請問有銅鑼灣嘅介紹嗎
請問有兒童COOL 牙介紹嗎
再update下：
我最後有去睇張婉雯醫生，同一個問題，羅醫生就會保守啲(定期keep住觀察等到嚴重先處理)，張醫生就主張去做預防性嘅措施。
張醫生診所在尖沙咀，等侯區比較多人(有時無位坐)，因為係類似醫務中心咁，入面有幾間房幾個醫生，不過就唔算等得耐(通常等一個)，等侯區有圖書櫃及扭蛋機俾小朋友，入到房小朋友瞓低喺床，天花會有小電視睇卡通(不過真係好細部
)，張醫生都好溫柔嘅，檢查完就可以選小玩具。
不過始終係醫務中心，所以醫生唔係日日喺度，可以選嘅時段較少同埋都經常滿，最近就因為有急事，但都約唔到張醫生，唯有轉另一個醫生(許偉聰醫生)，許醫生都好好人，佢除咗播卡通，仲會播音樂，不過時段選擇都係較少，但就相對易約啲。
其實幾位醫生都溫柔、專業，最大分別係：
羅醫生：易約，如果有急事，就算無位同姑娘講，佢都幫你，多時間選擇(因為係佢自己診所)，旺角地鐵站附近
張醫生：難約，少時間選擇，尖沙咀地鐵站附近
許醫生：易約，少時間選擇，尖沙咀地鐵站附近
1個讚