樓主對每個人都唔狠心，所以自己係最受傷果個。
唔狠心鬧醒個男朋友，唔狠心阿媽自己住，唔狠心阿媽入院。
愛自己先有能力愛人，以上既唔狠心就係會害到你個bb。
高齡? 你覺得高齡所以你男朋友就應該點點點，但你又唔係擺個大肚大晒既款出黎俾佢，咁佢都可能唔知點做先岩。
就係依句野累死你呀!!
平時唔需要依賴，依家想要依賴，但又唔出聲淨係希望男朋友可以幫你多d，對佢黎講你都唔洗人幫，無啦啦做乜又要人幫呢?
兩個人相處唔好估估下啦，直接講，依家我情緒崩潰，我頂唔順，我一個女人湊三個，仲要受氣，點搞?
疫情未搞掂，未來99想擺酒都擺唔到啦，襯依個時間簽左紙註左冊先。
如果男朋友唔想結，又唔幫你，我勸你都係唔好搵命駁咁去生bb，唔好話小朋友無辜喇，因為到你個bb出埋世之後唔見得佢會幫手，轉個身佢覺得個小朋友係負累走左去，你就人又無，又要照顧阿媽，又要照顧個細，野又做唔到，一生就係咁先喇。
學左愛自己，為自己發聲。
唔好意思，可能語氣重左。
其實一般人話 “胎兒係無辜” 架, 即係唔應該落左佢.
我自己會話, “胎兒係無辜”, 唔好帶佢黎呢個世界受苦. 趁佢腦部未發展, 佢唔知痛, 唔明白死亡.
但係一個人出左世, 就註定面對死亡, 我地都知道我地會死, 怕過程痛苦, 但係又未死. 又怕老, 又怕病,. 又怕窮, 要讀書返工競爭
又怕寂寞，又要面對父母離世。唔移民仲要面對強權
any肥, 係樓主選擇. 加油.
同意，自己人生都未搞得掂，仲帶多個黎添煩添亂
利申：未生，唔會生，不幸中左會做好安排滴水不流先會生
你要學習下俾返啲責任個男人！
男友身體有咩事？點解隻杯有污糟自己唔識洗？唔乾淨咪自己洗2下囉，又唔係叫佢洗鑊！
你大肚都要做咁多家務，男人只會變「本家厲」「老馮」第日Bb出世更家多野做，而佢習慣唔幫手只會冇好結果！
搵日爆佢一鑊「你唔識幫手架？你唔洗做屋企野啊？」有咩咪懶「荷爾蒙」囉「頭先激動左少少，不過我都想你幫手多啲」
得閒就「使」佢，「哎呀腳痛，攞杯水比我得唔得？」「肚少少唔舒服，幫我洗左幾隻碗佢」做下做下就慣架喇！
媽媽個到，考唔考慮食返藥？怕第日Bb出世你顧唔到2邊！
我自己冇小朋友, 我唔會生,
呢個世界冇滴水不流, 好多野唔到我地控制.
產檢做足都仲會有好多bb 一生出黎有病.
人體係好脆弱, 好易出錯.
咁你就係真正既「蠢女人」
叻女人 - 係應該適當時候「撒嬌」「扮無知」「扮唔識」男人先會呵護備至！
蠢女人 - 就係你呢種（其實係傻女）
乜都話「自己搞得掂」「自己做到」
咁咪乜q到係你做囉！
男人心中「得啦，佢搞掂，唔洗我做，唔洗我理」其實男人都好蠢，畫公仔要畫出腸！佢唔會諗下你話「做到」係真係做到，定係唔想麻煩佢既做到！又唔會諗雖然你做到，但過程辛唔辛苦？！
啞巴吃黃蓮 有苦自己知啊！
希望你唔介意，真係想比個方向你，先會咁樣話你，想你清醒，諗下下一步要點行！
仲有bb唔一定難湊架！唔好想像到咁恐怖！
New born真係好sweet架！仼你錫