之前本來打算每日一餐牛油果一餐肥肉，點知話咁快就食厭左肥豬肉，暫時唯有改食其他肉類，但其他肉類肥極有個譜，都無肥豬既脂蛋比例好，搞到要經常補油
驗尿有酮，但磅數同體脂率無咩大改變，令我懷疑自己只是做到生酮而沒有做到燒酮，又或者追油追得太多爆左卡路里所以體重體脂都無跌
想問下大家，最近幾日我都無食肥豬肉，如果唔計額外補油既部分，你地覺得有無爆到蛋白？
其實你唔肚餓可以唔食㗎，我以前一日只食一餐，個餐仲可能只係一份三文治，一樣瘦到條柴咁，170cm高得100磅唔夠。
當然咁係唔健康亦唔建議，但見你食到咁大壓力不如改食一餐？
我唔識生酮，講錯勿打頭
真心考慮過一日一餐架，本來想留到破平台先用 
後來我發現生酮好容易令人OMAD，以我為例，食材經常重複，一個星期有幾日午餐晚餐都炒菜心，見到都煩，不如一餐過加大食量減少重複感 
但認真再想想，如果一餐食2倍菜心，應該食唔落其他野，又或者勉強食埋脂肪野跟住飽到郁唔到 
其實同一樣食材都可以轉下煮法 
近排天氣凍,除左防彈咖啡,我無再另外淋油係菜面,"璟"油會想嘔 
我好鐘意煮嘢食，所以有上youtube睇其他人嘅生酮餐食乜，同埋有睇「栢克醫生中文健康知識」（你去youtube看）佢係生酮飲食專家，當你認識食物多咗，就會識得點配搭。
其實我都係岩岩開始，仲係摸索當中。所以大家可以交流一下。
我嚟緊會整生酮麵包&甜品嚟「慰藉」吓自己，亦都唔想食到咁悶。
So far試咗5日都輕咗0.6kg，應該係飲食習慣改變而輕咗，都開心，希望可以成功入酮再輕多啲。
2個讚
生酮減肥應該係開心架，點解你減到咁慘？咁樣好難維持呢
2個讚
不如你都食下蒟蒻麵或者椰菜花飯
當一舊肥豬肉嘅油脂/蛋白比例係啱嘅而你平時食兩大舊，咁你不如淨係食一舊，再加蒟蒻麵或者椰菜花飯，咁油脂比例都應該OK
咁食你應該會冇咁滯，又唔使擔心比例唔啱
樓上都有朋友提議你要整啲生酮麵包甜品嚟慰藉自己，呢樣野我都好贊成
整咗之後實有好多剩，擺入freezer到食嗰陣先攞出嚟解凍，快靚正又多一個選擇
你當務之急真係要解決variety問題，有好多嘢有代替品，有心嘅話其實真係可以整到八成一般嘅菜式
1個讚
同意! 就咁睇你呢幾日嘅分享, 好多時一樣食物食2日 (或以上), 根本吸收唔到唔同營養
初初開始, 你會唔會試下自己做個7或14日餐單? 有計劃同唔會重複咁多… 清晰啲
另外, 生酮背後嘅原理, 你明白幾多? 我地要食 70% fat, 25% protein, 5% carbs, 但其實令身體進入ketosis 係5% carbs not 70% fat; 支持身體基本需要係25% protein not 70% fat… 要搞清楚基本概念先…
同意，我都有set一個五日餐單比自己，咁樣會容易啲跟。
我係生酮初心者，多多指教，大家一齊學習。
1個讚
多油既煮法得煎咋
試過淥熟再淋橄欖油，但D油成日流落碗底，最後要飲個下就…
bookmark先
恭喜你變輕啊 
其實最好應該係用平常數據做比較，我真係自己羅來衰，聖誕節兼末日心態暴食幾日先開始，然後來M，又唔記得趁正常個陣度定體脂體重先，呢D因素搞到我無從比較
之前都有買生酮甜品材料，仲以為可以挨到中後期先整，我又要提早投降啦 
解決完食物多樣性既問題應該就唔駛再靠意志力撐落去啦 
好呀，我買左好多芋絲，算是差不多既野
我錯左重點，之後唔追油脂數量啦，搞店比例就用纖維類塞到飽
成件事好似畫眼線，先畫左眼，畫右眼時失手畫太粗，去左眼到補畫，然後又去返右眼到畫，最後變得更樣衰 
我第一次KETO成日咁樣食綠葉菜,果時覺得好正 
可能夏天無冬天咁"璟"油? 
7日餐單方面我會想想辦法
之前肥豬肉係高估自己買太多搞到連食好多日，以後會避免
雪藏類食物（三文魚、肥牛等等）解凍之後無得雪返，極有可能會繼續發生連續食2-3日既情況。
菜都係揀屋企有幾野咋，呢個睇運氣
我無「雪櫃自由」架，每逢買野放入去都俾人話嘥地方
屋企人會煮之前加豉油糖鹽豆粉醃過夜，我只會落些少pink salt咋，叫佢地分少少俾我另裝一碟醃就話我嘥位，我唯有自己都一次過醃多d，好似變返以前自己住個陣咁，重複性方面真係幾頭痕
要提醒返自己
可能係
夏天綠葉菜選擇好似多d，重複感唔算嚴重
午餐
又係微型肥牛邊爐
最後加2個番茄同一舊牛油滾湯飲
1個讚
晚餐
牛油果、cornichon撈mayo
生菜 （今晚趕時間，媽咪幫我炒菜，佢落油太快，我講唔切要用牛油果油⋯⋯）
生菜唔夠綠，嚴格來講好似唔算綠葉蔬菜 