1:57更新：無諗過咁多回覆，多謝各位，我知有d係想鬧醒我，係既，我成日幫佢揾借口，又幫自揾借口⋯
(更新：因為論壇話我係新手會員一日已經覆超過左個數量，無得最開新回覆，所以係度回應大家）
係呀，其實我都怕生左後會好多問題發生，但願我媽知道後佢會肯食藥肯覆診，男友方面，預左佢唔識搞，但係已經有左b，就會繼續陀住佢，希望到時疫情好d,有時家姐可以帶埋小朋友返香港幫下我臭下，因而家疫情咁我家姐放假都返唔到來住。多謝各位姐妺既回覆，你地安慰左我，我心情好返小小了，始終都係女人最了解女人
1個讚
逐樣逐樣黎，首先，你媽媽可唔可以準時食返藥，控制返個病先？唔係淨係為左你，都為左佢長遠可以生活得舒服啲。解決左呢樣，你會輕鬆啲。
之後，你可以開心見誠同男友講，而家有左，你情緒上會有轉變，希望佢體諒，男人有時就係唔講佢唔明，直接講你所想，唔好自己屈埋屈埋。
最後，雖然你話唔想同朋友講，但有冇一個半個朋友係信得過，講左有人同你分擔，又可以得閒離開下屋企，上佢度休息，或者自己搵間cafe 坐下，靜下。
加油呀，懷孕初期唔舒服，心情好易變差，希望你快啲開心返！
個阿媽你係既，佢只係同居男朋友，真係無乜資格去理你地咁多野。
有覆發既情況應該要同佢睇醫生，醫生評估情況後會再開藥。
有病都係要治療，唔可以淨係限制佢既行為。
第一我會提議你鬧佢，洗隻杯咁簡單都要個女人做? 住入黎仲要服侍埋佢? 無L野呀。
綜合你提供既資料，不見得你男朋友鐘意小朋友或者鐘意你。
1個讚
如果你都有D迷信，你媽可能真係見到
不如去衣紙舖買D嘢燒下，希望唔好再搵你媽。如果唔迷信就叫你媽去睇醫生食藥先，等佢情緒好D先。
另外你男友真係唔掂喎，一齊住家務就大家都要做下，你有咗唔舒服想休息下都正常，佢唔幫手仲要話你，你要同佢溝通下先，如果唔係將來仲有好多家務可以嘈。
做咗媽媽真係要唯母則強，唔開心可以喊下又上黎呻下，但你都要加油
您男友好似未準備好做人丈夫/老豆，亦都唔理解孕婦嘅體力同情緒會唔同以前，對您唔夠體諒！我覺得趁懷孕初期，同佢傾傾，比佢知道您懷孕後嘅改變同擔憂。生完之後，如果佢咩都唔幫手，淨係旨意您，您都好大鑊⋯⋯
係呀，我有諗過佢所講話見到既 會唔會係好似d電影中咁，成日有果d係孕婦身邊果d?因為我有幾次眼尾都掃過一d光影閃過，有時係大堂搭電梯等既時候眼尾都有野閃過，不過無深究⋯
之前早d時有陪呀媽去廟拜下，不過而家佢都仲係咁 
係呀所我成日覺得好似幫人臭仔咁，佢淨係識話揾錢，而家我係屋企要顧埋我媽，所以真係好煩，有時又覺得唔可以長期負能量，會主動去youtube睇下d笑片自放鬆下
好多精神病人都唔肯／唔準時食藥
又唔敢迫佢驚佢唔知會做咩出黎
好多時都係等到病發再call白車強制入院架乍
大家唔好淨係叫樓主叫佢媽去睇醫生食藥啦…
希望專業人士幫到樓主
聽完樓主講 佢男友真係好廢 亦都感覺唔到佢鐘意小朋友
仲要似乎係裙腳仔…
你有冇做嘢?
佢只係你同居男友, 冇資格對你同你媽指指點點。
唉，係呀，所以我屈住都忍唔住要上來發洩，唔係真係人都癲
無㗎啦，之前社工有上來叫佢提早去覆診，佢即刻大聲鬧人叫人走，唉我都無言
你真係要生個小朋友出黎嗎？生左出黎辛苦嘅係你。要負一世責任的
你照顧精神病母親其實已經係好辛苦
仲要男朋友咁極品豬隊友，咁唔considerate都唔駛旨意幫到手
到時bb喊，你媽精神病可能頂唔順喊聲，你男朋友又話你做阿媽唔識湊bb,你點頂
2個讚
我無做野呀，之前返開既part time好耐都無得返，加上我高年齡，都唔敢操勞，所以在家休息，唉，我都明既，就好似我唔會話佢媽咁
唯有自己堅強d，學多d做媽媽既常識
如果係我,真係爆到佢九彩!!!我頭三個月都好攰ga,又要午睡,夜晚9點就訓…係好正常!!!叫個孕婦拎嘢,佢好唔好意思啊!!!
1個讚
你有呢種覺悟就好ok, 無人天生識做媽媽，肯學肯俾心機就ok, 睇你回復你好鐘意你男友，希望你男友都快啲覺悟！不過我老公都真係bb 出左世進步左好多，變左神隊友，加油加油！
1個讚
直接d講,您無經濟能力,您男友又慳,要靠男友比錢請陪月,您要諗下佢會唔會比錢!一陣又話您生完好巴閉,以前d人都無陪月,咁點…
有無咩方法覆診個日可以乙水到阿媽出街側側搏去醫院？叫社工係某個位等你地…？
如果都係唔肯出街，社工上門接又唔肯去覆診，唯有個日係社工係你阿媽面前講你呢兩日感受，你阿媽點發癲都唔好理佢，係社工面前堅持一定送你阿媽去覆診。
你個一刻要好狠心因爲你要保護自己同BB。
我想同你講，bb出咗世你只會比宜家辛苦十倍，唔誇張，真係十倍
到時會長期唔夠訓，bb全日都需要人照顧，而且產後荷爾蒙嘅影響比產前更嚴重，你無可能可以分心分時間照顧你媽媽。你媽媽一定要食藥睇醫生，其實出現幻聽幻覺已經係食藥嘅警號，你男友應該又幫唔到手嘅人，好話唔好聽唔知媽媽會對bb做啲咩
另外直接啲講唔知啱唔啱聽，你呢個情況我勸你唔好餵人奶，爭取時間自己休息
我有媽媽老公幫，叫月子餐，都湊到產後抑鬱，湊初生b唔係咁簡單，你一定要襯宜家解決可以解決嘅問題
3個讚
我出年生,預得老公幫,訂咗月子餐,我都好淆底,個個都話湊nb會癲…
都睇bb好唔好湊，我嗰個由細到大都唔鐘意訓覺，兩三個月大時要手抱到零晨四點先訓，一放低就喊，當時真係好崩潰。宜家bb大啲，起碼有覺好訓，又識互動，見到佢笑都好開心，捱過咗就無嘢
好好享受宜家想做咩都得嘅時間啦
1個讚