我都兼顧唔到咁多，佢肯幫手就ok了。
有時都想出去行下，但因為唔係一覺訓天光，日頭成日好想補眠，補補下又天黑
真心泵到怕，上胎塞到成精，我個妹都慣左幫我推
依家塞塞地，泵出黎都時多時少，就諗住盡餵算。想減多一泵等夜晚訓多d,但依家4個鐘一次都有少少想變石頭胸嘅傾向
1個讚
都係，可能多野搞，變左愈諗愈灰
埋身我估未必做得返，都係努力泵惟有
主要我係怕一次過搬，到時未必有時間慢慢執，反而依家慢慢執好，搬個陣就無咁煩。
有好多人支援都好好，屋企人知我情緒唔好，個個都安慰我，又話先要照顧自己，先可以照顧到bb。原來好多人錫我，係我鑽牛角尖。加埋呢度個個都好好，又唔係人奶邪教，令我舒服好多
1個讚
慢慢調節緊自己，好彩暫時仲係同緊媽咪住，佢真係寧願辛苦自己都幫我手湊b。我晏晝補眠個陣，bb扭計佢又幫手抱走佢等我有得訓。有上胎經驗，佢仲買左個有暖人奶功能嘅暖奶器，話唔好破壞到人奶嘅成份
講真我就算全人奶都未必好好，我泵出黎d奶永遠都好少脂肪
成日覺得會食瘦晒個b
比起人奶，兩個仔仔更想要一個開心既媽媽架
2個讚
現代媽媽要餵人奶真係太大壓力喇。想cher爆自己咩
我細個都係奶粉大架啦，而家咪好地地
1個讚
我老公細個大把有得飲唔肯飲人奶淨係鍾意飲奶粉架添turn out okay仲係資優八厭仔
(條友飲奶粉飲到5歲，佢話太好飲，每日最享受早晚果兩枝奶lol）
我天生冇奶，第一胎頭兩星期執著全埋身以為會多奶，點知餵到呀b體重係咁drop，抑鬱喊到呢
第二胎努力左一陣心情輕鬆但都係冇奶～
你已經好叻！Fed is best!
2個讚
其實餵人奶真心盡力而家，生第二胎一定無第一胎咁專心，始終資源時間有限
1個讚
好心你生，老公就唔好讀書啦
同感
我都係少奶
泵奶啲奶又出得慢，得一兩條幼到差啲睇唔到嘅可憐奶柱
最搖擺嘅時候就係夜晚成屋人瞓晒自己要夾硬較鬧鐘起身泵奶
又睇住自己啲奶滴滴仔咁，睇到直頭懷疑人生
好幾次都想把幾火唔泵啦
但諗起阿B好努力啜個樣又唔捨得
2個讚
所以我特別鐘意埋身，睇住佢咁需要我個樣就覺得幾辛苦都值得
2個讚
佛系餵奶啦。呀B餓就餵, 唔夠就補奶粉, 太累就叫屋企人幫手餵奶粉。夜晚我從來唔較鬧鐘, BB哭先餵。我主要埋身餵。太谷奶先泵出黎, 唔谷就唔泵。
我堅持全人奶3星期就頂唔順, 一累就補奶粉真係輕鬆好多又開心好多。
1個讚
我仔有時都會個個鐘扭食, 我估係我唔夠奶出得慢, 咁我就會餵一餐奶粉。到下一餐埋身多d奶, 佢食得飽就變返2個幾鐘一餐。
樓主加油
我8月生第二胎時同你一樣情況
細女出世時疫情好勁，老公wfh大女又要zoom上堂，屋企越多人越混亂，有時太忙搞細果個無辦法下老公開youtube俾大女睇，一睇我又唔順眼。
大女果時埋身樽餵乜都得，細女超級揀擇，唔肯埋身之餘仲要揀奶樽，最後揀左pigeon就奶晒野，太易食，完全唔肯埋身。
個細女又難湊，日喊夜喊，自己為左埋唔到身呢件事鑽左牛角尖。
之後feel到自己有抑鬱徵狀，對大女同細女都失去晒動力。最後同老公傾完計放開左，全泵，諗真一層，泵奶時間可以陪大女玩，又可以交俾屋企人餵，俾多少少時間個大既其實都有好處。
加油呀，放鬆心情唔好屈住，有咩多d同屋企人同朋友傾啦，講出黎會舒服好多ga!
3個讚
好彩上左黎搵人傾，呢度個個諗野正常，唔會話唔餵就係衰媽媽、唔努力，依家心情慢慢好左，暫時都夠bb全人奶
依家定時泵，有時係佢食唔夠或者未暖得切奶就俾佢啜下
由其食飽飽喺度笑個樣