想問下有冇兒童嘅牙科醫生介紹？想帶小朋友去睇牙檢查，但又驚平時大人睇嘅牙醫會嚇親佢。謝謝。
睇過一個中環女兒童牙醫，冇耐心冇愛心，只想快快搞掂你做下一個。
反而之後轉去啲蚊型診所仲有耐性得多，天花板有Cartoon 睇，仲有大耳罩聽住音樂。
呢啲咁細心既位，呢個所謂兒科牙醫係冇囉。
1個讚
可唔可以pm我蚊型診所名？謝謝
唔好意思，太多年前唔記得啦，淨係記得係荃灣，女牙醫。
其實你都可以試左兒童牙科先，可能係我嗰次唔好彩啫。
見幾個醫生，都係同你講政府兒童牙醫最好。
我孩子幼時睇呢個. 很細心.
https://www.edr.hk/dentist/info/au-hung-on-adam
呢個係我當時shortlist的另一個. 最終無睇因要等太耐.
https://www.edr.hk/dentist/info/cheong-hung-lei-celine-a
有親戚讓孩子睇呢個. 說也不錯, 但醫務所有幾個醫生, 不知是那一個, 亦不知那個是否菲臘牙科醫院兒童齒科出身
https://www.edr.hk/dentist/info/lau-wai-sum-eilly
1個讚
我當年攞住政府個牙醫登記冊, 淨揀私人執業的兒童齒科的出來, 其實唔係好多個, 記得當中有個女醫生中環執業原來曾經菲律賓training, 唔會就係呢個嘛…
其實菲臘牙科出身私人執業兒童齒科醫生少到手指數得曬.
我就係睇呢個囉
，原來係金鐘
可能睇好唔好彩邊個醫生, 但這樣運作的診所難免帶點商業化.
唔緊要，我試下另一位jm講嘅醫生先
謝謝，我問下頭兩個先。
第三個我見過bk有人講，話約時指明搵佢，但最後就另一個醫生睇，睇到尾先入嚟講兩句
學童牙科保健嗰啲？
不過我小朋友未返學，所以諗住快手睇私家先。
係，學校童牙科保健。
私人執業既，如上面幾位講，太少，都係排好耐
呢個以前好好嫁
講緊7-8年前
之後好多人睇
質素下降 勁多投訴
我係13,4年前睇㗎，我女當時只係有啲唔合作，呢位兒童女牙醫全程唔耐煩，差到係掉低我地係房，衰語氣講你地氹掂佢先叫我啦，咁就走左去。
我女嗰時只係縮縮下，冇喊冇叫冇扭，亦唔係耐。
我好記得㗎因為嗰次堅嬲，我肯定冇冤枉佢，睇咁多個牙醫最衰係呢個。
佢令我堅持到咁多年只要我一見到網上面有人問兒童牙醫，我必定不厭其煩幫佢宣傳下
竟然係咁
不過我都唔意外你話佢冇耐性冇愛心
好多投訴佢嘅人都係呢啲原因
感覺上佢都闊佬懶理
佢依然都係咁耐book（疫情前）
陰功，你小朋友之後有冇對睇牙有陰影？
真係好衰喎，本身睇牙依件事大人都會驚，何況小朋友，搵得兒童齒科，我諗好多家長就係諗住會特別對小朋友有一手同有愛心啲添。
冇，因為太細了，應該唔記得，同埋之後睇既牙醫都好好
1個讚
好多人唔知佢啲好嘢，要多啲幫佢宣傳
報告下先：
本身縮合網上意見，我目標係九龍區同快期，咁就有三位醫生。
最想搵係張虹莉醫生，可惜打去電話長響無人聽，佢電話錄音叫人可以whatsapp，但send咗一星期都無回覆，無緣喇。
第二位張婉雯醫生，電話查詢姑娘都有禮貌，不過最快都要等十日，所以又放棄。
最後選咗羅國棟醫生，最快第二日可以睇，就book咗。
去到都要等一陣，地方較細，會有啲車仔及圖書俾小朋友玩住等。
入到去，醫生第一時間俾小朋友選貼紙，然後一邊播電影俾小朋友睇住，一邊就同我了解下病歷。醫生知我地第一次睇，同埋我小朋友比較細，就教定我陣間要點做，同埋佢會點檢查。
然後檢查完，就講解返有咩問題同處理方法，不過我地就無乜特別治療，就係咁睇完，醫生又會贊下小朋友合作同再送貼紙俾佢。
以上就係我地今次嘅經驗，無睇過其他所以比較唔到邊個好啲差啲，但只講我今次經驗係滿意嘅，希望幫到其他有需要家長。
4個讚