我想問下大家有冇因為想生bb而同另一半有分歧？
我本身有多囊，所以結左婚想快d懷孕。
唔想太遲。。
但佢就過一排先，有種皇帝唔急太監急咁。
佢好似覺得好容易，話有就有咁。
今日我有思考，究竟係咪我未諗清楚？
香港依家咁樣，生左出黎係咪好？我地既責任會大左好多。
生出黎BB都要捱世界
定係我咁諗都係逃避緊？
想生bb既你地，為左備孕努力緊既你地…
到底係乜野原因令你地咁做呢？
3個讚
樓主係咪年介三十中或以上
如果係多數係女性荷爾蒙引起。
如果唔係三十中，多數可能身邊朋友個個都有小朋友，潛意識好想生小朋友。
亦識有朋友認為結左婚要生小朋友先係一個真正圓滿既家庭。
其實女人多數二十五歲前或更年期後，係唔會有想生小朋友呢個諗法。 
2個讚
係啊 31歲了
總覺得自己唔生就太遲
我身邊唔係好多人生左小朋友
都係一兩個朋友同親戚生左
生兒育女係我細個嘅志願，我無諗咁多嘢呀，某程度上有啲不負責任，總之一心要生~ 咁幸運地喺適合嘅時間遇到都想生嘅另一半，經濟能力許可，咁就生啦! 生咗兩個之後我真係有嗰種願望達成嘅感覺！
1個讚
我都係呢個數歲個腦傻左想要小朋友（加埋身邊朋友都有小朋友。
都好想有自己小朋友。。。。。所以就努力左幾年。
1個讚
每當我有生bb既衝動
但幾次佢都話遲d先。
但係佢又會不停去憧憬住有仔女既家庭
周不時會講下 第時個仔 / 女會點點點…
但我都知道有bb係好難既目標，尤其係多囊。所以想快d有。
今日停低諗，究竟我係咪真係想要定係荷爾蒙或比人既說話影響左
咁你果陣有冇一刻既猶豫過？好似我依家咁
個時無呢家咁亂。。。最多諗到讀書考學校咋。 
咁你而家都係生咗？
咁佢因為咩理由想遲啲？ 想二人世界耐啲？ 想經濟能力好啲？ 想移民先？ 生仔女唔係話你想就即刻有㗎，唔可以話諗到非常周全，諗得太多咩都做唔到。
1個讚
唔生小朋友會唔會好悶
你知目標難都想做，其實你應該係想要bb 嘅。
而你老公有講過之後有小朋友嘅生活，即係佢都有諗過。
咁不如你直接問佢點解唔想而家有？或者你搵啲關於多囊嘅資料俾佢睇，直接講你嘅擔憂，二公婆，有啲野要傾下，可能傾完你已經有答案。
係。
我比較老土+傳統
未有小朋友前
覺得一個家庭係有小朋友（下一代）比較完整，本身亦幾鍾意小朋友，開頭亦覺得一係唔生，一係生夠2個先好
但生完後，發生人力物力資源都唔夠養第2個（我唔信香港個環境可以平有平養，加上細個窮過，知道有啲野人有自己無嗰種自卑感係好影響成長），就無謂夾硬咇多個
而且個責任真係大
加上而家香港咁
都係1個夠喇
6個讚
鐘意小朋友，覺得一個家庭要有小朋友，覺得老公係ready做爸爸（即係會幫手照顧，會分擔家務etc）。我會比較關注老公係咪ready呢點，覺得呢點比任何野都重要。至於你話世界變成點，香港變成點，其實我覺得兒孫自有兒孫福，每個年代都有佢嘅問題.
11個讚
其實呢個年齡生，響香港嚟講都好合適
悶vs 煩，睇人咋
1個讚
我都係呢個年紀生，生完發覺我都算幾早生，身邊好多33＋甚至高齡
現實d講，預到at least 可以送小朋友出國讀書既budget 就可以go ahead, in case 日後香港變得更壞時你仲有得選擇
拍左拖幾年、結婚唔夠兩個月就有咗
冇諗太多、純粹想有個生命陪佢長大、帶佢去玩
本生諗住係咪都會生、諗住早啲生早啲甩身（其實生果陣都30歲）
一開始已經決定只生一個
細個湊佢覺得吃力、現在上咗小學、反而識得享受有呢個仔、係讀書激氣啲。
1個讚
我20中就結左婚，一直唔肯生BB。我好討厭BB，見到人地個BB唔會覺得好可愛，尤其一見到BB尖叫、喊呀，即刻頭痛
去到30，開始有想要下一代既念頭，但都純粹想完成呢個任務，於是開始plan
到BB出左世，不得了，又乖又聽話，唔扭計唔發癲，鍾意佢鍾意到痺，直頭咩都可以俾哂佢
生完BB，對愛有新的領會
（不過，見到人地個BB仍然會頭痛）
11個讚