笑左
我做法同你一樣, 無特別限制睇電視呢件事, 佢慣咗其實無嘢, 無興趣嘅內容會自己去玩玩具或睇書, 眼瞓仲會叫我地熄電視, 小朋友嘅嘢, 有時真係你越禁止佢越想做
同埋睇咩內容都好重要, 我仔(22m)係唔鍾意睇卡通, 淨係鍾意睇實物, e.g. 風景, 動物, 交通工具, 所以我地成日開national geographic或者youtube揀番類似題材, 疫情下出唔到街嘅時候, 都學到好多嘢
當然凡事唔可以過量, 我地都經常帶小朋友去郊外, 行山/睇海 balance番
4個讚
我想問邊度有National Geographic 可以買？
書的話，又一城log on隔離有間書店，行到最入有。
睇過，覺得嗰啲太易，有冇官網嗰啲適合大人睇嘅賣？（我係中學生，細嗰啲我中意嘅已經睇完）
我見過銅鑼灣誠品有，今日我睇一本由古至今有關鬼怪外星人嘅傳說。
你去睇下啱唔啱。
唔該，最近睇完呢本
，如果你唔係同我一樣睇咗好多，可以係 Epic! 睇，9.99美金。
1個讚
仲有圖書館ebook都可以睇！
1個讚
我本身nowtv有pack入面包咗national geographic
可以直接從官網訂, 應該係最平
郵寄到港 但最少訂一年
National geographic
https://ngmintlsubs.nationalgeographic.co.uk/Checkout/SingleItem/Checkout
youtube只係一個平台，視乎用家點用，可以好大分別個喎
俾部手提電話由佢自選、冇時限，當然有問題！
YouTube可以經電視播、可以由家長揀節目，材料亦好廣，由幼兒唱歌、到kids science、小學補習社提供免費資源、etv等等等等。
真係要睇你點用，而且唔係得YouTube，Netflix都有好多兒童節目，感覺安全d，但內容就冇YouTube咁廣泛。
4個讚
National Geographic 圖書館有，可以經web或apps先預約。
買可以望吓hktv mall，之前見過。
另外I wonder why都係幾有趣味嘅圖書，同樣都係可借亦有得賣。
agree
我小朋友由幾個月到而家二年級，正正係咁。
睇YouTube或Netflix會用電視播，其實睇到咁上下，會去玩吓玩具，亦會摷書睇，佢會自己調節。我地多數隔星期去圖書館借還，keep到有新書俾佢去「摷」。大部分我揀書，少部分由佢揀，始終我會識搵啱佢程度，而亦留機會俾佢學吓點搵一本想睇又啱睇嘅書。
我地都多行山，3歲開始行，而且佢跑慣，真係會鍾意空間感大嘅郊外，佢係對行商場買玩具呢d興趣麻麻地
4個讚
我都有比錢睇Epic, 但我睇得多過我小朋友
好同意。
我覺得睇電話睇youtube最大問題係、呢傢小朋友見到鍾意嘅野、可以無限loop 無限 loop、如果唔控制係可以由朝loop到晚
2個讚
認真問，有咩問題？
我小朋友有時鐘意一個故事，都可以叫我日講夜講講兩個禮拜。
但我覺得佢每一次都慢慢吸收緊。
1個讚
會唔會因為youtube呀電話電視呢啲對腦黎講係刺激啲，睇過之後返唔到轉頭，就覺得唔睇電視好悶，玩玩具好悶？
真人講故事又唔同對住電話電視
小朋友全日對住部電視、個眼同腦不停望住住個閃下閃下嘅畫面（肉眼睇唔到、但其實啲畫面係用好快嘅速到閃緊）、小朋友腦仔慣咗勁嘅刺激、到你要佢坐定定睇書同寫字、佢會集中唔到。
小朋友一日花左咁長時間坐定定、會少咗運動、少咗同人接觸、又或者佢覺得電子節目比同人交往有趣、個腦受嘅刺激種類少左、影響發展。
我覺得無限loop最大唔好處係影響自制能力、如果係電視節目做完、我幾想睇都冇得再睇、或者要等聽日先可以睇第二集、但youtube就令小朋友冇左要「等」嘅經驗。
3個讚