佢地20幾歲就離開父母起中國黎香港
祖父母／公公婆婆起我細個都過晒身，我完全冇印象
我同阿媽講果陣都有話你地仲早過我離開父母
佢就話：我地黎香港搵食點同呢 
覺得你呢個情況應該搬出去，但又擔心你洗費大
屋企唔係好遠嘅地方會唔會有工業大廈租個小小嘅workplace唔知會唔會平啲？你可以過去home office同畫畫，有私人空間又唔洗留喺屋企太長時間。等到你男友可以同你夾份先搬出去住
又或者好似樓上話齋，宜家酒店唔貴，間中出去住一晚透透氣
3個讚
有睇過呀，但住宅式酒店超出我budget
而且有D仲要冇廚房，出去食洗費又大左
等過一陣我搵好晒租屋既地方，會再同佢地溝通一次
依家有D service apartment式經營的劏房, 6000左右, 全包。住過都OK, 鄰居都係早出晚歸, 係附近返工的人。可以考慮下
又唔好話詛咒，不過唔多唔少都有影響
因為我搬咗出去我D兄弟無辦法成日去街，要留喺屋企陪父母，變相生活圈比較細，攪到4字頭都未拍拖結婚，我姑奶又係太黐家，4字頭繼續單身
1個讚
你已經好乖好乖，咁大個先搬，我廿零已同朋友 share flat
用搵樓app search 5K 以下其實都好多盤，有啲睇落應該本身做開 airbnb 幾新淨。或者私樓分租？搵啲只租比女仔嘅？
盡量住近啲，多啲返去食飯囉…
唔好被個「孝」字捆綁你人生同情緒啊樓主
2個讚
你阿媽講到咁遠
同我奶奶一發脾氣就會話死左冇人拜山一樣
樓主你諗深一層
搬出對成家人有咩影響？
母親唔捨得我理解
但香港好細喎， 住幾遠都1小時內會到屋企
人要學識自立呀
你問佢： 你地黎香港搵食係咩原因？
佢會答： 想搵多個錢過， 有自己地方同過安穩生活
你答： 咪係囉！ 有自己地方， 我未有呀麻。
房都未有呀咁點安穩呀！
呢類都幾好，平平地都叫自己空間，兩口子唔出街都有個竇。你可以一開始唔洗太坦白同你媽咪講租左地方，有時隔幾晚唔返去訓、有時好夜先返屋企，等佢慢慢習慣你唔痴家。
介唔介意講下咩區
我有諗過租佐敦八文樓果邊
好多都齊傢俱~~
我試過直接同我父母講，要孝順都係在生時孝順你地多d，人死左我裝幾多香都無意思啦，佢地又無反駁我喎，我本身都算幾乖嘅，有時駁下嘴遮
多謝你既建議呀，我都有考慮過租工作間，不過最尾覺得唔太可行
因為我由細到大都幾孤癖，鍾意足不出戶
我一個禮拜只會出一日街搵男朋友
而且我係住大西北既，我覺得自己一定無辦法日日去觀塘或葵涌果邊既工廈
我住過係天后。銅鑼灣, 灣仔都有。主要都係係洋樓裡面D單位劏 (有lift, 得8-9層個種)
佢地有facebook page, 不過唔知post唔post得
利申: 同經營者無任何關係
唔得㗎，你俾keywords樓主自己search⋯
homey 空格serviced空格apartment
5K樓下好多都係唐樓，我有去過屋企附近既唐樓睇過
其實環境都OK，不過全部都冇得拉線上網
因為我係在家工作，對上網速度同穩定性都有幾高要求
所以我都仲搵緊個兩全其美既方法
不過都多謝你既建議～！
你budget 幾多？服務式住宅可能真係貴咗啲，平嘅地點又可能唔係太方便。但你一個女仔唔好住劏房，都唔平，你可以考慮吓類似牛頭角得寶花園嗰D舊式大型屋苑，有超細單位，大約萬鬆D都租到
唔拉線啦，用手機無限plan就得，打機都夠用
感謝你，我研究下～！
我既budget都幾低，驚講出黎你地覺得太異想天開 
我想6千蚊包倒水電同上網費，少少意思俾返3000蚊家用
一個月ｔｏｔａｌ洗費想12000左右，都仲可以儲倒8000幾9000蚊
其他傢俱係one off 費用,我都負擔倒