當初有左bb無幾耐，就推國安，之後就到肺炎，成個孕期都有好多擔心，時不時都覺得唔應該生多個。
Bb上個月出左世，今胎好希望可以埋身餵人奶，上胎因為大仔入院食慣左奶樽，全泵全人奶左一年幾。我好勤力，跟姑娘講按需要餵，bb愈大反而食得愈耐，到滿月前兩星期，一日幾乎有20個鐘都餵緊奶。
滿月後bb食奶情況都無改變，依然個個鐘扭食奶，我情緒終於崩潰，最後同屋企人夾左變全泵，等自己抖多d,亦都希望放完產假前調教返bb定時食奶。
但慢慢我發現，即使泵出黎餵我都覺得好攰好無動力，我開始唔鍾意bb、好驚佢喊。當屋企得我一個對住兩個小朋友，我就坐喺度都會喊，覺得好無助。
有時覺得自己好無用，上胎生完兩個星期左右就全泵，打爆埋冰箱，呢胎只可以半人奶半奶粉，每次喊完就泵得更加少奶。有時覺得好唔夠奶仲好，依家一日6泵夠佢食7餐，唔餵好似好衰，但再餵落去我又陪唔到大仔，又要洗又要餵好辛苦，仲要半夜起身長期覺得好攰。
你可能有產後抑鬱，有冇人可以幫到手？
我係新手媽媽，bb個半月大，都係好想全人奶，但幾乎所有上奶野都對我無效，最後只能維持到三個星期全人奶，之後就開始補奶粉，就算最近好似搵到上奶野，多左奶，但都唔夠BB食
我覺得真係好睇媽媽對餵人奶個感覺，我自己知道人奶嘅好處，但同時唔抗拒補奶粉，本住有幾多比幾多，唔比自己咁多壓力，所以餵人奶對我黎講係開心嘅，尤其是埋身果陣覺得同bb好親近
如果到某一日，當我覺得餵人奶係唔開心時，無論佢幾有益，我都唔會繼續
之前我好抗拒用泵，成日想埋身，但其實身體同bb都未ready，果陣好唔開心，所以無再埋身住，到真係覺得ready啦，咁咪埋身囉
其實我自己都會有搖擺嘅時候，亦都要知道係正常嘅，所以無論最後餵到幾耐人奶，要補幾多奶粉都好，處理好自己同bb感受同經歷先最重要
少少分享，希望幫到你
唔好用人奶既量黎定義自己。
我第一胎時無咩奶水，食咩都無咩奶，家人又比壓力，個時既我都轉左牛角尖，為左餵人奶而好唔開心。
到第2胎時好怕第一胎既餵奶陰影，最後我豁出去，因為我更需要一個輕鬆心情陪大b。最後我奶水都係無多到，但回望返第一胎既自己真係唔需要受呢種壓力同委屈。
如果餵到嫌世，一係搵人幫，工人又好長輩也好，一係咬緊牙關繼續，但放棄都可以，無人怪你的。
奶粉又好，人奶又好，其實真係冇所謂！
真係無必要俾自己壓力！
你可能長時間對住bb唔識放鬆！
搵個bb車雨擋，帶bb行下啲人少既公園放鬆下心情/轉換下心情！
其實依家暫時我係同媽媽住，但咁啱要搞搬屋，家姐去左英國，我會租佢屋企，但佢走之前有好多野未執好。我媽媽要分身去執野，唔係我有排搬唔到入去，變左有時我都要一湊二，依家幼稚園仲要停課…
餵奶粉無問題，我女都只食左一個月人奶
可能成日不自覺同上胎比較，變左好大壓力俾自己，其實都唔抗拒奶粉，但總係覺得自己無上胎咁勤力泵奶
你好辛苦呀!要比時間自己休息下鬆下抖下!!唔好有壓力,啲奶先會多返
同埋我覺奶粉無問題,只要食左無敏感,健康就得
我其實都唔明點解咁胎情緒咁波動，或者加埋好擔心搬咗唔同媽咪住之後，自己收工或者放假搞唔掂兩個
啲朋友總係覺得我好多奶，因為之前全泵做到全人奶，只要一同佢哋講話而家要食奶粉，佢哋就會話吓你咁多奶都要食奶粉，令到我覺得更加大壓力
哥哥餵咗人奶一年嘅，唔餵比弟弟好似好衰
仲要搬屋湊2個咁累，心情差好正常啦
老公份工要輪班，佢又讀緊書，一星期有五日都係11點幾先返到屋企，我又唔想阿媽咁辛苦，我連街都唔敢出
因為搬得好近，原先想慢慢逐d搬，但依家我連執野過執都無精精同心情
哥哥餵咗人奶一年嘅，唔餵比弟弟好似好衰
吾好咁諗。食人奶食奶粉都係對bb好呀。做咩比咁大壓力自已呀。2溝啦。5餐人奶3餐奶粉都會食到呀b肥肥白白嫁麻。你要揾人開解下。傾下。吾好自已亂諗野。
依家都係兩溝呀，但其實我直情有衝動想收左奶佢…
4個鐘泵一次奶，諗起第日搬左未放完產假，又要泵又要洗又要餵。仲要接送大仔（半日班）同整野食、教功課…
你餵到唔中意bb喎，我係bb情願飲奶粉啦，
我女都係餵左1個月人奶我就放棄，抗體一向係頭水奶先有，後面個啲咪就普通奶之嘛。
我早排情況都係咁!男人幫唔到手架 
你仲要2個 
我服你 
我而家都係咁,會扔幾日比99湊,自己返完工返嚟都可以鬆下
大嗰個可以跟你媽媽,因為佢都有一定自理能力
細嗰個都滿左月,如果戒埋夜奶,會越嚟越好湊!到時可以掉轉湊都得!細 b 跟你媽!
1人湊1個,手會鬆 d! 
放鬆啲，奶粉唔係有害，唔使比較，好多人都食奶粉大