小妹工作只有一個要求, 就系準時收工
但每次一夠鐘打卡, 入到LIFT 一定見到HR 經理 *同佢部門既同事
以佢一定會以一副八婆既咀臉去問你
點解你日日可以準時走
但又唔串得佢~
佢又無家庭, 又唔答到要趕住回家湊仔~
應該可以點答去應對佢???
其他人點先？
同埋係咪冇貨未交比佢，久不久真係趕ot 係尚可
我有至少一半時間準時走，遲走都係半個鐘內。我唔覺得準時走有咩問題，正常工作量都要ot，就係個人時間管理有問題啦
4個讚
道理緊係做晒野準時走無問題，但扮工室生存術唔好做最突出o個個
3個讚
以前公司我初入職做野快手，可以準時走，其他同事要ot。結果佢地加我workload做到我要ot為止，隔離個同事離職，佢d野比埋我做，係會請返人，但係變左幫另一team手。果時勁嬲，超唔公平最後走左。有同事提我要慢慢做d野喎……言下之意即拖長黎做扮ot囉！
3個讚
準時走冇問題，問題係要識點避HR。
3個讚
同意
明知有機會係電梯見，
求其去一次廁所，
遲三分鐘出門，
等佢走咗先搭電梯，
呢個世界有樣嘢叫做，
令俾佢知，莫俾佢見。
6個讚
樓主應該要諗點樣避開佢哋好d
1個讚
時勢好的時候，轉工，轉到去一間個個都準時走的公司
收工時間係睇公司文化，唔係睇contract
我都係咁做，去pantry洗下杯、去廁所或者抹下檯
等冇人見到先自己鼠左去
1個讚
初初係而家呢間公司做
我走果陣其他同事會眼望望
無幾耐個個都一到夠鐘就拎袋準時走
所以要睇公司文化
我有同事為避見到其他人
佢專登去搭貨𨋢
1個讚
我有同事行樓梯 
呢啲好睇公司文化，我做過嘅就「你鍾意幾時都 OK」，只係我個 team 個吖頭實在太熱愛工作，所以我都要一齊遲走，其他嗰啲係 hea 到夠鐘就一齊走。
呢啲真係睇公司文化，買菜送條蔥，買你八個鐘送多一個鐘係奉旨嘅。
香港或者亞太地區大部分公司都係咁，去歐洲工作而你唔係高層，如果你想走，一定可以準時走。
我老闆，每晚做到8, 9 點，我就6點準時走。有日佢7點幾打比我(我已在家)，問我做乜咁早走，我話我唔係早走，係準時走，同埋做完野就走，如有野做就留耐D做埋先走，好正常。
比我教育過佢之後，以後如果差唔多收工時間佢有野比我做，佢會早D問我可唔可以留底幫手做。又或者我個日約咗人，但當日有野要完成，我會早同我老闆講，咁佢就會有心理準備同埋會配合再快快攪掂件事。
3個讚
睇公司文化(睇大圍), 曾經做過一間充滿工作狂嘅公司…嘩好頂唔順, 由下至上都好似唔想放工, 屋企有蟻咬咁
最慘幾個人都會比嘢我做, 佢地OFFICE HOURS由8點幾至夜晚12點幾, 又好似EXPECT我要跟佢地咁, 佢地自己就FLEXI HOURS, 但想我朝9晚11, 痴痴地, 做左幾個月, 即走~
有D公司表面係比多D錢, 但計返HOURLY RATE仲差, 唔好剩係睇PAYSCALE, 要睇埋WORKLOAD
1個讚
大家都同𨋢，咪話『同你既效率咁上下』，如果平時你都係會講下笑無呢正經果類就答句『駛乜講』。
佢同你同𨋢都可以問d咁弱智既問題，叻極有限。
之前post我都回應過，因為公司o係中間層，準時走𨋢會好迫人，所以一般都放工時間30mins內走人避人潮。
成日o係公司既高層都係無家庭，日日第一個出門口㩒𨋢，有時見到佢佢都會問『做乜咁早』一般我都糾正佢『我準時姐，無早走』佢要糾纏落去我就話『要向你學習，細既見你唔走佢地又唔好意思走，所以我要以你為榜樣』
3個讚
阿媽公司又係咁樣，朝9晚5時睇劇，5點後先開始做工作做到8,9點。古古怪怪。
利申，公司唔係同時差大既客人合作