公園仔買野搭車都方便 不過好多廢老係果度聚集 周六周日亦都好多人 衛生一般 近太和果邊好似唔錯
多謝提醒～！
我唔洗搭車架，我起屋企做野
一個禮拜只係出一次街，不過搬左出去就可能要多D返屋企…
我份人唔太鍾意出去，所以我都預自己日常三餐會起屋企煮
我就見d人post 出黎寫全包，都唔知真假
不過如果我去租劏房，租5000蚊左右，應該電費同上網費加埋唔超過6000既 
thanks，咁我再留意下 
放心，老母當年都係咁講!天下老母語錄一大抄!你掩耳聽唔到，靜雞行出去就得！
如果連行出去勇氣都無，要上嚟問，咁就預左陪住一世
1個讚
搬!!
同屋企人住同自己住完全係兩回事～
要自己揸主意 唔好俾任何人情緒勒索自己～
我由中學開始就已經半搬出去咁
之後出去讀書就完全無再反屋企住過～
真係搬出嚟就唔會再一齊住得返～
1個讚
強烈建議你搬出去 聽你咁講你都係一個上進同勤力既人 搬左出去會令你做野更efficent同埋會有多好多時間去explore同增值你自己
但以你而家依個人工的確會難d搵盤 仲要比家用
有無諗過租住酒店先？由其最近d酒店好平 分分鐘平過月租 有少部份可能仲有廚房添 又唔洗買家私 果度都係一筆開支 又可以試下自己一個人同埋試探下自己中意邊區
同屋企人亦有個交代話租左地方在家工作咁 最多話上司炸型話你屋企唔夠productive囉
慢慢佢地就會習慣架喇 跟住你又可以慢慢物色岩心水既地方搬
2個讚
咁多人迫埋一齊係幾煩 能力ok就搬啦
先搬出去，幾細都好起碼有個竇，八十呎都係自己空間丫
慢慢變大改善生活環境
路係人行出嚟嘅
我初初買樓都係好細單位兩公婆住，而家住緊三房，向住套房/村屋/買多個進發(不過又考慮社會環境唔會住)
1個讚
支持你搬!!你呀媽真係痴線,我同你差唔多大,我結婚搬走好耐啦!30幾歲都唔搬得?
2個讚
樓主搬咗出去未？3x歲又單身真係好需要私人空間
搬啦，咁大個人，唔通陪佢成世咩
1個讚
情緒綁架係好煩。
比佢試下乜嘢係真不孝就知道
1個讚
搬左又唔代表唔聯絡
多謝各位既意見，同男朋友傾多左一次
佢明白我好想搬出去，但又唔想我一個人住劏房
所以佢話等多佢4個月，就同我一齊搬出去
之後我都同阿媽講多左，阿媽今次淡淡咁講左一句
慢慢搵，搵倒o岩先，唔洗咁急住搬架
咁我都當佢默許左，雖然唔可以馬上行動，不過就當呢個月可以計劃下，同陪多D佢 
多謝大家
16個讚
⋯⋯⋯⋯吾⋯⋯⋯⋯
搬
樓主加油呀！一年前我都係因為WFH搬左出黎住，搬出黎之前日日只有困住係房，真係人都癲，搬左出黎開心左好多。
不過我無你咁好彩，我阿爸仲嬲緊我自把自為搬出黎住 
搬出去啦、我十幾年前都係就咁膽粗粗揾屋就搬左出嚟、自己一個生活質素係差好遠。
果陣我慣左早訓早起、但我父母已經冇做野、晚晚成點仲大大聲開住電視鬧交、我朝早五點幾起身去刷牙洗面、又話我有得訓唔訓折墮、搬左出去、我覺得放監咁。
1個讚
搬啦, 相見好, 人大有自己空間, 得閒叫朋友上來玩上來坐, 成個生活都唔同晒
係時候要改變
搬啦, 反而搬左關係會好d