正,做得好~~
樓主加油呀…要同小朋友好好咁過, 你哋一定會幸福過個兩條蛋散
我同前夫終於庭外和解, 小朋友當然跟返媽媽… 亦分咗一定嘅生活費
雖然到一刻我都唔係好明, 點解佢咁蠢… 去玩都唔會玩個有夫之婦啦,仲要玩到妻離子散又冇咗一半身家…
只可以話愛情真偉大, 我祝佢哋幸福快樂, 但係好似個女人仲未離婚… gd luck
27個讚
祝福你同小朋友
1個讚
祝福妳和妳兒子邁入冇垃圾渣在附近的新生活，加油
恭喜你脫離前夫開始新生活
人要變心真係可以變到另一個人，不過既然個第三者係有夫之婦，相信佢地最後唔會順利一齊到
佢呢啲人又冇錢又冇，只會生活得越黎越折墮
祝福樓主，要加油呀
個女人個老公唔係要同佢離婚咩?都有曬証據戴綠帽 
樓主 希望你同小朋友好好開始新生活 加油
恭喜晒，新一年可以遠離人渣，同個仔過幸福生活。
但是說真的過程真的很令人難受,同埋真係180度轉變得太快，就好似俾人落咗降頭咁… 一個人前人後好顧家嘅好錫仔仔嘅爸爸, 為咗一個自己有老公都要搞人老公嘅人妻而決心離婚，我只可以同大家講佢連一個俾我原諒佢嘅機會都無…
雖然你會諗我而家仲咁樣講真係好弱… 但係依啲就成日係我個腦都轉來轉去囉… 不過人俾人比人真喺比死人呀…個人妻都可能貪我前夫有錢,咁佢而家可能要捱下世界囉或者搵個第二個有錢人囉
5個讚
真係試下佢哋「愛情」嘅魔力大啲定金錢引誘大啲
不過就算個女人真係走咗
個男人話「俾次機會大家」你都真係諗三十次先好一齊返
千祈唔好忘記佢哋一家人可以咁齊心咁樣對你
就算為小朋友，同爸爸見面可以，但一齊番就真係諗清楚
3個讚
祝福樓主有新嘅開始，事事順心
小朋友大個左一定會孝順你!
1個讚
抱抱樓主 遇到呢d事 係需要時間釋懷
d唔開心的事由佢過去 好好同呀仔生活
1個讚
唔會。人係感情動物，你同佢咁多年感情，突然要放低唔係咁易，咁唔係弱。
但個男人同佢成家做到咁絕，根本冇諗過回頭。長痛不如短痛，你放唔低，佢迫你放低，其實對你更好。以後條路點冇人知，但點都好過比渣男再精神虐待。女人最強反擊永遠係「活得比你好」，加油JM
4個讚
加油呀 媽媽 你已經做得好好喇 以後嘅日子 好好照顧自己&小朋友 祝福你 
Totally agree，呢種老公送比二奶啦，佢都會有三奶/四奶嘅…
1個讚
傻啦，係人都有軟弱時，知自己弱點就更要小心保護，要為自己同小朋友築起保護網。
要自私。
推薦你看觀成法師的講座！（search ‘Buddhist Temple’ on YouTube，點個playlist可以看到所有講座系列)
他勁搞笑！
唔記得邊一集，他提到有居士同他講自己離婚，好慘呀。他即刻恭喜那位居士… 我們聼到當堂笑出聲。
我覺得好有趣，所以用手機錄咗落黎。有興趣我send俾你聼。
你依家可以認清你丈夫同他家人的真正面目，其實係好事… 等到你五六十歲時先發現他原來係個負心漢先慘
私人推薦
粵語 佛法問與答 - 觀成法師
[粵語] - 如何於逆境煩惱中提起正念 - 香港開示實況
[English] How to Meditate, by Ven. Guan Cheng
粵語 - 2019 香港講座：《往生論綱要》觀成法師
1個讚
其實一個男人要憎佢老婆去到咩點先會咁樣對佢, 定係話佢係鍾意個女人鍾意到無法自拔…但我完全諗唔到點解個男人會鍾意一個有個細女兒仲要曾經幫自己老公帶綠帽嘅女人，仲要點解唔揀個後生啲？ 前夫自己本身都好後生，之前有啲錢
，應該有好多選擇…
自問做老婆嘅我可能衰在太就佢，對佢太好。冇乜點要佢啲錢搞到佢用係第二個女人到
1個讚