好奇囝囝將來會如何，謝謝樓主
辛苦樓主！
其實我成日都覺得自己好極端+矛盾，真係好鬼辛苦
有好多理想但實行力低，最後都係腳踏實地咁生活算啦唔想煩XDD
另外，自問算幾肯遷就人，成日乜都冇所謂yes man，結果好多時過晒龍寧願自我犧牲，迷失自己…亦都極度糊塗，好彩一直有人傍住so far冇出過大事。
不過當自己想堅持某樣野就會唔聽人講，一意孤行去做；尤其講到社會公義問題就會變左偏執狂…
「濛查查，糊塗是福甘過一世」有時我都希望可以咁，都係一種幸福黎！
你的分析令我更了解自己，謝謝你～
1個讚
呀～成件事好震撼呀喂！你攪到我倒抽左10幾口涼氣呀！！
好多野想講。首先我係對陰謀野無特別興趣架
,純粹當8掛咁睇。後生時做過d test 話我sprititual 好強，係我其中一個特質／talent, 我係唔信架，我唔會諗到自己係神婆或花時間研究係靈異野身上，只流於8掛層次。
之後你話我有d危機感，well, 舊年未開始爆covid, 只係報紙賣大陸有病毒，一月頭我已經開始屯口罩，一月中仲去台灣搬口罩返香港，at the end 一家大細都夠用半年，成功過渡危機唔使同人爭。的確唔知邊到黎既力量，但覺得係一定要咁做就好似呼吸咁正常，完全無理其他人點睇（好在老公都無比壓力我咁做，最後仲成功左）。
至於思想跳脫，係呀，我好跳制架。1跳到345，但d人要一步步黎就會覺得我跟唔到，但我已經行到345你仲2呀？好啦就返你啦，就比人覺得我難溝通lor.
所以另方面我咩請教你我工作煩惱既。係呀我真係好難balance到做野，私人野，屋企野，好爆炸呀而家。好想放棄工作去focus 另2樣，絕對係被（自己）chur爆左。
哈哈，睇完我覺得呢個盤應該係4季兄，點都未到我呢d小卒。又，睇見你描述都覺得心很累，唉。咁我係咪應該靈性上發展下好啦？
多謝你既feedback。
我自己睇既盤唔算多，不過真心你哩個係我睇過最重spirituality既盤。
Spirituality重既盤，如果處理得好就超級正啦，但係如果處理唔好，最容易出現既顯化可能係内在既情緒混亂啊，無自我啊，迷茫啊，聽到奇怪野啊 好離地同哩個世界格格不入甘。其實係好common既事黎。
我自己個盤其實同你好似，又係下半圓完全無星甘濟，d星塞曬係9，11，12哩d so-called好離地既宮，所以其實我都成日覺得自己係物質世界係一條極端廢銀黎。好似咩都做唔好甘，同埋係物質世界無存在感。
同埋concern with 你既工作，屋企，私人野，哩d我全部當係物質世界（人際關係，金錢，工作，物質環境etc）睇先。其實因爲你12宮超級重，12宮代表休息，退隱，非物質，變相就好似你既意志力，興趣愛好，運氣，思維眼界，全部都好難係物質世界運用，或者帶來作用力甘 或者好似，海洋=物質世界，其他有星in物質宮位既人渣快艇，你就自己徒脚踢水甘既feel。所以12宮重，尤其係代表物質既宮位無星，好容易有一種無力感。
同埋你又月海合，等於連你難得連接土象星座（追求社會成就地位既摩羯）既月亮，都好容易被海王星果種12宮，unworldly，無爲，無力，被動既energy影響到。
但係其實叫你入d好純講感應講直覺既spiritual其實應該又係好難……因爲你月亮摩羯，個底你會想信任邏輯或者叫有思路解釋到既野，木星水瓶，應該代表你對於一d具有邏輯性，前瞻性既野接觸（=離地難理解極都有個譜，eg 一個問米婆上神，你好大機會會覺得揾笨，除非可以用好科學邏輯既方法解釋個原理被你知。）反而會容易入口d。同埋你12宮白羊，守護火星入金牛，8宮射手，守護木星入水瓶。其實你都真係要有logical mind，或者要有一d好實際既野被你見到榜住先得。
