媽咪打爛左支蘋果醋
飲左十分之一左右咋 
點解連斷食既日子，都要俾同食物相關既問題煩擾住 
今日晏晝同屋企人去咗食填鴨 (冇食白色嗰塊). 有叫到其他野食, 高碳例如個炒飯我完全無掂, 但其實都仲有好多選擇, 例如金沙蝦球, 上湯娃娃菜等 
一次半次ok, 不過當然唔鼓勵新酮學 / 嚴格嘅酮學咁做
三月中要去飲
其實我對碳水無癮，但好奇心極強，我懷疑（肯定 
）自己會每樣試一細啖
本來打算三月重新做人，但因為呢件事已經開始覺得不安 
呢排俾recipe搞到頭痛，數量方面我只明幾多gram幾多ml，計oz都可以輕易換算到，呢D全部都好standard
但1 cup根本唔知幾多g，google完每個page既換算都唔一樣，相差個數都幾大
然後我發現1 cup既gram數同1 cup既ml數都唔一樣
每個page 1 cup換算既ml數又唔一樣
今次由星期五夜晚到星期一下午斷食一共65小時
星期日M到，對腳凍冰冰，今次斷食偶爾會覺得餓，所以決定唔再加時，2日就算
lean mass少左3.6kg
但因為體重減少，體脂反而增加左，所以我唔知究竟減左水份定脂肪
午餐
番茄湯 + nutritional yeast + 核桃油
晚餐
番茄湯 + nutritional yeast + 核桃油
偷食左一片燒豬手既皮+脂肪
核桃油搞到有少少消化不良feel，下次第一日復食應該唔加油啦
午餐
番茄蛋湯
snack
4粒巴西果仁
屋企開左3包新品種既提子乾，出於好奇食左4粒 
見你不斷偷食
日日都偷食
其實行Keto意義何在？
好奇心唔係藉口，你又唔係幼稚園學生
晚餐
芝士椰菜蕃茄蛋湯
又係食到好嬲既一餐
話說我煲緊既時候阿媽又指指點點，非要話我水加得太少
為左耳根清淨我加左水，結果個湯好淡好難飲，而且重點係水量太多，成碗野係lunch既double
食唔曬實俾人鬧，我夾硬食完而家個胃唔舒服
好激氣 
斷食之後復食得差會影響身體，無論生酮定斷食，佢哋咩都唔知就指指點點，解釋又唔肯聽
每一日都咁煩，我覺得好絕望 
好，我會克制自己
要重新做人
3個讚
樓主，行keto其實自自然然地食飽唔會想去食carbs，尤其你已經行咗一段時間，應該係入大直路
你呢個所謂「好奇心」其實係藉口，想食carbs就照直講，唔好用「好奇心」去合理化呢樣嘢，想食carbs其實又唔係一樣壞事，根本唔需要去用藉口黎掩飾
你已經係一個成年人，唔關係咪減肥行keto事，而係你既然set個目標，就認真去對待件事
如果係連所謂「辛苦」三個月去減你積累N年嘅脂肪你都覺得有難度，我相信你減肥前要搞清楚好多嘢係有付出先會有收穫
求其做/亂咁做，其實不如唔好做
我比較擔心嘅係你嘅心態，你心態無調整，就算依家比你減到，你係「減完肥」只會都會慢慢肥返
我一路重申，Keto diet唔單止係一個減肥方法，其實係一種life style，透過呢段段時間，大家可以去重新了解食物，然後去知道食材嘅營養價值，同埋點去選擇食物
1個讚
其實我對之後條路都無咩信心，預左會肥返，爭在肥幾多
16h斷食一定無問題，以前一直做緊，身體習慣曬，所以繼續做唔會有效果，但一停就好大鑊…今次最大得著係長時間斷食，真係輕鬆自由又開心，以後出酮都想試下非生酮狀態下有無可能做到斷食48h+
低碳應該ok，以前已經戒左部分carbs，而家慣左要睇下營養標籤，可以避開更多隱藏陷進，都好有得著
另外一個比較大既得著係調味料方面。但同屋企人住而另外自煮，日日係咁俾人講說話我聽，其實二月初開始我一直都覺得抑鬱，生酮期間再唔開心再激氣都可以死頂落去，但唔知之後可以點安排…有機會要屈服返同枱食飯
戒糖方面最無信心，pastry絕對係我既弱點。香港D野麻麻地唔食就唔食，不過如果有機會出返去，我知道自己一定會食…甚至麵包，如果係得過獎既，我應該都會想試下
好在好多得獎/名物都已經試過，除非驚為天人級好味既店鋪主打會再食，未來無新野既話我應該唔會食返
最後我為自己既偷食行為認罪
但澄清返其實真係好奇心黎。我堅係個D咩都可以塞入口試下既人（內臟、奇怪動物除外）
以前去非洲個陣遇到既白人同亞洲人都同我抱怨當地食物選擇少，形狀嘔心，無啖好食，但我呢個咩都好奇既人反而發掘到好多美食 
有一樣野返到香港之後仲念念不忘添
莫講話屋企現存既carbs，我呢2個月出街見到零食出左新口味都有買，一月買左2杯雪糕、2筒薯片，二月買左2包朱古力，雪糕係冰格既當眼位置，薯片、朱古力同keto食材擺埋一齊，日日都見住但我無打開來食既意欲。以提子乾來計，以前既我起碼食十幾二十粒，我認真想食carbs個陣會好瘋狂㗎，我真係無用好奇心來做藉口 
當然以後我會提醒自己「勿以惡小而為之」 
1個讚
午餐
芝士番茄蛋湯
2舊燒豬手
2舊西蘭花
燒豬手星期一晚偷食時覺得ok，留到今日唔好食啦 
晚餐
番茄椰菜湯
2舊燒豬手
鯇魚 + mayo
見唔到舊鯇魚隱藏左part骨，於是mayo預多左，點埋番茄椰菜食
樓主加油！
只要有決心，你一定得！
連斷食2日都只係減緊水份 
我已經對自己有所懷疑
無論如何我會行到起碼3月底，到時先算啦
希望下次生酮個陣我已經唔係香港，自己住先可以自由決定食唔食、幾時食、食幾多、點樣煮，咁樣生酮應該會開心好多
你係咪超級水腫嗰d人？
我斷食後復食返d磅數都無話升返曬
我當時都係0運動只係靠斷食
我懷疑係，成日都面漲漲肚腩突突咁樣
星期日來M，唔知有無影響
今日復食第3日，呢幾日我係食第一餐前都有上磅，體重方面暫時keep到，但脂肪率比斷食前高，所以我先覺得減既只係水
蔬菜湯復食階段今晚完結，聽日開始會恢復正常飲食，睇下過多幾日會點
