我 d 細路之前都係咁，裝左 Netflix 就成日睇動漫
扮唔識咋
我會打聽下佢地講咩玩咩同做咩, 但冇主動減少代溝. 順其自然.
但有兩個小朋友, 會方便打聽, 從而減少左一部份代溝.
1個讚
我屋企幾特別，老公帶阿仔睇我哋年代嘅入樽，幽遊白書，佢都好鐘意。
我d細路主動睇我細個d漫畫, 佢地覺得好睇過而+個d.
我儲埋左好多漫畫書
代溝係必然, 唔好講話仔女, 差幾歲紅既野都唔同。
不過上一輩唔識我地既野通常都講得比較負面, 我希望自己可以尊重新一代
1個讚
每個年代都有唔同嘅潮語丶流行既野。如果阿女有興趣會盡量去了解，純粹係希望keep住有話題。大大下未必肯講甘多，唔岩傾直情啋你都儍。
係 ga，所以順其自然算
同意，好似我老豆咁，我哋聽親歌就話d 歌星唔識唱歌、d 曲唔好聽、詞又填得唔靚，好Q煩。
雖然我都唔識依家新一代歌手，但提醒唔好好似佢咁。
3個讚
依D 真係堅煩,
佢地鐘意陳伯強個陣,
再老一輩咪一樣覺得唱大戲先叫識唱歌 
唔鐘意唔需要批評。
代溝唔多唔少點都會有啲嘅，始終真係唔同年代。
遇啱唔識咪問下囉，當傾計咁，都唔錯呀，又可以學下嘢 
1個讚
我一個高中一個初中, 2個都冇代溝, 韓劇陸劇, 美劇, 韓星韓團, 陸星, 綜合節目, utuber, 打game, BL動漫, 都可以同佢地吹到水
1個讚
睇黎有d人話無，有d人話點都有d。
希望我可以做到無啦。
當我以為用交友app識另一半好緊貼時勢
有00後早婚妹妹話我知佢5年前用直播app識老公
佢教我個app可以一班人show樣/黑mon傾計
我理解為clubhouse mix zoom咁唔知岩唔岩
果下真係覺得有d代溝🥲黑mon依d新term真係唔識
呢個真係聽過都唔會想試或者比d仔女試。
應該呢個先係真係代溝問題所在，你識都唔想比仔女掂，因為表受唔到。
等如我地父母都接受唔到我地依個年代用交友app/打機識朋友同另一半
1個讚
啱啱先見到四年級侄仔、玩動森
喺Twitter 揾個外國人去佢個島高價賣大頭菜（好似四佰幾蚊一棵）、佢喺佢個島放返低啲星星碎片同錢比對方。
我真心覺得佢好勁。
我侄女啱啱先拎走我成套美少女戰士
佢話呢套最好睇
1個讚
我估一定會有代溝
因為年紀差得遠，大家鐘意嘅嘢唔會一樣
但有代溝唔代表唔去溝通
樓主事件中個爸爸係完全無嘗試無興趣去了解個小朋友
唔好講同子女會有溝通問題，對住自己老婆用呢種態度去相處，婚姻都會凍過水
2個讚
老實, 我80s, 同d 90s同事都有代溝啦.
有代溝係正常, 只要大家溝通到同肯溝通, 互相尊重就得
1個讚