至於工作……我自己會覺得你既最大生財resource係雙子類野，eg. communication, information delivery果d，變相係……其實你係BD share同分析d野，係你最值錢最能夠生財既talent黎。 雙子守護水星又係入返12宮，即係你由係靠12宮哩d野，更加容易draw到resource去生財。
6宮天秤，講既係你每日做既野係協調，做liason類，如果你有細路，成日嘈交做調停都係 同埋做d legal類，大家最求mutual benefit類既野甘，或者係傾生意一對一對客果d。10宮摩羯，對應返你上升金牛，其實都係個殼呃到人，個殼比人感覺好世故好materialize，同埋可能都係係大機構，d具有hierarchy下做野（守護土星入天蠍7宮，可能做保險阿，風險投資，財務類工作，6宮有冥王天蠍亦係）。有粒木星水瓶入10宮，變相就係你識人越多越好，越有運氣，尤其係一d萍水相逢，有共同志向既人會爲你帶來運氣。
不過都係果句……2，6，10宮無星，或者少星，其實真係會好難發力，因爲你要等行運既星體入宮先會感覺到明顯既推進力。em……因爲我自己都有甘既情況，然後我自己已經選擇左唔會係material world去要求自己 完全得過且過就算，因爲我知道自己出生個藍圖，本身就唔係要去pursue哩d material既野。我hea打份工，賺錢都係交比老公全力負責 同埋因爲你太陽本身就係12宮，等於其實真正帶比你人生意義同滿足感既，係哩d神秘學，wee weng weng，同unworldly既野上既追求，就算比你刻苦努力爬上社會巔峰，其實你靈魂都唔會有滿足感。所以…… 你可以考慮下揾d systematic d既spiritual野去研究，跟住去觀照返自己既生活，可能可以為你既人生觀帶來一d改變，從而唔會再甘糾結痛苦
僅供參考。
1個讚
Hello！麻煩你！
逆行火星無咩問題既……比較蓄勢待發姐，我自己覺得
你話你都有玩占星，其實都幾fulfill到既。
冥蠍8宮，木射手8宮——鍾意深入研究一d野，人性啊心理啊創傷啊陰影啊，神秘啊，宗教啊哩d，用物質世界角度覺得無事揾事做既野 同埋叫做一d甚少人談及，或者話被人忽視既野。
月天（水）合水瓶，日土雙魚。
月天等於你都係要强烈既天綫同直覺力，然後水瓶+守護天王都係比較代表upper world，同個天空比較有connection既野，兼帶有logical mind，scientific + innovative既野，所以其實占星會fulfill到。因爲占星係人稱，spiritual world裏面最有根有據，最能夠用科學方法，eg統計學去證明事情相互關係既學説。
雙魚本來係好靈感性，最anti-rational既，不過你有粒土星宅一宅（同埋同太陽有機會8度内合相）就好少少，起碼"海王星式混亂"極，都有粒土星form返一個模具，强制有返d結構性同埋邏輯式，唔好太過分。所以係見到fufill到研究占星既——叫做係好 "anti-rational"既靈性野裏面，最rational既學科
不過好彩你星群（連太陽）入10宮，成件事會平衡返，meaning balance到d wee weng weng野同物質世界既生活。同埋都會感覺，10宮所代表既野——社會傳統價值 eg 金錢物質社會地位名譽，社會責任建設果d野，你係會得到成就感，同埋係你真心想去追求既野黎。所以，你其實應該都可以係物質生活中得到滿足感，同埋星群入10宮，都容易得到社會所認同既成就……唉好羡慕
僅供參考。
連睇2次呀你！仲每次都咁詳盡咁深入，仲share 埋你既參考，我真係好想like爆你。
同埋無限個give me 5.
