我有個親戚，為左令個仔(20個月)唔好成日痴住自己，一日到黑都開住個youtube俾佢睇。
我係準媽媽，覺得佢咁做好似唔太妥，當然自己未湊過小朋友又好難評論對方。唔知呢個年代有冇人係完全唔播俾小朋友睇? 有睇既話對於年齡同時間上又有咩條件? 想睇下大家既做法參考下。
1個讚
Youtube太多廣告、太多惡搞片
我啲細路仔細時已有youtube.但我都係買dvd、播Disney channel俾細路睇。無無謂廣告（而家youtube 廣告係講普通話打打殺殺嘅手機遊戲廣告）
我有開YouTube 比bb睇，
朝早起身做家務，食早餐。
佢飲完奶，換咗片。
睇一陣。
佢攰得滯訓左就關左佢。
幾大？
差唔多11個月，
疫情唔敢帶佢落街。
你全職照顧？都係嗰句，玩下玩具，聽歌（唔係播住睇）比較好。其實戴有透明膠嗰啲帽都可以落街，平日上午去下睇花草樹木、睇吓車，都無問題呀。
4個讚
其實都係由細培養，佢細個慣左冇，之後都唔會扭，但俾左一次，就會有第二次。我係3歲開始失守，但唔會成日俾，小朋友知道就唔會成日扭。只係出去食飯時先有，因為大人出去食飯有時都想透透傾下計，但盡量睇教育性，唔會亂播
但有時見bb行街都睇，但覺得真係over左
未有疫情我都唔比小朋友睇youtube ，但疫情停課又長期係屋企就比睇！但我覺得大人都要知道小朋友睇緊咩，唔可以淨開YouTube乜都唔理！
試過有一次我女睇peppa pig，但個樣好怪好惡我立即媳電視！小朋友真係唔知咩嚟，真係要小心，之後仲要解釋比佢哋聽咩事！
2個讚
我啲細路仔以前睇過惡搞片，有啲片係卡通鴨唱歌第一二三集，第四集係被惡搞，鴨仔攞住刀斬人
我會比我仔食完飯先睇youtube
睇半個鐘停半個鐘
有時佢睇到悶話唔睇
我兩個小朋友bb時無比佢地睇因為好多專家話唔好，而我朋友兩父母就見佢地帶bb出街食飯怕佢悶會開住，佢小朋友而家已經讀小學又唔覺有乜影響佢學習或同人溝通，不過就好細個已經帶眼鏡囉
2個讚
好悪佈
其實我最擔心係太細個會接觸到不良資訊同無謂嘅廣告
1個讚
囡 28 months，我 ftm，零 screen time，屋企無電視。
去朋友屋企，想靜靜傾下計，朋友開youtube 俾佢個囡睇 (同我囡差不多大)，我囡睇咗五分鐘就唔睇，我兩公婆係咁叫佢睇耐啲，佢睬我哋都傻
3個讚
應該係elsagate嗰類嘢（可以上網search elsagate了解下）
答返樓主，我覺得要睇下睇乜，同要有規定咁去睇。
我以前都好抗拒，不過有次聽個talk，講者提到，其實電子嘢真係大趨勢嚟，無得避，睇你點去運用佢，如果你用得好，都會有得著。
3個讚
屋企無電視，0screen time, 疫情後都堅持，所以好抗拒學校zoom 同e-learning,好唔想開電腦比佢地，但最後都要開，會一齊睇，當visual aids咁去一邊播一邊教小朋友而唔係直接play比佢地自己睇，咁同spoon fed無分別。
小朋友唯一可接觸到電視同youtube係長輩屋企，咁就無辦法避同阻止。
6個讚
我無咩所謂，ftm好困身，有時比小朋友睇少少片換返自己少少時間都不為過，不過我自己就盡量唔會喺公眾場所咁做，比人睇到好醜怪
3個讚
我哋兩公婆唔比手機小朋友睇YouTube, 有時會喺電視開YouTube 一齊睇一、兩首歌(唔會比佢自己一個人睇，驚睇到奇怪嘅片)，所以佢一直覺得YouTube 喺係電視睇，會叫我們開始電視睇
YouTube 
我覺得好難完全唔睇，但絕對唔可以比小朋友自己一個用手機或pad 睇。
2個讚
係，我99好鐘意喺電視開YouTube比個孫睇，佢聽啲3姑6婆講，話睇YouTube 學英文快，叫極99唔好比個孫睇咁多都係要開
我親戚係由佢個仔11個月左右係電視無時無刻播youtube俾佢睇