因為小朋友好想養貓，所以想先做好資料搜集。請問有養開貓嘅各位，你地養嘅貓係喺愛護動物協會領養定喺寵物店買㗎? 每個月養貓嘅洗費喺多少(當然我知道豐儉由人)?可唔可以有個大約各項洗費 breakdown 呢？
緊係領養啦
1個讚
貓BB時，
喺街執返嚟㗎！
當時朋友貓仔生咗幾隻貓B
我地就去揀咗而家屋企呢隻貓貓
係香港群貓會領養，setup錢大概2500蚊(包括貓籠、貓砂盤、水兜糧兜、床、指甲剪、貓抓板、打針，絶育)，日常基本開資(包括貓砂、貓糧、滴頸、小食)，徐開一個月大概300蚊
領養。
我隻貓係朋友俾個時1歲。養左八年，三年前走左
初養貓
窗一定一定要有防蚊網（或格仔網）防止貓貓跳樓。
貓袋（$100+
貓砂盆（$100-$600+
貓砂我個時用木砂$100+/包
貓爪板（$100左右
水兜糧兜（屋企碗仔到$200專用兜都買過
貓梳 （幾十蚊普通梳毛梳到二百幾蚊專用貓梳
指甲鉗
每個月主要係買糧同貓砂
真係要睇下貓貓最後食咩牌字既糧
我隻貓個時濕糧$300
乾糧$2-300左右
零食$100左右
貓爪板係消耗品大概一兩個月要買新
洗耳水（初養有買，後期無再買
普通港短我無同佢沖涼（無買沖涼用品
簡唔中買下貓玩具貓棒貓草
2個讚
香港短毛貓
唔該哂各位! 我細佬琴日上網睇過話養一隻貓每個月基本開支要 $2500，嚇窒咗佢! 因為成屋人要佢養，佢嘅開支都好大，仲要比多 $2500， 佢諗應該計唔掂數! 
而家聽你地咁講，都放心哂!
2500平養個人都唔洗啦
你買百佳牌貓糧貓砂，都唔洗100蚊。
不過當然養得就養好啲啦。
一般日用開支500-1000好夠㗎了
第一隻係買, 之後禁多隻都係響愛協領養,
我會話… 養貓洗費, 一D都唔係豐儉由人… 貓唔同狗, 貓既忍耐力好高, 有時佢有問題, 你未必會馬上發現到, 到發現到既時候, 可能已經好嚴重.
所以, 我日常對貓既飲食都盡量做好D… 食好D, 訓好D, 病痛都少D.
平平地既貓砂一個月一包, HKD25.
貓糧: 副食濕糧HKD10 一罐, 一日一罐, 乾糧HKD200/1.5g 約1個月一包, 仲有濕水份小食, $25/4條, 每日1條…
每年打針又幾百.
如果生病咁…條數就好COME 計… 我試過, 由病到好返…過萬~
開初領養, 打針, 絕育, 買貓床, 整貓網窗, 買流動水機, 買出街貓箱, 買適應用貓籠…咁呢到都要3000左右.
水份… 對於貓…係好重要, 但貓偏偏唔鐘意飲水, 所以呢一環好花功夫.
如果… 要養得好, 食生肉糧/好貴既所謂天然糧… 再買埋保險… 我諗…2500差不多…
我有睇過寵物保險，但千幾二千一個月太貴啦
我都有睇過, 不過我D貓都係中年貓, 所以已經無考慮…
但的確貓貓一病, 就要驗血先知, 一驗血先唔見2000… 都未計佢係咩病…
佢係咪每個月出去沖涼梳洗？
我覺得愛貓又無小朋友，可以放好多錢係貓貓身上。
呢個真係令我卻步唔敢再養貓，自己身體唔好每個月都要花一筆錢係自己身上。
再養萬一貓貓又有病，真係負擔唔起。
但我小朋友又係話好想養貓。
我都唔知呀！因為我自己一個月都用唔到 $2500 衫都係一年先買一次，鞋著到蝕哂底先買!
琴日我睇到fb 有個 post , 有兩隻貓應該以前喺比貓場專做配種嘅，而家年紀大咗比人領養，但佢地身體唔好要做手術，兩隻總共要成一萬蚊，最後要喺 fb 眾籌手術費，其實如果我係主人我都唔知點算?!
貓唔需要沖涼…唔好要D貓受苦, 除非你發現貓貓好鐘意水.
貓自己既清潔能力好強~ 唔洗擔佢DIRTY
如果係執返黎養, 咁就第1次要買D 去到 “失” 既, 貓專用既返黎幫佢沖1次, 就1次禁多~
養左, 無得棄養, 所以, 幾貴我都比~ 借返黎都要~ 鬼叫自己決定左養~
我第1隻貓2歲時唔小心中毒, 要24小時照顧幫佢吊水… BLOOD TEST, 醫藥費, 真係過萬…仲要我擔心到食唔安訓唔到, 要請假照顧佢…
到佢15歲老喇, 有第3期腎病…唔肯食, 又要計住佢飲幾多水…要1日4餐PUMP佢灌食…洗費一個月開支3000走唔甩… 到最後佢差到情況好差… 我再送走佢…大家都有一個解脫
我仲有1隻貓… 我已經唔想再養… 因為貓…8成老年都係因為腎病…長期病患… 人貓都好痛苦… 錢事少, 擔心傷心…照顧…都好痛苦… 最慘貓唔識講野, 佢亦未必會表現痛苦比你睇…
我亦執過一隻貓養到4歲… 先天問題要送走佢…錢唔洗得多, 因為無得醫, 但好傷心…
我真係好怕再咁樣傷心…
2個讚
所以養貓前真係要諗真諗楚，我都有同我小朋友講養貓責任好大。
我自己過來人經過，俾定個心理準備你，我未養貓前睇好多post，要準備咩，食咩糧，邊間獸醫診所好等等…
到有一隻貓，原來貓係夜行動物，佢地夜晚會比較活躍會係屋企周圍跑周圍跳，晨咁早喵你俾糧，如果唔習慣就要時間去適應。
你要預佢會係屋企周圍爪，個時我已經有塊板教佢係塊板爪，加上貓貓性格好好佢無係屋企亂爪。
貓貓唔知咩原因突然唔去砂盆去廁所周圍痾，貓貓最易係患尿道問題如果佢飲水唔好少飲水，貓公比較煩因為佢jj 個窿細好易痾唔出尿，一見佢磨pat就要立即睇醫生。
貓貓會吐毛或食得急會吐番晒所有食物，要留心佢反應，如果唔係佢會係你張床或係某一角吐左一pat野。
同埋要準備一個痴毛轆痴走自己身上衣服床單既毛，貓貓係春夏甩好多毛要勤梳毛。
其實習慣左同貓貓生活，係好開心既事。
P.S要留定一舊錢突然要睇獸醫用。
1個讚