今日買珍珠奶茶等緊果時見到有對父子係隔離鋪頭行過。我諗個仔大概4-5年班，佢係櫥窗度見到鬼滅既figure，佢好興奮咁同佢老豆講，嘩！係鬼滅呀！跟住佢老豆停左兩秒，然後話，我唔知咩黎喎。然後個仔又停兩秒，話，我都有呢隻呀！最後佢老豆行走左，個仔就跟住佢走左。
我果刻突然好驚我仔女大個左呢D事會發生係我身上。我以前成日上網睇雜誌，睇日劇睇動漫，只有我知人地唔知。但係早三四年開始我真係睇少左好多呢D野，再加上而家有對仔女咁細更加無時間睇。我慶幸我仲知咩係鬼滅，但係都只係知個名同埋D好皮毛既野。我好驚有一日我脫節脫到同佢地溝通唔到。
你地有無呢D問題？
阿女而家高小，暫未出現。
好采佢同我都唔好鬼滅
有
佢講 d 英文唔係好明
我覺得唔好還唔好，講到果時都唔好唔知係咩。 
我應該會好灰。。。
你小朋友native英文定咩？
呢個算唔算代溝？我都唔知，我唔明我應該會叫返佢地講中文。
好貼我唔敢講，但一定冇代溝，因為我就算唔喜好、但都會日日留意下D 新鮮事、佢睇乜我又問下。
阿女高中15 歲
唔明嘅嘢，我多數會自己去查下、甚至直接問。
我女喜好太雜，中又有、日韓又有、歐洲都開始有，所以唔明我覺得正常，但做家長可以主動問吓
我同我公司啲20歲小妹妹一啲代溝都冇，我地乜都傾，動漫cosplay打機韓劇連登化妝品男人，但返到屋企個女並唔樂意同我傾呢啲
我唔知係咪代溝，但其實我哋都唔care，人同人夾唔夾要講緣份，唔啱傾咪講少2句，我哋互相知道愛對方就ok啦。
我鍾意玩（打機）同學好多野，日日都睇維基百科，所以應該都唔會出現鴻溝。
我屋企就係出現鴻溝情況，阿爸以前世界只有返工放工同投資，對其他野完全冇興趣冇認知，名作家/作品唔知冇興趣，電影、科技冇興趣，更莫論多拉 A 夢嗰啲。我細時唯一能夠同佢哋 “有 connection” 就係投資，咁所以日日都望住股市，問乜係熊市牛市 A 股 B 股 H 股藍籌紅籌孖展，然後問點睇局勢發展。阿媽就典型煮飯婆，咁所以我只能夠問煮飯煲湯，學認梅頭西施嗰啲。呢點令我意識到我要不斷去「增廣見聞」，我唔一定要深入但我要知。兩老話我痴線乜年紀都傾到計，連讀幼稚園都鍾意同我傾，我就不知幾開心，乜都講 
有，我小朋友4歲多，佢聽既歌，我完全唔知邊個唱，仲要叫我唱。
係動畫玩具模型我應該都ok既，我仲不停考我小朋友呢隻咩黎，佢又考番我，但game既話如果我無玩過又唔玩佢講既game溝通上其實都會有gap。
我真心唔識而家d明星
有d都只係聽過下
鬼滅紅到咁都唔知？？
天竺鼠車車都要識埋
其實有代溝係必然, 個仔咁細, 個老豆已經無咩興趣同佢溝通了解佢嘅喜好, 過多兩年青春期只會越走越遠
都係，最少我地知係咩
似個老豆冇興趣多d，
我又覺得好睇父母性格，我就比較八卦，乜都想知，
暫時仲跟得上～
唔知唔出奇！
但可以聽下啲細路講，問多兩句！表現下想了解、想溝通！
樓主講個位爸爸好似唔care咁，所以對話就咁就完結左！
佢地會玩 twitter 同打機。
每代都有新語言
我會盡量跟佢哋個節奏，學佢哋嘅語言，希望將個代溝減少d囉
有代溝係必然，最重要係父母態度，
個爸爸最主要比人感覺佢唔想理，個仔遇多幾次都咁的話，自然冇癮，自然減少同爸爸講野。
我記得細個時我睇叮噹，我阿媽會陪我一齊睇，一齊笑下大雄，
我阿爸又會陪我睇足球小將，
最重要係有互動，
個爸爸唔識唔緊要，咪問下啦，鬼滅係咩嚟架？點解佢可以咁咁咁嘅？
有代溝，就係我好鍾意日本動漫同日本game，例如進擊巨人，fate grand order，vtuber…
但小朋友完全唔識，剩係睇我唔識既美國動畫同埋美國game美國youtuber
Minecraft, robolox…
所以大家無謂追，我地覺得好潮既野，係佢地心中都係老土
有，成日聽d我唔識既英文快歌，我播廣東歌佢會話好老土