但咁講丫，你話大manager係升得快
我會覺得其實佢都有啲手段嘅
未必係踩人
向好嗰邊諗佢會識自保
向壞嗰邊諗，佢連對你嘅喊都係假嘅你就大鑊
講真，封信係HR出，佢應承你咩都得架啦
最好穩住咗下一份工先，先諗要唔要做呢個好人
如果佢真係假喊就真係幾好戲
睇咗咁多comment，應該都唔做金手指，有緣嘅話先暗示俾大manager知，佢上到呢個位應該都知其他人係點唔駛我善意提醒
1個讚
我覺得大manager係知，唔知全部都知多少，只係都要同佢合作，大家就表面上相安無事。
1個讚
如果行頭細就要小心d
1個讚
唔洗金手指咁誇張，可能日後會再合作嘅
睇你鐘唔鐘意大manager, 鐘意嘅咪提暗示吓
做得大位唔多唔少都知咩事
1個讚
我都聽過呢d 故事
1個讚
有人既地方就有事非，大manager 都做過junior, 又點會唔知呢D事事非非呀！你同佢講其他人講佢壞話，你expect佢會點做？佢仲係間公司做，點都要同嗰D人合作，會因為你幾句說話而對佢哋有所避忌？你同佢有幾熟，點解要信你？
3個讚
倒返轉頭諗,你覺大 manager 知唔知?你既情況,我都試過!但我係自己辭工走!因為有好路數!我臨走嗰陣,嗰大 manager 搵佢身邊親信約我食飯又食 tea, 擺明想 chok 我講野!又話留我!但我最後無講任何人半句壞話!就咁走左!最後個細 manager 半年後,比人炒左! 
有 d 野,唔駛講明或暗示,都知乜事!你大 manager 升得快,佢亦有呢個能力去勝任佢位置,包括管理啦!唔係佢一早比人 down 返落去或者炒 q 左啦!
反而你要比心機搵工!祝你早日搵到新工 
1個讚
我無expect 大manager會做D乜，亦無諗過究竟佢會唔會信我。據我所知，大細manager好似同期入公司，但細冇升職，大manager就升咗上去睇哂條team。我只係想提醒大manager唔好咁信細manager，特別係D私人野唔好同細manager講，細manager成日係大manager唔係到就爆佢私事出嚟，仲要係公司open area到講，我只係不恥呢種行為，如果佢哋細細聲咁講人是非我係唔會知，但佢哋偏偏會大大聲咁講。而且我一直都冇講任何人是非，而家都離開公司，我又覺得大manager其實係好人，只係想叫佢小心D細manager咋，可能我諗多咗，其實我講咗都冇用
2個讚
你出於好心,我明白!但比着我,分分鐘覺大 manager 係特登放流料,當過 d 料比細 manager,為扮 friend 又好,為交換工作情報好,無人知!比我真係唔信條友講野啦 
1個讚
年尾應該好難搵工，加上我做緊夕陽行業，可能要轉行啦，希望過完年會搵到工。多謝你嘅祝福
1個讚
視乎你是否還想在該行業生存，因為如果行頭窄，易會被人唱衰你，咁就自己攞嚟搞。另外就喺你喺咪真喺好LIKE個大MAN，唔喺就算數，細MAN出得嚟行遲早要還，等日後遇着個比佢更厲害的新人，佢就無運行。
我而家呢行都算夕陽行業，香港冇乜發展空間，我都打算轉行。
又唔係同大manager好熟，只係覺得細manager太衰者，可能因為我以前有個舊同事曾經善意提醒我某D同事原來係我背後講我是非，所以我而家先諗下會唔會做金手指者
我自己都好怕講人是非，一直都係做好自己本分就算，同事啱傾就講兩句，唔啱就唔講嘢，準時放工走人。有緣分都會暗示下俾大manager知，冇緣就咩都唔講，反正我都離開是非之地
1個讚
首先要讚下樓主份心,
但出來做野凡事都要留一線,
如果你同大manager之後仲有聯絡, 到時熟左再講都未遲。
我多年前情況同你有D似, 唯一唔同係問題人物只係一個senior, 點都搞唔到manager,
我辭職後直到而家都keep住同manager及同期同事見面,
我地都係熟左之後先敢明示暗示呢個senior, 但原來manager一直知 
1個讚
多謝你嘅意見。
如果之後有緣同大manager食下飯都可以暗示佢知，我估大manager知D，但未必知道全部事實。辦公室政治真係好煩
都係唔好講太多是非
如果大manager捉咗細manager問話, 提起你, 你到時雖然走咗, 但識場好細嫁咋, 對自己冇利的話不要說了
1個讚
唔會
可能你係人哋印象中唔錯，但一講左就可能變「是非精」
一件事足以推翻你以前所有既好
1個讚
如果係咁你可以暗示下，例如細man爆大man屋企有養貓，咁你試下同大man傾計時提呢樣野，佢問你點解會知咪答佢之前細man講既
唔好咁直接講到要小心邊個邊個
btw我係小薯，有時好多野唔知，以為其他人同我一樣 但後尾慢慢觀察其實有好多野大粒都知，只不過唔講
1個讚
多一事不如少一事, 不過個個做法不同
1個讚
係, 呢個世界好細嫁咋
1個讚