我自己朋友生既ＢＢ完全唔靚，提唔到我興趣生Ｂ。
但我老公有個朋友個時生左個Ｂ女，眼大大面圓圓，我覺得好得意。不過我都係睇完玩完就算。
但望到得意可愛既ＢＢ點都會幻想自己同老公有個屬於自己既ＢＢ。
絕對認同，我好記得有個同事話，“you don’t know you can love a person that much until you have a kid”，嗰種愛完全係另一層次。
5個讚
利申先：非專業算命
粗略黎講，一個大運就10年（田宅/子女宮），大概係3X-4X歲，但因為每人幾歲起命都唔同，所以有d人係30頭，有d係會30中
一般人係呢段時間一係係田宅宮，一係就係行子女宮，無其他選擇 行緊邊個宮一般就係去做嗰d嘢比較容易成功，同埋學我之前咁講，會好想去做呢樣嘢 無原因之下覺得要去做
BUT
生唔生到要睇兩公婆子女宮，生男/女，同埋子女宮係吉/兇，要好多嘢夾埋一齊睇
如果要知道邊年大機會生，咁就可能要睇埋流年生b機會率
呢個係大概理論，實際操作要搵專業人士（not me）
我自己例子，我生小朋友時唔係特別想要小朋友，只係理性地出發覺得一個家庭係需要小朋友，我老公當時都唔係行子女宮，所以我地兩個唔係好恨有bb嘅情況下生咗第一個。
到我老公行子女宮（依家），我好明顯地feel佢嘅熱誠好唔同，佢甚至有講過：自己都唔知點解，但覺得生多個係佢依家應該同覺得要做嘅嘢
（我過多年check返，原來呢幾年佢一路都行緊子女宮，唔怪得咁chur）我唔係行子女宮，一路無生多個嘅打算，但兩公婆真係會互相影響對方，我最近都開綠燈，想開始備孕調理身體
1個讚
努力之餘有無調理係自己身體？（d基本supplement eg b雜、folic acid女士要食）
甚至係男伴身體？
我嗰個好想生b嘅朋友已經try咗一年，一路有睇中醫調理，依然無消息。佢第一胎第一個cycle就中，依家想生第二胎
中醫最近話我朋友身體無乜嘢，建議叫佢老公過去睇下
如果要唔生的諗法, 就在這.
3個讚
成日聽人講愈想要愈難有
本身我哋兩個都唔鍾意BB，諗住自由自在過一世就算
結咗婚幾年後各樣穩定就諗不如試吓有一個啦
可能亞女知道我冇耐性，所以由陀BB到而家六個月佢都好乖，而佢俾咗好多正能量我哋，努力工作努力比最好嘅生活佢
仲有，有咗佢成個家庭真係好開心，無論係後輩定長輩見到佢開心到不得了，而家我反而會諗點解唔早幾年生呢 
6個讚
呢個真係，想有BB一定要放鬆心情，成日check住計住好難有。我朋友教我，咩都唔好諗，enjoy過程
我自己都係食住中藥調理身體準備生B, 可能真係子女宮作怪掛係突然想要嘅，之前都冇咁大感覺想要嘅～雖然都同另一半共識左係呢段時間準備嘅！
不過食左就黎半年中藥都冇咩消息，又要介口等等，所以而家都進入放棄狀態
聽好多人都係話係要放鬆個人，之後就會好快有
完全一樣
加油
老公屋企父母緣淺，冇乜親人
性格孤僻，朋友又少
同佢結婚之後，我哋都好互相倚靠
我諗過，如果有一日佢唔向度，我都仲有我娘家果邊嘅屋企人
我娘家關係好好，就算以後得返我一個都可以搬返去住
但係我老公冇左我就真係冇乜親人，所以想有我哋嘅小朋友，萬一我有咩事唔向度，佢都仲有可以倚靠嘅親人，唔係自己孤獨一個
5個讚
純粹想生, 覺得係時候, 有個小朋友先覺得真係一個family.
第時老左兒孫滿堂，唔駛做孤獨老人
我完全唔會咁諗。
生小朋友，係因為我同老公都想陪住一個生命成長，希望佢可以成為一個自信善良獨立嘅人。中間嘅過程同經歷，會令我哋嘅人生更加豐富。
至於小朋友大左，會自己選擇佢嘅路。我相信佢會有勇氣，隨遇而安。
7個讚
想個家更complete
有b無b都無所謂。有b就是一種緣分，無就過好自己日子。
2個讚
其實多囊係咪好多普遍？好似好易聽到jm有？
yes，我都係PCOS，check完曬無其他問題，食排卵藥，放鬆心情打定輸數，就自然bingo左，bb啱啱一歲啦
想請教吓， 食咗幾耐排卵藥呀？