劏房好D，租一個單位太貴喇，慢慢搵實搵到好嘅
我都住過劏房五年，有D一開二環境都幾好
原來係咁，真係唔好意思
未離開過屋企咩都唔識，我要再做下資料搜集先得
大西北的話，村屋有機會做到
我見倒好多大西北既都係成間空房冇洗衣機、冇雪櫃咁樣租出去
所以我而家就衡量緊搵一間平租既自己添置傢俱電器會抵d
定係搵一間市區6、7000蚊但包左wifi同少少電器既
我起28hse search過，市區既多數至少有雪櫃包埋～～
其實我都想搬好耐喇, 但一直都有少少內疚既心理, 所以冇行動
因為大家姐又搬左出去~二家姐細佬又返工
父母慣左我在家工作起屋企陪佢地
唔識用手機又走黎問我
我都會擔心之後冇人教佢地既
不過最近都覺得3字頭要獨立下, 同要多d私人空間
我唔敢同奶奶講呀。佢同緊d仔發皮4
早排先講，庫房冇錢，佢仲講緊因為要補返d地同交通燈…真係溝通唔到
同旺角條橋起左十幾年賴佔中一樣
情緒勒索 & 養兒防老思想真係 
樓主加油，如果wfh 其實搬遠少少都冇所謂，離島都係唔錯嘅選擇，可以趁放假去幾個離島睇下環境.
1個讚
老實先-你人工唔算高，搬出去可能會儲唔到錢！你自己做好心理準備就得！
咩不孝？咩唔理父母？
佢哋冇諗過你會嫁架？嫁左都一樣搬出去架啦！
唔岩聽既，唔好聽！咁大個人，自己對自己既決定負責就可以！
個人覺得自己添置電器家俱個cost其實好低，而且住得都起碼兩年，用自己啱心水嘅東西會開心好多，可以搵吓二手家俬，好抵又可能會執到好嘢
坦白講
我完全唔明點解華人咁中意痴埋一齊
人唔係應該獨立個體黎咩
3個讚
原來你個case係得返你咁長時間對住父母，怪唔得佢地唔想你離開，咁你真係要企硬搬走，加油！
我唔覺得全部華人係咁
只係香港租貴局住一齊住
我老豆年代都自己租房搬出嚟
多謝，我都有響往過住離島，遲D去行一轉先
雖然阿媽可能唔俾我搬咁遠 
我已經做好左過低物欲生活，我可以放棄物質換私人空間
亦都希望把握機會，可以諗下有咩機會開源
而且我目標係每月繼續至少儲倒8000！ 
3個讚
好呀，咁我都係循低租金但自置傢俱呢個方向啦
我都想慳得幾多得幾多～～
係呀，我長時間對住父母好幾年啦，有陣時我都會覺得好唔公平
點解我起屋企就咩都我負責理，明明自己都同家姐細佬一樣要做野
樓主大埔既劏房考唔考慮 我住過大埔好多年 治安幾好 6千全包應該都唔少選擇
其實咁大個人啦，唔好仲話乜嘢阿媽比唔比咁、阿媽唔鍾意，你長期比佢情緒勒索已經變咗覺得咁係正常.
我自己住，雖然同屋企人住得近，但佢哋絕對唔會打擾干涉我，比絕對自由我，有自己嘅空間真係好好㗎，我都有畫畫、整下手工（小學雞程度 ）但都好開心，得閒又可以整下嘢食.
1個讚
你覺得大埔邊個部分會較方便呀?
我有睇倒幾間起公園仔，感覺都唔錯～～
好，我要開始改變下思維～～
我都畫得唔太好，係初學者，不過同朋友起出面art jamming之後發覺畫畫真係好減壓～
$12000減租同埋比阿媽, 即係每月用$3000? 你預鬆D好喎, 搭車、一日三餐、清潔用品、廁紙等等, 加加埋埋都唔係細數, 要好小心用錢先至得. 另外電費係咪真係包? 親戚有租房比人, 佢地會裝獨立電錶收電費, 每度電貴過電燈公司收既價錢. 點都好, 初期可能辛苦D, 但有自己既天地, 點都係值得!!