是咁的，12/1被layoff，仲要做到月尾先last day，而家諗緊做唔做金手指
，長文如下。
請我的大manager 其實我自己覺得佢都nice，但下面有個細manager同其他同事都唔like大manager，初初入職時細manager開頭對我都ok，亦話我知大manager有乜唔好，主要都係覺得大manager冇乜設計概念之類，咁我啱啱入職都係觀察為主，唔想理太多是非，做好自己本分就算，過咗試用期之後細manager 對我態度開始好差，以前都會傾幾句，突然完全唔同我講嘢，連帶其他同事都唔同我講嘢，因為我知佢哋係小圈子，全部都聽細manager，佢哋誇張到有次大manager出trip，跟住全部人係office hour時出晒去，只淨我一個係office做嘢，從此之後除咗公事之外，我都無再同佢哋講嘢。就係咁做咗一年，佢哋成日都講大manager壞話，我一直都保持沉默，冇同大manager講過，而家公司生意唔好要layoff我都好正常，只係臨走前我唔知好唔好同大manager講細manager壞話，因為細manager 其實係雙面人，一方面扮同大manager friend，但另一面又狂數大manager嘅是非，我唔知大manager知幾多，但佢一直都對我好nice，所以我唔知好唔好話佢知細manager嘅壞話，定繼續保持沉默，反正做到年尾就走。求意見。
1個讚
你要確定第日做REFERNCE CHECK唔會係被你篤的人答你的potential employer.
4個讚
講黎無咩意思，
大manager分分鐘都知，
曾經做過上市公司，
腦細就係鐘意整個「廢上司」格局，
等班細既團結，變左又唔會針住腦細
11個讚
我會：
閒事莫理
凡事留一線，日後好相見
況且，唔好以為經理真係唔知下面啲人做緊咩
有啲人係深藏不露，佢知，唔代表要理要管要發威
可能會覺得，請人最緊要做到嘢，做唔到嘢，幾口乖都冇用
11個讚
我唔會。
我只會靜靜咁執好嘢，最多講句bye就走。
1個讚
職場嘅關係可以好複雜
都係你利用下我我利用你
如果唔關自己事，我覺得無謂講
有時山水有相逢
我一定唔會同唔熟自己嘅boss講心
篤嘅話只會同HR篤
3個讚
除非個大M係自己老死朋友，若果只係打份工，我唔會同大M講，而大M唔會蠢到睇唔到下面啲人係點啩。
你仲要搵工，將來請你個間公司會打去舊公司問下你點，唔好彩大M話番你係搬弄是非仲衰，所以多一事不如少一事。
3個讚
篤佢都無用架，唔好出聲算
我舊公司都有呢啲人，同事篤完佢無用仲連升幾級，同埋唔知個細manager 有咩手段同大有咩關係
多一事不如少一事，靜靜地走。
1個讚
講咗對你無好處
而細ger都無犯咩公司會處罰佢嘅錯
唔講好過講
1個讚
應該唔會，因為細manager唔係HR，亦唔係我直屬上司。
我自己覺得大manager唔係做得差，只係聽聞上位上得快，所以細manager先唔like佢。
咁又係，所以我一直都冇理佢哋。只係臨走前諗緊好唔好善意提醒下大manager小心细manager不過可能大manager都知細manager有幾衰
1個讚
離開呢個雙面人是非地都好呀。細ger講人是非仲有咁多人擁護，遲早（或一早已經）講埋自己。
我都有試過你呢種「大ger不在成條team出去蛇」，大家傾唔埋做野都幾無癮。
以一個管理層既角度，我 suggest 你只係問 big manager 肯唔肯幫你寫 reference letter 就夠，如果佢唔肯，你講咩都無用。
有啲野係你既角度睇好重要，但去一個位之後，你今日好care 既野已經唔重要，去到呢個位，同一個 office 做野，你知既野，大 manager 應該都知，有時留一兩個 PK 係身邊係有另一個 plan, 最common 係留一個人頭去保自己，而呢個頭唔可以太細粒。
6個讚
我覺得你可以試問大manager拿reference letter， 如果佢肯幫你，第日又有緣再傾計的，應該同佢講，如果佢都唔肯幫你，就算數！
2個讚
lay-off係有D唔開心，始終而家難搵工，但終於可以離開是非地係一件好事。之前做咩都好小心，因為知道細manager會玩針對，好Q煩，試過有日返工因為塞車遲到半個鐘左右，就大大聲咁話我遲到，其實其他同事都間中會遲半個鐘，只係佢唔like我先會係open area咁講，仲要等大manager行咗去開會先出聲話我，可想而知佢有幾衰。
2個讚
大manager lay-off 我時都講到喊，亦講明會寫reference letter俾我，但封信會係HR出。另外，佢之前寫我份appraisal係俾高分我，最高5分，佢俾我全部4分，所以我估佢對我評價都ok。
Reference letter 就一定有。其實我唔想係公司入面刻意咁講人是非，睇吓有冇機會暗示俾大manager知掛。