係。 
年輕後生嘅貓幾乎冇乜使費，罐罐就算每日一罐都唔會好貴
到老就多醫藥費
我覺得人生有咗貓先係幸福嘅開始，好誇張 
4個讚
我好掛住我隻貓陪我瞓覺。
2個讚
樓主，我自己嘅睇法係養貓比養狗平好多，但你比優質生活佢嘅話佢會長壽同健康，你一家人都會幸福美滿
我老公成日話我養貓開心過嫁比佢 
咁誇張! 
因為由細到大我地屋企人未正式真係養過小動物，當然細個有喺街市買過小雞，烏龜同金魚果啲嚟養，最終當然全軍覆沒，沒有生還者…… (曾經工人姐姐叫我地唔好再養烏龜…… 佢無諗過烏龜都養得死
佢叫我地積褔咼! 
) 所以當小朋友想養貓，我真係好擔心，驚養死佢……唉！
首先你要知道我係一個動物痴，我對人類冇興趣(靚仔除外)，我連蛇蝎蜴青蛙都覺得得意 (不過我好怕老鼠)
咁當然貓狗係大愛啦 
小朋友時養動物係唔計既，因為細個乜都唔識，而家你係大人，一定有能力照顧到
養貓開始好簡單，最重要係窗網，其餘你去啲養貓谷呀網站呀問領養嗰度一定有人教你，問我都得
當你成為一為貓奴，你既生活就會圍繞住貓，你就會明白養貓幾咁幸福 
我同你相反呀！其實喺呢刻我對所有動物都無興趣呀！ 我基本上喺得食同瞓呀！不過，如果最後真係養到貓，我地屋企人都絕對會對生命負責任嘅! 好期待同好懷疑，究竟會唔會成為貓奴!
會！哈哈哈
大部份抗拒既人最後都會被貓收服，無一倖免
我就自願既
Fixed cost: 貓箱, 貓樹, 窗網, 貓砂盤, 水機, 糧兜
Variable cost: 貓糧, 貓砂, 醫藥費, 去旅行時搵人幫手湊/ 住貓酒店費用
我3歲仔仔會每日幫手餵貓, 清貓砂盤, 好錫兩個貓家姐, 之前剛剛都有一隻貓走咗, 我哋都以此為個機會同仔仔做生死教育。。。 所以我覺得有小朋友養貓其實有好多正面影響
同埋有研究指出, 摸貓貓可以令我哋嘅壓力指數減低
所以養貓其實對我哋自己嘅健康都好有好處架!
3個讚
請問點解貓唔洗沖涼嘅? 係咪即係基本上唔濕得水?
咁又係喎，我養貓十幾年真係冇乜病痛，雖然我依然係虧底
1個讚
我好耐以前養過一隻短毛貓，佢基本上唔識自己清潔，我地又諗住佢短毛唔洗沖涼，到佢2歲左右拎去做絕育時，俾獸醫話點解唔幫佢沖涼，話佢粒蛋蛋好污糟
其他貓就唔知了。
要貓貓唔抗拒洗白白要由細細個開始同佢沖涼。
而且貓貓半年或1年一次沖涼就夠，主要都係唧下肛門腺。
唔沖涼就勤梳毛尤其長毛貓夏天仲要同佢剷毛。
我以前隻貓無同佢沖過涼有浸貓除好好聞，聞一聞簡直心鄺神怡。
短毛貓唔需要沖，佢哋條脷有刺會舔乾淨，長毛就要
如果好想乾淨啲可以買啲乾嘅沖涼泡同佢沖涼，不過我主子實 fe 死我，我唔搏
我都係新手養貓，兩隻半歲女，開頭使費好多人都留左唔留啦…平日就食既糧一包350左右，夾罐食應該食到一個月，罐就2－3日一罐，因為好怕佢地口臭費事比咁多濕糧佢地食，佢地好難開口俾人刷牙…買下潔齒小食80幾蚊應該食到2，3個月，貓砂一包100蚊，大約3個月用2包，2隻貓平均每個月5－600蚊左右啦。好彩佢地都肯飲水嘅。
新手一次過養兩隻咁勁! 咁你喺領養定買㗎?
通常領養都會要你拎兩隻，我嗰時一拎兩隻四個月bb
我係愛協領養架，所以要領養佢地就一定要一對，好彩佢地好乖好乖，係開頭百厭d，而家諗返養兩隻好呀，佢地可以自己玩，就算我WFH都唔係無時無刻同到佢地玩架嘛，諗諗下養一隻都會覺得佢地悶
主要都係醫療費要儲定一筆比佢
其他使費好閒
Btw 領養領養領養
買係超易買到病貓，寵物店直頭係中伏熱點。
我朋友去所謂自家繁殖買，一返黎都係病 但好彩唔係大病
2個讚