Thanks 樓主
多謝分析， 其實我好想俾埋我自己嘅星盤同女女個個一齊睇， 但可惜我唔知自己出世嘅時間， 所以唯有睇下女女個個先
感覺上女女個種管家婆性格嚟自爸爸， 但爸爸唔係處女， 而同樣爸爸係好多事都有種無力感。。。
希望佢第時大個唔好變成有好強控制欲
1個讚
辛苦你啦 
Sorry各位，哩幾日病到五顏六色，恢復之後會盡快開工
多謝各位既體諒
樓主 take care 祝你新一年身體健康
1個讚
唔使sorry 
先照顧好自己身體，之後先慢慢開工
最緊要身體健康
1個讚
Hello, 先幫你睇小朋友1。僅供參考。
其實第一眼見到，小朋友個盤好多對分（藍綫）同四分（紅綫），等於小朋友既性格會比較複雜，自己好容易内在打交。
上升獅子，加粒木星，其實係講緊，小朋友本身其實非常之有光芒，係一個好容易受大家歡迎既人，好樂觀，笑哈哈，無乜機心，大家都好容易鍾意佢，而且亦代表，小朋友越能夠做自己，越容易得到環境既助力, meaning 所謂既"運氣"越好。
但係木星對分水星水瓶7宮，變相小朋友日後大個都需要學習"express自己 vs 尊重他人"既議題。佢自己既思路會覺得自己需要尊重同用一個以大家利益爲上既方式去考慮，但因爲小朋友木獅子，變相會有平衡兩者既議題需要處理/學習。
4宮頭天蠍，加土星sip左入4，5宮之間，同時對分10宮月亮雙子。
感覺可能教育上，媽媽比較係落規矩管理果個，家庭環境亦比較强調"生活不易，要隱忍生活"，所以感覺反而小朋友係早期，原生家庭上限制比較多，到5宮所代表既自我表現與享樂，都比較難以自如地展現自我，到6宮摩羯，再入一粒冥王，更强調生活需要忍耐壓抑小心謹慎刻苦既基調。
所以可能就算小朋友個底其實木星獅子（發放光芒），太陽合海王入雙魚（大愛悲憫），但係早期成長到大學之前，可能都比較難去展現出黎，至少作爲家長既你地會難以見到，可能佢同fd出去，自己一個獨立同其他群體相處（11宮雙子），反而先見到佢開心活潑既一面。
不過因爲九宮開始多星，金火合白羊，三分土星上升，變相真係開始入大學，小朋友從前係家庭得到既"磨練"就會化作佢追求學問，個人成長既良好foundation，小朋友亦開始識得去balance限制vs自我既能量。土星射手入5宮頭，感覺都係suggest緊，小朋友需要學習既一點係，如果係被受限制既環境下，仍然可以突破框架，自如地展現自我。
僅供參考。
1個讚
Hello，僅供參考。
你個盤一眼睇好恐怖 
我自己個盤都已經好傾側，你仲要傾側好多好多
不過唔緊要既，只係講你既生命之中比較側重某d野。
太土合，冥王入天蠍，順住落水天金海入射手，木火入摩羯。基本上我睇下，其實你自己應該都好留意哩d神秘學啊，神神化化，wee weng weng既野 就算唔係完全係mystic類，起碼對與宗教都有一定興趣或者涉獵。跟住你應該都話好多時間去理解學習深思哩d野，然後因爲你自己好靠近spiritual既野，所以其實變相從mundane既角度黎講，你應該都係一個好遺世獨立既人，亦因爲你幾乎無星入1-9宮，唯一有星入代表社會認同，係社會上名譽地位同貢獻既10宮，都係入天秤+太土合，冥王入天蠍，等於你係社會大衆層面，都係好hidden，suppressive，有意識地隱藏自己甘濟。所以其實感覺，其實世俗世界對你黎講，真係無乜feel，有就有，無就無，OK是但無所謂甘 反而你會覺得spiritual realm，靈魂人性内心黎d野，會更加吸引你去挖掘探究，深入理解。而哩種内省，會最後化作你係哩個世界生活既態度=上升摩羯（剋制，與人保持距離，具有面對逆境既强大力量），火星摩羯入一宮（强大無比既意志力，可以以恆久既耐心去追求想要既野）
唯一一點，可能就係月亮白羊3宮，可能自己同兄弟姐妹中小學同學，相處上反而係最舒服，最能夠express自己。而且月亮白羊個底都係容易脾氣急躁燥底，有時會想爆人（對分冥王），但係你spiritual方面既追求同理解（三分金海），反而會幫助到你去sooth你自己既temper，然後用一個比較constructive既方法，eg係追求spiritual上去釋放哩種情緒力量。
1個讚
我確係對神秘學好有興趣, 亦好鍾意思考人生嗰類人
喺大眾面前隱藏自己都係好準, 我唔鍾意做焦點, 想靜靜地
而且我既脾氣確係來得好快, 好多時候都勉強忍到, 但偶然爆發既時候絕對唔係講笑, 但係我又好識開解自己, 好快就消氣
交心朋友都唔少, 大部份係由細識到大
樓主, 謝謝你花時間幫我解盤, 而且仲好準, 太厲害了! 哈哈! 遲咗少少, 祝樓主你新年快樂! 身體健康! 
