面爆左瘡
仲多左粒疣喺眼底呀⋯⋯
係囉… 睇完大家嘅po，有啲食中藥反而差左，有啲好左，真係因人而異，皮膚敏感好似不治之症，好灰
聽完好驚本身諗住今次睇西醫止痕先，之後睇中醫調理…
睇中醫冇問題，只是“發出嚟”嘅approach未必適合所有人。
我之後都有試過出風癩，都係西醫穩定情況後再睇中醫，我係搵個唔會用發出嚟嘅approach就ok.
又未至於嘅，
其實我都知自己衰乜，都不外乎壓力大，休息不足（ 簡單啲嚟講就係抵抗力差）有時會食錯嘢，全部都係有辦法解決。只是自己懶冇做運動。
唯一一樣解決唔到就係香港空氣差導致鼻敏感(去旅行又真係冇事
)
我只係會俾蚊咬過才會出風癩，食抗敏感藥就會好
我有一年全身輪住晚晚出風癩，起初睇中醫睇咗兩個月都唔知咩原因，後來忍唔住睇西醫，原來係甲亢。
可能我腫到連手指都合唔埋，拎都拎唔到野先有得驗血 
類固醇我食左即刻全部敏感都退曬，但我知副作用有機會影響血糖，所以我自已驗血糖，食完見血糖好高想停藥，打去問話唔好停，唔跟療程咁食個免疫會仲亂，我要連食1星期再觀察。
有仲有濕疹，再加睇中醫引起n種敏感，仲煩啦，我宜家試緊食益生菌幾年，so far ok.|
益生菌我係萬寧買，宜家我見中大都有出益生菌，唔知會唔會好過我食開果隻，但我又驚唔敢轉。
可唔可以講係邊隻？
甲亢即係咩事？點樣解決呀？
係…十幾年冇做運動，生完仔後攰到冇力做