否則電子嘢點會稱為電子奶嘴呢⋯⋯
奶嘴要戒，即係唔係好嘢啦
我小朋友無用過奶嘴㗎，少一樣嘢要戒都好呀
其實係睇家長肯唔肯自己辛苦d
2個讚
同我仔一樣，我屋企仲要日間無工人係長輩湊，佢d廣東話都係半桶水 
我女而家同你細個一樣 
我仔掉轉，佢平日有電子產品放題，其他同學每日得一個鐘，果日喺同學屋企其他人一齊堆喺ipad玩minecraft，佢居然去玩玩具…可能因為平時都有，佢唔稀罕～
1個讚
我都無買過呢d卡呀,應該係用圖像/故事記憶力訓練果類掛~
同意。
我朋友成日話唔畀電話個女，個女就會發癲，但佢冇檢討自己係電話不離手，小朋友見到大人咁當然會有樣學樣。
回想返我仔出世時電子嘢仲未咁普遍，當時我係帶好多嘢出街以防佢悶搞搞震。
可能我仔比較文靜，中意自己玩或者睇書。
我以前就係俾人批我"多才多藝,但樣樣不精" 咁都有好有唔好既,唔好既就係無樣野可以叻到拎獎,好既就係學校有咩要湊人數去比賽,都會搵我,校園生活好多回憶,但係個人一定要唔介意去陪跑~
1個讚
我之前都有排心掛掛成日拎電話、現在回歸原始聽收音機、小朋友都聽埋一份
3個讚
我以前比較抗拒，兩個小朋友幾乎零screen time,到我大女5歲時老公帶佢去舊同學聚會，其他小朋友坐定定打機，得佢一個連手掣都唔識用，發現咩都唔識其實都會影響社交，就開始間唔中俾佢去朋友屋企打吓機。
有時佢返學聽同學講完啲卡通片，如果佢都想睇吓，我都會喺YouTube搵，陪住佢睇一節。weekend無出街的話會喺Netflix搵啲嘢俾佢哋睇吓，好彩我兩個小朋友都唔沉迷，熄電視多數係佢哋自己熄
眼見唔少人真係依賴YouTube嚟湊小朋友，但個個家庭環境唔一樣，好難一概而論
1個讚
其實我覺得唔係内容問題、而係youtube Netflix 係可以無限loop 無限loop小朋友鍾意睇嘅野。你唔控佢根本唔會停、呢樣先係最唔好。
我見有人就係咁、肺炎假期開始、一屋三個小朋友全日打機睇pad, 訓喺床到上zoom, 坐月都郁得多過佢地、呢一年、個個肥左一倍。
如果父母有好好培養就唔係呢回事
出黎社會前，原生家庭影響好大
2個讚
因為比咗就難收
我小朋友無玩過我電話，就算比佢佢都比返我
我覺得未必關文靜事
我仔都係坐得定嗰d，但一同其他小朋友去玩運動嘢，平時坐唔定嗰d小朋友繼續係分心唔聽教練講，自己去玩、走東走西，我仔就由頭學/玩到尾
我覺得專注力夠就算係動/靜都可以表現好
另一個例子就係一個勁被谷嘅小朋友要勁補先有效果，老師教時又會好頭痛
專注力夠就大家都舒服d，可能幫埋家長慳埋荷包
1個讚
我仔同學一面zoom一面打機，隔離再加多部ipad睇片，完全冇王管。
絕大部份小朋友唔識亦唔會自律，唔提唔幫一把，懶慣就唔會勤力。
唔使咁極端，講到0到無限，我屋企有規定時間開電視，無電視睇時兩個會走去搵嘢玩。
亦唔係個個小朋友都因為YouTube 或一樣玩具就可以train 到個小朋友，個個都係獨立個體，就算我親生生兩個都好唔同，個個屋企都有佢嘅規矩、教法，大家只係互相分享。
1個讚
haha,好有畫面
好似比較少中文文章講訓練孩子忍受沉悶，search “benefits of boredom”, “let your kids get bored” 有好多育兒文章睇
5個讚
講得啱
所以同一時間，我都學識，唔好太在意人地點批評你。
1個讚
每件事都適可而止，均衡就好了。可以用電子產品，我同意要家長陪伴。
講下我自己，自2歲開始每天有20分鐘睇youtube，一起睇。讀K3先發現原來屋企部電視可以睇到卡通，屋企一直無遊戲機，電腦無遊戲apps。
但一到小學，老師就會比youtube link叫睇，做工作紙。又會比link玩數學遊戲，和看圖書。學習一定程度上電子化，好多學校用ipad上堂，唯有教小朋友要讓眼睛休息。
還有一件事我想講，不要把幼稚園老師的讚美看得太重，幼稚園老師的工作是讚小朋友，令他有自信，愛上學。相反老師如有小許提示，真的要認真處理
6個讚
其實有限制問題唔大
反而係唔限嘅話、就真係無限loop
電視都仲話套卡通會播完、但YouTube 真係可以全日睇完又睇、咁先最唔好。
2個讚