dull dull 轉轉人生竟然係咁！我要諗一諗～
2個讚
謝謝你啊！
我好中意研究人類/人性，我會睇好多心理、哲學、宗教、人性陰暗面既野 正如你所講，我對占星好有興趣，係因為佢將地上既人同天上既星星connect埋一齊 所以好想探討下當中既理據同邏輯係點樣建構。
同埋我成日都會諗係現實生活中，有咩理性可行既方法可以令世界/人類更加進步哈哈。所以成日都有無力感同挫折感，畢竟想頭太大哈哈。
我一直都視自己既土星係一個唔好既星，岩岩好落係12宮+日土合相(提提樓主我既太陽唔係10宮呀 )，不過見你咁講，提醒左我土星係一粒會鞭策人，令人進步既星星，佢令我變得理性踏實番少少，同埋學識要愛護同相信自己。
唔好羨慕我呀，我既感情生活可以話係沙漠，我好抗拒親密關係，亦好怕一般戀愛既相處模式，可能係同月天合相、金天合相、金星10宮互相呼應…唐國師話金星10宮係冇桃花可言 
。
好多謝樓主你既無私奉獻，樓主你對其他星盤既分析我都有睇，我從中學到好多野！
1個讚
多謝你 因爲本身你個盤真係好amazing，同埋我自己明白你果種感覺。所以特別想講
真係好感謝你。其實at the same time 我都呢埋左重溫緊你既comments,真係好有啟發性，亦解釋左成日感覺刺刺唔舒服既地方。
我地方便可以pm 繼續傾嗎？真高興呢度識到你
1個讚
Holy, 我睇左個月天合做日天。cap圖真係唔太方便，同埋好易睇錯 
唔好意思啊 
不過你星群入10宮，應該都好得心應手，太陽入11宮就真係好追求社會進步，人文理念果d野。
我自己都土星入12宮，所以其實一直好唔知自己既trial係乜野，真係要宜家甘多年，先會開始明白土星既好處。同埋以前唔覺得，宜家會懷疑其實土星入12宮，都代表好多karmic既野要處理，至於係咩真係要自己體會
天王真係……代表分裂切割，等於你既emotional attachment同desire好容易話切就切，不論主動或被動。10宮金星……做明星應付唔錯 或者同d叫……年長d既人好d，畢竟10宮ruled by摩羯？
你太客氣，我都係一邊幫睇一邊自己做練習甘。要多謝BD甘多位朋友仔信任先係。 
亦希望你如果有見解都可以開心share，等我都可以從唔同既perception學野 
可以無問題，你都客氣了，多謝你既信任先係 
麻煩樓主幫我睇睇, 謝謝!
Hello，僅供參考。
感覺你木星，射手，雙魚energy好重
因爲第一眼好明顯，木星射手合天頂，木星超級强勁（雖然逆行不過其實關係不大）
同埋你上升雙魚，古典守護星又係木星，等於自己星盤守護星（compare with 海王，木星我當1/3計啦），都係木星既energy。
所以感覺你對於一d自我提升，眼界提升，要睇得好遠，或者好虛好離地，講意識形態，講哲學，講思考模式etc，哩d so-called食飽飯無野做，類似d人講：講哩d？！民主自由係咪可以當飯食啊？！ 類似哩d講concept，同埋對於人心，人既心智靈魂成長既野，你都接受到，甚至話如果想學，會有好多機會學到，or接觸到。除此以外，9宮都代表遠行，可能好多機會比你去外國，不論旅行定定居，或者d機緣機遇etc，都好容易係異地發生，或者牽涉到異鄉人異國文化等等。
同埋因爲合天頂，感覺應該你係社會，特別容易比人哩種感覺同印象。可能你本身就係從事旅游，移民，升學，進修，甚至宗教哲學思想哩d相關行業，亦可能純粹被人感覺到好有上述既印象。
上升雙魚，有土金合，雖然同你本身木星4分左，但係其實問題不大。會似係，你自己本身可能對於自己係一個點既人，其實無太多概念，一直都係靠外界話比你知你係一個點既人。而就係哩樣野，你變相係一個唔太自我既人。連"自己"都無好明顯既定義既時候，meaning無所謂 你就是你，我就是我既分離概念，所以可以用好宏觀既視野去看待事情同世界（木星射手9宮），好多野都可以大而化之甘。而唯一土金合我個人感覺就係，因爲土金，雙魚都係陰性能量，同埋都有種懶洋洋，一動不如一靜既feel 所以感覺本身你係嬾底人。
