拍拖十二年，結婚八年，仔仔剛剛六歲…
一年前老公突然間同我講話唔夾,跟住無論我做乜都冇用,又唔肯去婚姻輔導,仲要擺到明話要爭亞仔嘅撫養權,
跟著突然間奶奶姑仔對我勁差，成日無理取鬧,得閒屈我偷嘢,得閒又幾次刻意咁話我廢,失敗冇用,總之就係打擊我自信
一年後頂唔順,主動提出分居, 跟住突然收到一個男人電話話佢老婆同我老公原來搞埋左,跟住發現佢老婆原來係姑仔個best friend ms X , 仲要Miss X 有個兩歲嘅仔, 之前仲有送書俾我個仔…
知道真相覺得自己好蠢，俾人玩足一年… 原來我老公一早已夾埋佢屋企人玩我，希望逼我抑鬱，跟住佢就可以順勢同個官講話我不適合照顧兒子, 最正係我哋之間嘅一個Common friend y 之前扮到好關心我,原來佢都係同X 夾埋左
我諗我最嬲係,你有外遇咪直接講囉, 點解仲要做咁多嘢一啖砂糖一啖屎咁迫我抑鬱,係咪痴線㗎…
真係冇諗過一個男人為咗要同小三一齊真係咩都做得出,最正係成家人都冇良知
嘩，好pk!!!
掉轉諗，呢家人咁pk,.就送俾個小三，好行夾唔送
樓主最緊要顧好自己精神健康先。
問x個老公有無證據喺手，拎上法庭等佢無左撫養權
奶奶姑仔可能受到你老公唆擺先對你咁差，最PK 一定係你老公搵小三仲要有老公有小朋友
係呀，冇就搵私家偵探，賤男可棄，個仔要攬實
有啊,我而家同緊佢老公夾埋一齊攞返大家嘅仔嘅撫養權…但係Miss X對佢老公都唔係幾好但係就冇我老公咁pk
一個男人為咗又要同個小三一齊,又要爭撫養權,真係咩都做得出…例如話突然簽翻啲手冊啊,刻意做到仔仔同奶奶一家好融洽，疫症期間要我仔每星期四次要去搭公共交通工具一個鐘，一定要一個禮拜見我奶奶嗰邊屋企人四五次…我一話唔俾就鬧我,當然我都有同佢開火
佢真係處心積慮，你要留返啲證據，證明一直都係你照顧個仔，我估佢做到咁，你要預佢為咗爭仔，甚至會講大話指控你一啲無做過嘅嘢，要做好準備
你哋搜集證據嘅時候都小心唔好比佢知，等佢無準備，等佢以為自己嬴緊
樓主，好好照顧自己同仔仔，保重！
唔知你有無返工,如果無就最好搵份工!香港法例係判比媽媽優先!你拎埋證據更加判比你
祝你同囝囝日後生活愉快順利 
吾係喎，如果樓主要返工佢PK老公果邊可以話佢冇時間照顧個仔，反而全職照顧可以攞到膽養費，不過都係問淸楚律師，樓主吾好退讓呀！一定要極力爭取，祝福你
自己返工請工人湊係得既!經濟能力都係考慮因素之一!唔返工都可以判食老綜又得!
不過講到尾,女人爭撫養權係有優勢
唔好亂教呀姊妹
撫養權一般判比照顧者，返工點照顧？
問返律師穩陣啲，祝福！
成件事好心寒…
為咗撫養權可以咁變態。
個仔唔可以畀佢哋，首先要訓練到自己對佢哋一家免疫！
仲有唔好上網講自己嘅計劃！！！
唔好上網講自己嘅計劃！！！
唔好上網講自己嘅計劃！！！
你在明，八婆在暗。
唔知miss x 有冇睇到，祝你同你隻契家佬中武肺一睡不起！
身邊有朋友係咁,唔係亂教!
無錢等老綜幾千,生活都唔好,女人梗有個錢傍身!唔通 working single mum 就等如無能力照顧唔到小朋友?
亦見有人唔返工靠老綜,爭撫養權
2個 case 都有人爭贏!亦有爭輸!都話經濟能力只係其中一個因素!
判比邊個,跟邊個,對小朋友日後成長既重要性,先係大前提!所以判比女人多係正常!
如果小朋友識講肯自願跟媽媽,都係一個幾重要爭贏因素!
愛重於金錢!樓主識諗既!
其實賤男女兩個都想拎仔女撫養權，d官會唔會細機會比佢哋
現時全心全意照顧仔仔，多點親密接觸，令仔仔對你多依賴，增加勝算。
我都有諗…樓主會唔會del po或者del details好啲
等搞掂先再上嚟話我哋知
我驚樓主上報
上報都冇緊要，重點係畀敵人睇到個計劃！！
實有防範，到時更難掙返個仔。
一定係用個孫嚟講掂佢哋幫手啦⋯⋯
如果佢哋唔幫手整走你/整衰你嘅形象，第時俾你攞咗撫養權，佢哋咪無得見？
仲要小心去探「嫲嫲」嘅時候有冇人喺細路面前講你壞話離間感情
最緊要自己情緒不要有問題，保重。
如果你覺得佢好差，就不值得難過。
明天可能會更好。
真係好痴線，話係都係夫妻，有冇必要夾埋成家想逼到你抑鬱
為左撫養權做咁多陰質野
搵私家偵探跟下、收集下證據，試下連奶奶姑仔蝦你既證據都搵埋（錄音）雖然唔知有冇用，但必要時可以攞出黎證明全家道德+情緒勒索有問題，唔適合養小朋友！
同埋搵律師傾下點樣爭勝訴大啲