1個讚
樓主，麻煩哂
祝身體健康
謝謝你呀 小朋友1都真係性格有D複雜 佢俾我嘅感覺係內心好多矛盾 最明顯嘅係經常口不對心 佢今年只係五歲 我都已經FEEL到佢收收埋埋好似好多心事.
本身我哋屋企都冇俾壓力 我同老公都heahea哋 真心唔知佢內心嘅複雜喺邊度嚟~~
期待小朋友2嘅解讀 
1個讚
唔該樓主
Hello Hello。你客氣啦，我都係超級業餘自己睇書玩
如果你有任何見解，希望你都可以開心share。大家一齊brainstorming會學得更加好 
by the way……你張圖有d細，方唔方便edit放一張大圖 甘睇得清楚d
Hello，都係睇你自己先。
其實你個盤……本身d energy都幾衝突，不過或者唔應該話衝突but 多元。
見到你個底重 射手 vs 摩羯；雙魚 vs 白羊。
而上述兩個組合，本質上都係幾對立既energy黎。
射手講expansion，摩羯講oppression。
雙魚講被動lay back，我=大家；白羊講主動，我就是我甘。
一般黎講，其實好容易出現内在衝突。不過睇真d，你d星有好好玩地剛好好似互相匹配返，變相令你可以完美柔和到兩種polarity。
土星射手+天王射手 vs 海王摩羯
代表liberation & limitation既星同星座互相調和左。所以你應該係所謂，有理想得黎唔離地，實在得黎又唔會死氣沉沉果種一。一種樂觀與現實可以完美平衡既狀態。
然後雖然你日水雙魚，而雙魚能量其實最怕就係"一舊雲，唔知自己想要咩，自己都無一個focus point"，不過你好彩係有粒冥王天蠍係11宮用三分相傍住兩粒浮黎浮去，入左雙魚既日水。變相話，可能其實你自己真係咩都無所謂，同d fd，兄弟姐妹，身邊近既朋友（3宮）你就是我我就是你，相處上又是但啦，無所謂啦，你鍾意啦，我都ok。變相你好容易無左自己，不過有粒冥王入11，變相係，如果你有一d志向，理想，反而你就可以有一個好明確既目標——哩d野係甘就係甘，無得妥協。變相感覺你會有返一個好明確既志向同人生目標，平時如果唔講d咩大義，社會公義（天秤11宮），你真係濛查查，糊塗是福甘過一世都無所謂甘。
僅供參考。
咦，lightwriter你黎啦 果然係BD神秘學組人士，個盤已經超級直觀地見到曬。
僅供參考。
同神秘學，靈性，陰謀論，宗教等有關既8，9，12宮，你d星塞到爆曬
首先睇12宮先，你太陽+金水合入白羊，宮頭又係白羊。
變相係……感覺你簡直係"癡綫癲喪式"甘去熱愛追求探求12宮所代表既野，eg，一d隱藏社會大衆唔知睇唔到，發現唔到既野（陰謀論, Illuminati類）而感覺你應該有好强既natural instinct去feel到哩d"唔對路既野"。
你哩種白羊式既直覺，同水象星座果種，隱隱feel到水底波浪既流動改變唔同，你果種係一種原始本能式，好似有大地震，d動物feel到唔對路，就即刻腎上腺素飆升，d生存反射動作即時reflect甘。所以感覺你更多係：哩舖大鑊啦！哩個世界就黎玩完，我地一定要做d野！唔係大家一齊攬炒pk啦！ <---- 甘樣為生存而奮戰既意志力+生存直覺
跟住你……太陽三分8宮天王射手…… 我即時反應係：哩條友真係癡綫 8宮代表一d黑暗面，然後天王有d似插一條天綫落去8宮甘，然後connect返落去你太陽度解讀出黎甘。變相你又係對於一d人性黑暗面，好似直接有直接訊號射入你個腦到甘，變相你又係好容易，靈機一動就收到好多唔對路既野，問你點解你會甘覺得，可能你自己都講唔出點解個腦突然有d甘既想法。
同埋天王既智力係跳脫既。唔同摩羯座&土星既ABC跟住一定係DE，天王係AC之後可以突然E，跟住反推B，跟住突然靈感一點加返個D入去甘 基本上感覺你可以唔按照邏輯都可以推論到好多野出黎，而其他人係完全好難catch up到。
月海合相入9宮，感覺其實你好想follow一條"正常""常規"既path去理解所有野，你本身都覺得其實有法可依循，有一個完美規範去跟住pursue+鞏固自己既理想都幾好。不過海王本身就容易blur左所有既structure，月海合又同時四分金水白羊入12宮，變相係，你d 直覺靈感太爆炸，好似一頭脫繮公羊一樣撞黎撞去，你根本自己都黎唔切建立一個鞏固可信賴既信念系統，你d白羊式直覺已經馳騁千里，或者重新又撞碎曬你自己所建立既野，所以……其實覺得你自己表意識其實都幾攰 可能甚至有d：我d你 比我透下得唔得？！
反而你上升金牛，入火星金牛……個樣第一印象或者外在氣質應該非常呃得下人，比人感覺好似好世俗好現實。感覺你出到街，話你係Lightwriter應該無咩人信
僅供參考。
By the way，睇你個盤超級好笑，好有畫面感