好想同大家分享, 正式離婚令終於收到啦！終於可以名正言順離開依個冇良知嘅家庭,在疫症期間搞咗五個月都終於搞掂…
題外話，話說好似我前奶奶好唔鍾意個小三,話要幫人養埋個遊艇仔好唔抵喎…
Anyway, 都係果句呢個世界冇話冇咗邊個唔得,最緊要唔好受委屈!
24個讚
其實佢係憎霸左佢個仔既女人
1個讚
恭喜你可以同仔仔展開新人生
前奶奶依家後悔啦掛？咁賤幫手趕個新抱走
以後佢果家人嘅事可以慢慢食下花生
祝你有更好嘅將來
1個讚
佢應該一早知架啦，等佢哋趕走新抱同個孫趕得咁容易
恭喜你遠離人渣重過新生活！
1個讚
我老公對我同小朋友都孤寒,但佢就拎D錢去買曬基金,股票同車,我好嬲呀,而家唔會再同佢慳 
因為當我諗到如果離婚,佢D基金,股票錢肯定唔會分俾我同小朋友,第時益佢第2個女人!
都係，無謂自己辛苦
1個讚
有d似，我老公又係將剩錢擺落投資度，賺定蝕都同現實無關… 你個個有車起碼你都有得坐。
1個讚
你奶奶好似咩都唔鐘意咁, 淨係鐘意自己 
1個讚
講起前奶奶就正，前本生做小三搶人老公，後半生夾埋個仔幫人妻搶我老公…跟住成日仲要好開心咁覺得自己真係美魔女…魔鬼心腸就有…
其實人妻都好勁㗎, 曾經喺電台吹噓自己係咩幼兒教育專家, 但出去搞三搞四,最慘係搞倒小朋友,佢個仔同我個仔始終係最無辜…
呢個世界真係好奇怪, 當有啲人成日喺出面曬自己家庭有幾團結有幾lovely嘅時候,(以前前夫家庭好鍾意喺Facebook刻意show off )原來只不過係掩飾內心嘅空虛同埋不安…
2個讚
咁睇黎破壞其他女人既婚姻係你ex99既嗜好 
恭喜你
恭喜樓主同賤男正式離婚，同小朋友好好生活，我媽媽以前一拖三湊大我地，依家唔算富裕但我地屋企好close，大家都好錫大家。如果兩公婆唔開心，夾硬一齊小朋友會更加唔開心。當年我媽媽決定離婚，我地3個都不知幾開心。
我依家自己結咗婚有小朋友，但我都好小人之心。決定結婚會生小朋友，就租呀媽附近住，一生完就俾佢湊，自己都有返工，諗住萬一有日離婚都一定有撫養權
我d朋友成日話我痴線，邊有人好地地諗呢d。但我生咗兩個仔，都幾肯定6299會想爭走。
2個讚