我知道有好多人問過呢個問題
但呢幾日我真係諗到頭都爆埋
救世軍收左N班
太和宣道會收左讀K1
小女2018年12月出世
我有兩個小朋友: 一個適齡中B開始讀N班，要睇實成積先可以keep 住中下遊，而家讀緊Band2 中學要繼續睇實繼續中下遊。另一個11月細B，N班下學期開始讀，完全唔洗理佢，而家band1 中學中遊水平。
結論係睇小朋友資質及個性。
1個讚
謝謝你既分析
我都知道要睇資質同個性
我自己睇到我個小朋友個個性係可以去讀K1既
資質暫時仲未知道所以好怕做錯決定
先做細B，如果跟唔上就留班，跟得上唔使理…
2個讚
女仔做細b OK
因為發展比男仔快
其實睇小朋友個別發展，有啲12月B講嘢好叻，有啲1月大B咪一樣吽吽吓
小女發展正正常常 冇話特別叻
做細b啦，其實如果父母跟緊啲，唔會差好遠的，太和宣道會都唔錯架！
太和宣道會老師幾有愛心，如果做細b應該唔怕追唔上
如果12月係男仔，我會揀做大B，除左學業成績，其實更需要睇佢社交技巧及大小肌肉既發展。1月同12月出世，真係爭好遠。
我揀大B，明明大啲對各方面都著數啲。
呢啲好睇小朋友自身，不過肯定就係如果你有擺心機去培養，到讀小一嗰陣差別已經大幅度收窄，到小二就已經唔會再有大細 B 差別，有嘅話，一係就大 B 自己天資好好，一係就細 B 自己發展緩慢左。
自己心儀邊間幼稚園就讀邊間，你揀得呢兩間都唔係話一心要考一等一直私，應該都係大埔區內學校/自行學校，到時候如果細 B 真係差啲，大不了 repeat。就算你要考直私，邊間都唔影響你，你可以照樣細 B 報，有靚 offer 咪上岸，冇咪超大 B 再考過，呢樣只有細 B 可以玩。
有樣真嘅就係，如果家長有心栽花（講緊係 N 班開始日日做），細 B 都可以好 fit。見到身邊例子，不論係大細 B，可以專心擺曬成副心機策劃嘅，幼稚園同小學表現都係頭一批。
1個讚
多謝你地既分析
已經幫左我好多
我會好好研究！
救世軍疫情既安排你會唔會理解下。好似最近先有zoom上。但之前只係powerpoint加聲音。我聽2個（唔係你區）讀過既都comment麻麻。
不過我以前見大b.多數都會係幼稚園或者升小一果個階段有著數。
我小朋友10月b，男。講野好。
未入k1之前，我已首先預佢如果唔得，先做大B repeat k1. 因為N學既野只是自理和基本嘅多。我寧願俾錢讀多年K1.
既然有學校收K1就試試。因為疫情，我估學校expectation都會降低。
我小朋友現在九龍塘私立幼稚園
做細b讀k1, 返學開心，跟得到。
不過，我地返學之前有俾心機教自理，手仔和知識。唔想佢覺得自己比人細。但男仔高大，都唔覺佢係細b. 小朋友自我感覺良好。
我覺得呢點好緊要，呢間學校老師好好！
叻仔！希望疫情快啲退，咁仔仔就可以真正開始校園群體生活。就算網絡幾發達都取代唔到返學嗰種感受同學習嘅效率。
父母唔講，小朋友就唔覺自己乜野。以前幼稚園同小學班上留班嘅有，1 月到 12 月都有，但冇一個小朋友或者父母會覺得因為係咁所以讀書會差/叻，而且考出黎嘅分數排名都完全同月份零關係，好多時候係細 B 讀書最好添！
咁所以父母唔需要整日凝住細 B 做唔到、吃虧，只需要記住我同小朋友一齊努力應付，問心無愧就得！細 B 真係做唔到，大不了 repeat 一年。另一方面諗，做細 B 係上天畀多個 option 你，畀多啲時間你去試，因為 8 月或以前出世就只有一次機會，冇得做超超大 B，唔得都要焗住升班派位。
1個讚
我會比個仔做超大B 因為想佢玩多年 將來有排佢讀
如果target名幼，建議做超大B報讀PN，好多名幼基本上係唔收8月以係既小朋友住，要等K1再試機會就少好多
我覺得可以讀K1先, 跟緊D。坦白講真係好多人走, 除非你target神校, 否則暫時唔覺得要做超大。
利申我仔19年11月
我仔都係2018年12月
已決定做大B
而家仲係單字都唔識講