婚前我係唔想生(但不是抗拒去生, 只係覺得未係時候, 要負好大責任), 我老公係想生, 但佢無都得, 所以結婚頭幾年都無特別去試, 後來發現身邊好多朋友做晒所有嘢, 但都因各種原因生唔到, 好似好遺憾, 咁我個心境就開始改變, 覺得原來生小朋友真係講緣份, 諗住試咗有就有, 無就無囉, 好過唔試第時後悔, 於是就開始試下 (但我地無特別計日子定乜, 總之隨緣), 咁好好彩大半年就中咗, 而家小朋友兩歲了
2個讚
兩個大人係香港生活已經夠煩，下一代一定更多煩惱…
我見好多家庭根本唔夠資源去養小朋友，係都要生幾個，搞到變月光族，每個月仲要倒貼積蓄，好得人驚
2個讚
以前覺得一個家一定要有小朋友先得. 因為我在充滿愛的環境下長大, 到左見依兩年香港咁情況的確有卻步過. 問過老公都話生唔生都可以. 唔生的話經濟鬆動D, 將來退休可以周圍去旅行, 兩個人都可以好開心好精彩. 如果生的話就真係我同佢既結晶品. 我覺得老公夠成熟. 體貼同埋支持係我生BB 最大動力. 當然都計過經濟上負擔到就去試下.
其實有時D野計劃趕不上變化, 當你以為一切都ready的時候, 可能原來身體已經唔ready. 又或者到時又會有其他問題, 又點會有真係樣樣十全十美丫。
不過兩個人的共識係最緊要, 其中一方有猶豫, 都唔應該夾硬黎, 因為生小朋友真係要兩個人都要有同樣程度committed先得, 唔係既話將來會好多爭吵。
好多咩社會因素呀, 經濟呀, 之類, 都唔及比一個充滿愛的環境小朋友長大來得重要。
4個讚
嗯，我諗通左會同佢好好傾下
你老公想法好好啊，
我係以前覺得唔一定要生，
係自從check到多囊就心態有些少改變。
不過我會同老公傾下
我地純粹想生產出另一個自己出黎，覺得有能力、財力養，就生。
不過衣加啲人生仔諗好多嘢，又有大眾壓力，個個都鐘意比較，又要考牌乜乜乜，如果控制唔到情緒，思路又唔清晰嘅，唔生都係好事。
一個生命，背後意義同責任重大。
4個讚
真係有完全新嘅領會！我都估唔到原來自己可以因為愛而EQ無限！
唔鐘意其他人嘅小朋友係正常，我老公都淨係覺得自己個女得意。
4個讚
我想生係因為我由細到大都鍾意小朋友; 老公覺得可以生係因為覺得生小朋友係人生中其中一個過程。我都有諗過咁既社會環境係咪仲合適生小朋友。但老公話每個年代都有成功或者出色既人…如果真係生…或者要考慮移民; 唔移民都要留多舊錢送佢去外國讀書, 係香港遲早比B6同化 
1個讚
我覺得唔同環境，都有唔同的困局，我出世前後都係64，政治局面係緊要，但經濟, 兩公婆關係同有無共識先最緊要，如果你有多囊，其實都可以俾時間自己慢慢調理下，再同老公傾下，早點有個共識，因為就算兩公婆身體檢查幾好都好，都唔代表可以有bb
我好鍾意小朋友，結婚前已經同老公講會生。我老公唔鐘意小朋友，但因為我鐘意，同我拍心口自己搞得掂，所以諗住生一個。好彩生咗後老公勁有父愛，我發覺自己之前拍心口話搞得掂係好幼稚。因為一個人真係會湊得好辛苦。
3個讚
同另一個JM comment差不多，我比較傳統，感覺一個家庭起碼有一個小朋友感覺先完整d，亦係人生另一體驗，由老婆變媽媽，感覺係好自然嘅事（完全無諗過唔生呢個option）
我本身一dd都唔鐘意小朋友，人地嘅小朋友點cute幾得意對我黎講係0感覺，但我對自己個小朋友就有無限愛，呢樣係好自然嘅事。有d人叫做好鐘意小朋友，會覺得d bb/小朋友好得意，但其實作為一個媽媽，未必係一個好媽媽。
我覺得一個好媽媽係好需要肯為小朋友去付出同改變，因為教養小朋友過程中，絕對需要不斷改變同學習。呢樣所謂責任感同愛心比，我反而覺得責任感重要d。有愛心只係講個感覺，有d人淨係鐘意同小朋友玩；但有責任心先會落手落腳去照顧小朋友教，呢樣嘢係小朋友成長過程中都好重要。
兩公婆生唔生小朋友一定要雙方都同意。你老公係比較load得慢，覺得遲d先生都ok，定係根本覺得生唔生都ok呢？
男人好多時無女人諗得咁長遠，亦無我地plan得咁好。由bb出世用邊隻尿片到點餵奶加固，佢哋根本唔會諗or做research。只要你老公係一個好隊友，你set嘅family plan佢肯好好合作follow就已經ok。唔好expect男人會係一個同你共同前進嘅partner，一般其實係個女人係火車頭，男人係個車廂，比我地拖著行咋
生小朋友前諗下大家係家庭嘅角色，可以避免你對「男人/老公/爸爸」係家庭生活中嘅美麗幻象。
9個讚
可能大運行緊子女宮，所以會有說不出的理由勁想生bb
我老公同我有個好朋友依家行緊子女宮
不斷講話要生，但講唔出理由點解要生，問佢他點解，淨係覺得要生多一個，覺得生係做一件啱嘅事，吹脹
我同另一位好朋友就完全無呢個感覺（我地係行田宅宮大運），我地4個明明係差不多年紀
2個讚
完全同意！
所以本身鐘唔鐘意小朋友同生唔生小朋友可以話係完全無關係
我都係完全對其他小朋友冷感，對住自己小朋友熱情洋溢嘅嗰人
2個讚
真係同意到不得了 老公咩育嬰research咩news都唔留意，一味只係跟住我俾既order幫手，你呢個比喻好貼切！
3個讚
我未生前對bb同小朋友都係零感覺、就算生咗對其他人嘅bb、小朋友都冇乜感覺。
但對住自己果個可以無限耐性。
4個讚
非常同意！
生咗求其養，天生天養呢類mode，我覺得唔生仲好，否則反而係累咗個小朋友
1個讚
呢個已經係好隊友呀肯聽肯幫手
有d男人，乜research都唔做，仲要唔肯幫手唔肯合作
2個讚
其實唔洗太擔心先，D婦科淨係識講多囊係會有早衰傾向，難有BB，
直接去睇睇生殖專科，驗荷爾蒙，照下超聲睇下個卵巢就知嚴重程度，知道仲可以諗幾耐先生仔。
好多時食下藥照下排卵都可以成功懷孕，touch wood好嚴重的話都可以雪定卵
呢個大運行幾耐？同埋咁行緊呢個運，係咪一定生到ＢＢ？（因為我都努力左幾年，去到是旦求其隨緣心態