我個女都係12月…仲要係近月尾… 當年佢讀緊N班時, 同你一樣15/16中, 但當時老師同我講, 女仔一般早熟,讀早一年唔係問題, 男仔就做大仔比較好… 所以我個女由細到大都係全級最細, 佢一路都無咩問題, 反而去到青春期(中學時代), 個個女仔都想認細, 有D女同學大咗一年反而唔想俾人知…
2個讚
其實睇好多因素，家長配合、小朋友資質…
以我個為例，9月尾B，當時好多同學大過佢，無讀N1，K1至小一我一直無咩點幫佢學術既野，一直落後於人，人不算聰明，小二覺得唔對路，開始跟佢學業，佢就追上來，中學在Band 1中讀，入到精英班，都要跟佢學業，今年入咗HKU讀year 1了。
5個讚
做细B有位走，就算追唔到留一年，都唔會比其他同學大好多，所以做细B，真是進可攻、退可守！
講番自己經驗，我個细路是超细B，咁多年都不只全班最细，而且是全级最细。
當年真是什麼都慢過別人，但我反而用细B這因素鼓勵佢，話「你比同學仔細，你做到的已很叻啦」，佢又真係好似幾受。結果差不多上到高小就差異不再明顯，到高中才全面發揮出來。
現在讀緊醫科，我覺得做细B不是問題，最緊要是……不斷支持鼓勵，尤其在低年级，要令孩子喜歡學習。
6個讚
係，父母鼓勵係好緊要。我仔10月頭出世，我老公有6呎，所以阿仔都生得高，叫呃得吓人，估唔到佢係細B。
19個月大起吱吱喳喳講嘢講唔停，佢好鐘意問嘢，乜都問「點解？」，我和我老公都唔會阻止佢問問題（雖然有時真係好煩
），幼稚園老師都話佢係屬於醒目嘅小朋友，鼓勵我哋要好好栽培佢。所以各位細B家長加油～
1個讚
其實名幼K既學額比名PN既多。
所以我小朋友做細B照考PN.
有咩PN讀PN. 最後揀間有K直上既PN.
然後。同一年考PN和K. 到時邊間收再睇小朋友讀邊間。
係辛苦。因為要訓練
但小朋友得一年機會。我哋都想試試谷。但要睇小朋友受唔受谷
小朋友開始大了。我覺得名唔名校好其次，只是大人按個金環啫，小朋友會覺得最緊要讀書開心
老師嚴唔嚴都好。佢哋都覺得自己老師最好人媽咪都無老師咁好希望快啲可以面授
我小朋友都係一樣好發問。好事
Agree no more. 真的要有心栽花。小朋友知道爸媽錫佢哋。 小朋友學野好快。記性好。唔好浪費時間
好勵志
我果個依家亦係乜都慢過人，又唔特別聰明，行為又bb，今年升小一我都預計worst case係留班
。如果小二追得返，我真係謝天謝地！
希望鼓勵到你！不過學業上真係要跟，我都一直有幫佢。
我個個到而家18歲，大學生，仍然好BB，夜晚都成日話要同我瞓
做大b定細b好睇小朋友能力, 留意小肌肉, 聽唔聽指令, 講野唔完整講BB話等等
大b 好處：幼稚園到小一小二係有明顯優勢, 講野叻, 學野快, 全班中較成熟, 如加上家庭培養, 考名小係有少少著數
大b壞處： 上到小學其實已經無明顯分別, 尤其小三以上, 如果本身生得高大, 特別女仔早發育, 高小至初中會同班中同學相處難免有啲監介, 要本身性格好, 平易近人, 咁就問題不大
到中學學校嘅水陸運會係分齡比賽嘅, 到時又係監介啦
但好處方面細b有可能一樣, 因為本身醒目, 父母自小栽培, 所以浪費一年做大b, 就不值得了
我2個已經係中學生, 多年留意到大細b分別, 而且中小學考全級頭10嘅往往都係細 b佔大多數, 大b都有嘅, 係同年大b, 超齡大 b冇見過