唯一最積極就係賺錢 或者話個focus其實唔係錢，而係你eager to透過 "因爲自己既資源，努力同能力賺取到金錢"哩件事，而見證到自己既存在一樣。有d似，你係完全idle，passive自然既狀態下，其實個性格setting都好佛系，所以變相你有意識想要透過"用自己能力賺錢"哩件事去為自己form shape甘。火星獅子入6宮，都見到其實你每日做既野，其實多好重視係自我既展現上面。有種特地行動 in order to eagerly express既感覺。不過就算你日常工作好努力多好，其實問你對於追求社會名譽地位，其實又唔係真係好care 10宮射手完全係感覺freerider feel。煮到黎就食，有就有，無就算，無所謂甘
僅供參考。
1個讚
Hello，僅供參考。
首先呢……第一眼見到你日金合相（白羊+金牛）係2宮。
感覺你自己本身已經係吸金人。咩意思呢……有d似係，你好有意識要賺錢，但係你賺錢既過程應該都係頗爲輕鬆舒服愉快既，唔係果d “做到隻積甘既樣” “鬼叫你窮啊頂硬上”，你唔係一種辛苦賺錢既人，but輕鬆愉快地賺錢既人。
6宮頭獅子，入月亮，其實多見到你對於係工作崗位發熱發亮係好開心。你可能都會覺得係工作團隊，同事之間有一份光芒燦爛，被大家所熱愛既歸屬感，加上月亮又三分太陽金星，所以會見到其實你返工應該都好開心。
同埋11宮天海土三分2宮水星金牛，感覺其實好多時你係賺錢方面，好容易得到朋友/客戶們既幫助，不過唔係話現兜兜比錢你果種，而係可能成日有意無意提點你，令到你做得更好，知道點樣改善，從而提高你自己既資源技能同埋生財能力。
唯一人格反差……應該係你上升雙魚，其實本人平時無乜野果陣，應該都係hea底人，唔洗見人就寧願蓬頭垢面宅係屋企（五宮巨蟹），唯獨係返工賺錢特別有幹勁。
2個讚
Hello，幫你睇左哥哥先。僅供參考。
見到哥哥個盤，超級重變動星座（上升處女，天頂雙子，日水金海月入曬雙魚）。
哥哥可能會係一個非常flexible既人，好識得靈活變通，但係因爲内行星一堆係雙魚，變相容易係因爲"咩都無所謂，是但啦，無緊要，差唔多，都ok"，所以可以好靈活變通 雙魚星群又係六宮，如果大左，可能係工作環境或日常事務上，好容易會咩都無所謂，唔會有無太多rules框住自己。但變相你可能就會覺得哥哥無乜自我甘，同埋應該因爲好願意去幫人，幫同事，所以阿媽可能都會擔心仔仔比人蝦，比人揾笨甘。不過其實都係優點黎既，哥哥係天生都好慈悲同具有同理心，同埋有金星入6宮，應該都會好受同事們既照顧。而宜家仲係小朋友既時候，可能就會比其他小朋友接受到變化。
meaning，咪話d細路，好鍾意d野一成不變，同一本書睇n次，每日個routine係甘就不能邊，全部自己都可以預計到，從而帶來安全感既~ 但係感覺哥哥可能無哩個情況，哥哥可能無甘高度限制"我以前係點，宜家就要點"。細佬都6宮頭雙子，細佬可能係因爲"嘩好似好得意bor！試下新野先！"，但係哥哥就係"下？有分別咩？唔緊要啦！是但都ok"甘既feel 同埋相對黎講，日水月都係雙魚，又有海王三分火星係度，感覺哥哥情緒變化都應該幾fluctuate，同埋容易受大環境energy影響，感覺比較無路跟，有時會好難推斷點解會有甘既情緒變化。
1個讚
Hello，僅供參考。
首先睇你上升獅子/巨蟹，個人感覺係，你本身都可能係怕羞底，不過如果係一個舒適熟悉既環境，就可以展現出一個好大姐大，溫暖照顧他人既性格，同埋敢於展現自己。
跟住你日水合射手入5宮，又比火星水瓶3分，有種感覺你如果玩起上黎，或者開心既時候，會有種喪彪feel 可以玩得好顛，好今朝有酒須盡歡既fee，我甚至有d畫面係，你飲醉酒就可以開心發癲甘既 平時已經無乜boundry，開心既時候更加無限制。
跟住再睇你月亮係金牛in 10宮，變相其實你需要係社會上有名成利就，你先感到安全感，同埋你需要感覺到自己係社會上有競爭既價值同能力先會安心。
然後再睇你4宮入冥王土星天蠍，其實應該解釋到曬。可能你屋企都經歷過一d經濟困難，容易導致到你有經濟或者物質上既生存危機感，所以你大左會想透過追求自己事業去得到安全感。而亦可能因爲原生家庭上既限制同壓力，變相令到你渴望向外求快樂，係屋企就自我壓抑，出到街玩就完全釋放變喪彪都唔奇。
僅供參考。
1個讚