我都係咁諗，但又有少少唔捨得唔餵佢。想佢慣返定時食奶之後再試埋身，睇下佢大左會唔會食得好左
咁原先我同媽咪住其實都還好，但搬左就真係未知會點。老公有時餵餐奶都餵一個鐘
就係因為想慳返d 時間所以埋身比泵奶快，唔洗暖奶唔洗洗野泵奶，不過媽媽要清楚一點就係「佢喊、埋身一定唔代表佢餓，可能有其他需要，其中一樣係安全感」。
抱住細b、用揹帶幫幫手，一邊餵一邊同大b 玩、傾計或玩簡單遊戲。家人一有時間就同你出去行下，就算只係落樓下行一個圈都係好既，困咁耐係屋企對你身心都唔好。我第二胎就係困太耐，困到情緒抑鬱，出多d 街、曬太陽真係會好好多。
1個讚
唔緊要架，放手俾佢湊，當果一個鐘除左係餵奶之外仲有係bb 同爸爸培養感情
岩，如果只係對bb身體好少少，但令媽咪身體差好多，就唔值得咁做。
你餵到3星期全人奶好勁啦，我3日都冇haha～不過都keep住泵，餵得幾多得幾多。
我泵成個鐘先得50-100ml，真心覺得冇乜阿媽啲奶咁少都肯繼續餵
我女食左一個月既半人奶，家下十幾歲讀中學了，無咩問題，唔使咁擔心
唔覺食奶粉是差喎，我女果時大小肌肉發展是快左既
1個讚
你媽咪如果近你屋,方便既話,就過去幫你手,可唔可以呢？
一個鐘餵奶係正常既,個 bb 飲嘛! bb 飲得快就唔駛一個鐘 
你睇下個奶樽咀,係咪太細,嗰陣我會用支針拮大佢嚟飲,如果 bb 飲得快
我年紀大可能不能作參考：我媽直情覺得人奶係壞事，護士叫佢餵佢死都唔肯，所以我食奶粉大，冇事冇幹，放心
嗄，咁就覺得自己冇用呀？不如我又分享你知我有幾冇用啦～我係ftm 泵左差唔多三個月，冇試過有一日唔洗補粉，每日食6餐奶我只係負責餵2餐，其餘時間都有人幫手，但我係最氹唔掂隻b嘅人，餵奶150ml奶都餵半個鐘至1個鐘，又氹唔到佢訓，於是自己硬食抱住佢我都冇得訓，未夠3個月我就大病左3次，搞到有幾日要放隻b去99屋企幫手看夜。
我奶又唔多，b又最唔聽我話，又易病易攰，又冇幫手搵錢，咁其實我有乜用呢～？
你有體驗過打爆冰箱已經好幸運啦⋯⋯我得5個150ml儲奶樽，未試過唔夠用囉，哈哈！
3個讚
係呀，太大太細Bb都會唔鐘意，個半月嗰陣都已經比佢試左7款奶嘴！最後先摸到一款佢鐘意，點知食左未夠一個月就又要換size，又買一批新⋯⋯
我無試,齋用一款,發覺佢好大食又急, d 奶好似出唔到咁,唯有拮大左,佢飲得快又爽,我又舒服
我啲朋友都有問過，可能關心下啦，佢哋又唔係judge我既！
不過我話「我冇乜奶，唔想辛苦」
佢哋都明，冇就冇架啦，可以點？
我3個小朋友，都係得1個食左6個月！
So what? Cheer up
媽咪，我都係二胎媽，我到第二胎，一黎情緒不穩，二黎細仔嚴重濕疹，我曾經想掉佢落街，之後自殺。。。而家捱過來了。
我同你一樣，第一胎勁多奶，第二胎少勁多。。。首先，真係胎胎唔同，你第二胎又攰啲，少啲奶，勁正常，餵到就餵，餵唔到，補粉不是壞事。千奇唔好俾啲人奶塔利班再俾到壓力你。
一打二真係堅攰，真係要搵人幫手，幫唔到湊細嘅，拎走個大嘅，又得。
搬屋係麻煩架，出聲叫老公搵佢啲兄弟黎，一日搬好啲嘢，ko一件事，個心舒暢啲，又少樣壓力，最多請食餐飯啫
right?!
加油，媽媽
2個讚
我個隻唔岩心水嘅奶嘴會食到發脾氣，初頭我哋估黎估去都唔知佢做乜又要食又要喊，後來發現左係呢個問題，所以之後都會比較知係奶嘴嘅事。
我有買吉奶嘴嘢，pigeon牌，但唔知點吉⋯⋯吉極都覺得冇大到，然後奶嘴咁平就索性換新一個碼。
嗰支野係…廢既
我用縫衫鈕啲針拮,要幾大有幾大 總之佢飲得暢順又無濁親,我就由佢 
1個讚
哈哈原來又買左垃圾翻屋企，好，等我下次要轉size就試下搵針吉！
1個讚
我都係買呢個牌子奶樽,一試唔得,就知支野係垃圾
1個讚
樓主，我覺得你唔好勉強自己泵奶，因為真係太攰，又泵又洗又消毒；
而且，你咁辛苦都想比2個小朋友食人奶都係愛佢地，但你逼到自己情緒不穩，喺佢地面前喊（我唔知佢地有冇見到，但我估你唔開心佢地點都會感受到）其實對個小朋友傷害更大於無人奶食架…
佢地同樣都愛媽媽，都想媽媽開心架。
我覺得你真係唔好比太大壓力自己，就算你而家停泵，轉全奶粉，都未必係一件唔好嘅事，起碼即刻緩解到你目前最大個壓力先。
記住呀，媽媽幸福，仔女先幸福架，加油呀！
我今朝泵奶創新高，兩邊夾埋有85ml
比起人地啲富媽真係差好遠，不過我已經好開心好滿足，有幾多咪比幾多囉
1個讚
佛系泵奶啦～ BB喺身邊你想俾佢啜下咪埋身囉，唔想除衫就去沖奶粉，其實無咩所謂既～ 我今胎都唔多奶，有泵有埋身就當俾BB食supplement，遲D無奶咪無囉～ 大仔食得多人奶，細B有哥哥陪，兩個都好好 ：）
深呼吸，你而家係好多嘢炒埋一碟咁諗，覺得好辛苦就唔洗諗咁遠，只專注望下你眼前兩個寶貝，望下窗外風景，只處理今日的事，甚至只處理呢三個鐘的事，已經好叻女！
BB初嚟人世，只需要開心的爸爸媽媽俾佢愛心同耐性，咩國安肺炎現階段唔需要理啦，BB既世界有無限可能，幾年後個世界係點無人知，唔洗諗咁多～
1個讚